Agrupaçom de Montanha "Augas Limpas"

CRÓNICA: SERRA DE SAM MAMEDE, A HEDREIRA E MONTES DO SAMIOM

2012-01-10T18:44:00.005Z

As 11:15 da manhá do 14 de Janeiro do 2012, arrancava a andar o grupo de 6 montanheir@s desde a desembocadura do rio Queixa, fazendo-lhe fronte à giada que cobria toda a paisagem e que deixava umha temperatura que convidava a entrar em calor caminhando.

Seguimos a pista rio arriba, direcçom Sul, e ao pouco tempo passamos por Ferreiria, umha aldeia na que só fica um habitante. Desde aqui viramos cara o Noroeste, seguindo a corga dos torneiros até chegar ao Teixedo, aldeia abandonada desde fai mais dumha década e que fica numha paisagem rodeada por prados, carvalheiras e bidueirais. O caminho atravessa a aldeia e vira cara à dereita para começar a subir pola paragem de As Gorbias.

Esta primeira parte da subida remata numha das entradas ao Bidueiral de Gabim, um pequeno exemplo da fraga que noutoutra cobria toda a serra. Como íamos bem de tempo e folgos, decidimos atravessa-lo e subir depois desde a cara Noroeste por um empinado corta-lumes até o alto de Sam Mamede, chegando assim à quota máxima do roteiro de 1618m. Ainda que o dia nom estava totalmente despejado, no ascenso poidemos desfrutar de fermosas vistas. Aproveitamos o refúgio para jantar, recolhendo-nos assim do vento que começava a soprar.

Depois de repor forças e colher auga na fonte do Santo saimos em sentido Sudeste rodeando o val glaciar no que se assenta a aldeia de Rebordechao, chegando até o alto de Os Petaros, donde colhemos cara o Leste para começar a baixada cara a aldeia abandonada da Edreira, a primeira parte por pistas forestais e a segunda por um pequeno sendeiro que discorre à beira do rio.

Com os últimos instantes de sol chegamos até o refúgio da Edreira no que faríamos noite. Depois dumha rota de algo mais de 30km, quentamo-nos ao carom do lume e de repuxemos folgos cum prato de calhos quente para depois descansar para outra dura jornada de montanha.

Logo dumha noite de chuvia e de nom madrugar muito, o grupo de montanheir@s saimos da Edreira as 11:15 da manhá. Depois de cruzar os dous rios até o outra ladeira do val, começamos a ascender os montes do Samiom, sempre monte a través.

Umha vez passados os 1200m, a neve acompanhou-nos em boa parte a jornada. O primeiro alto em coroar foi o Pendedo do Samiom, a 1367m. O dia nom deixava desfrutar muito das vistas, mas ainda assim impressionavam as verticais cuncas divisadas desde o alto. A partir de aqui seguimos cresteando, dirigindo-nos sempre cara ao Norte e deixando à esquerda o val do rio Queixa e à dereita o cordo do Boi, até acadar o alto do Gistral, a 1596m.

Desde aqui, e seguindo um corta-lumes coberto de neve, descendemos até a aldeia das Taboaças, para seguir baixando por um caminho até o rio Queixa. Olvidando as frias temperaturas da auga cruzamos até o outro lado para depois caminhar um pouco pola pista até donde tínhamos os carros. As 16:40 rematava esta segunda jornada de roteiro e depois de comer algo ao quente em Monte de Ramo, despedimo-nos até a seguinte rota.

A Coordenadora INCINERADORA NO IRIXO NON, convoca unha mobilizaçom este sábado

2012-01-05T10:27:00.003Z

A Coordenadora INCINERADORA NO IRIXO NON, convoca umha mobilizaçom este sábado, animando a toda a gente de bem a participar e a solidarizar-se, pois estám a reclamar o nosso apoio e difussom.

A mobilizaçom será o sábado día 7 de Janeiro às 16:00h horas No Irixo, na estrada que vai de Lalím a Carvalhinho ( OU-902) recta do Abanico (ao lado da Gasolinera). O percorrido será de 1 km, dende o o cruze de partida até a Praça do Concelho. Há estaçom de tren a medio km pertencente a linha Ourense-Corunha. Saída de Compostela: 13:45. Saída de Ourense: 14:36, volta Irixo-Compostela: 20:59, volta Irixo-Ourense: 20:31.

A manifestaçom convocou-se dende a Coordenadora INCINERADORA NO IRIXO NON côa intençom de parar a construçom da nova planta de incineraçom tipo SOGAMA, seria construída com um orçamento que será a metade do que foi o de SOGAMA no seu dia, e gestionado dumha maneira totalmente privada mediante a empresa Estela Eólica.

O objetivo no fundo é contrario ao mantemento da poboaçom no rural xa que é evidente que a implantaçom dumha planta incineradora num concelho fai bem pouco atrativo a implantaçom da poboaçom. Por outra banda nom aposta por setores e modos de vida próprios do rural como a agricultura ou a gandeiria.

As incineradoras estilo Sogama (como a que querem implantar no Irixo) só queren tratar a merda que produz a sociedade de consumo nas cidades lonxe, onde nom moleste; no rural, acrescentando as desigualdades entre o rural-urbano galego e convidando a marchar à vecinhanza para as cidades.

Charla informativa no Carvalhinho

A Casa da Cultura do Carvalhinho quedou-se pequena para escuitar a charla que derom o representante da Federación Ecoloxista Galega (FEG) e um biólogo membro da Sociedade Galega de Historia Natural, co galho da próxima implantaçom no Irixo dumha incineradora. Tratouse a xeraçom de residuos na Galiza, os perigos da incineraçom e o fracasso do modelo Sogama.

Argumentouse con dados técnicos e oficiais (da propria Xunta) como o modelo de incineraçom proposto é um modelo fracasado e totalmente desfasado. Comentouse cómo nom se fomentam políticas de reduçom, reutilizaçom e reciclagem, e por contra cómo se aposta pola incineraçom como primeira opçom em contra da disposiçom das diretivas europeias. Comentouse como non se cumprem os propósitos que aparecem no “Plan de Residuos de Galicia 2012-2020” de “Responsabilidade do Productor” (quem contamina paga) ou o de “Proximidade e suficiencia” (gestióm dos residuos próxima ás zonas de generaçom).

De querer contatar com as pesoas organizadoras da mobilizaçom deixamos aquí o contato:

http://www.incineradoranoirixonon.es

Teléfonos de contacto:

Alberto (porta-voz): 666330333

Silvia: 677873357

CRÓNICA ROTEIRO ANCARES.

2011-11-17T21:11:00.002Z

Partimos da aldeia de Búrbia com bastante retraso sobre a hora prevista, e coa dúvida de se daria tempo de ascender até o Mostalhar, o nosso primeiro objectivo. As dúvidas ficárom atrás quando comezçamos a andar acarom do rio Búrbia até chegar ao ponto onde o regato do Vilouso desemboca neste caudal.

A nossa intençom era ascender ao Mostalhar subindo polo val configurado polo citado regato até chegar à crista da serra, e desde ali ganhar a cimeira do emblemático pico, descendo pola outra cara e depois polo mesmo val do rio Búrbia até a anterior confluência de rios, desde onde repetiríamos caminho à inversa até o lugar de Búrbia (aldeia, vale e rio levam o mesmo nome).

A subida polo regato do Vilouso fai-se por um caminho bordeado de carvalhos, que se vam convertendo num autêntico bosque, através do que se podem ver impressionantes penas como a de Soupenadameda.

O caminho remata num sendeiro que sobe polo que agora já é um bosque de carvalhos e acivros, e que nos leva a um lago entre o Mostalhar , o pico de Lagos, e o Corno maldito.

Carreiro polo bosque

Lago e Mostalhar ao fundo.

Desde o lago ascendemos até a golada que separa o Corno Maldito e o pico de Lagos, e iniciamos o avanço cara o Mostalhar atravesando toda a crista, e despois de agatunhar e descer a pena denominada Castelim, chegamos à cimeira do Mostalhar.

Cimeira do Mostalhar

A descida do Mostalhar fazemo-la pola golada que separa o Mostalhar do Pena Longa, internado-nos posteriormente no val que seria a cabeceira do rio Búrbia. A baixada por esta cabeceira é impressionante tanto polo silêncio como polos precipícios que sobem até o Mostalhar e até o Pena Longa. Parte desta descida transcorre por umha pedreira na que hai que baixar com bastante tino, mas que tampouco plantejou problemas.Descida do Mostalhar

Um pouco mais abaixo da pedreira segue o carreiro, que remata num caminho que nos levará de novo entre montes escarpados, ao empate do Búrbia co regato do Velouso, e de ali diretamente à aldeia de Búrbia, onde passamos a noite.

O dia seguinte seria o dia do ascenso ao pico Miravales. Dado que nom íamos dispor de todo o dia, escolhêmos a rota com menos desníivel, que é a que parte de Porto Ancares. Até ali subimos nos carros, pois está a bastantes quilómetros de Búrbia e o tempo disponhível era escaso.

Desde Porto Ancares tomamos a crista da serra da Bruteira por onde circulamos sem apenas dificuldade, exceptuando algumha pequena e doada trepada por algum penedo que se interpunha no nosso caminho.

(foto 6 : serra da Bruteira, e o Miravales ao fondo, fotos 7 e 8 : avance pola serra)
Umha vez chegados à base do nosso objectivo, aguardava-nos umha forte subida, ainda que de pouca longitude, que figemos em vinte minutos, e por fim chegamos ao cúmio do Miravales.

(foto 9 : no cumio do Miravales)

Já na descida caminhamos cara ao Sul, co Cuinha de frente, e em pouco mais de hora e média chegamos outra vez aos carros;despois de alguns breves estiramentos e algumha mudança de roupa, dimos por rematado o nosso roteiro polos Ancares.

(foto 10 : descida do Miravales. De fondo: o Cuinha , foto 11 : sem título)

ARDE GALIZA. JUNTA RESPONSÁVEL.

2011-10-21T14:50:00.001+01:00

A inícios deste outono de 2011, a Galiza volve a padecer umha imensa crise incendiária. Nestes dias, umha parte importante do nosso património natural e cultural é consumida polas lapas. Perdem-se também fontes importantes de riqueza para a vizinhança, e hipoteca-se o direito a um futuro digno para os galegos e galegas de amanhá. O fim da memória e a desertizaçom do território som as heranças que deixa esta desfeita. Um dano irreparável que, contra o que se diga, tem RESPONSÁVEIS.

-Todos aquelas forças políticas (da UE à Junta) que leva décadas procurando expulsar a populaçom do rural, fechando alternativas de vida nas aldeias. Um rural sem vida é um rural mais vulnerável aos incêndios.

-Umha classe política (representada polo PP) que promove a forestaçom dos montes em detrimento das terras de cultivo e umha economia diversa.

-Um sector económico-empresarial, o madeireiro, que converteu os nossos montes num imenso polvorim com espécies alheias e pirófitas.

-Uns meios de comunicaçom, servos do poder (hoje PP) que ocultam dados, minimizam os danos, e ocultam as más condiçons laborais das brigadas.

-Umha conselharia de meio rural que nom quer organizar umha forte empresa pública, dotada de meios e trabalhadores em boas condiçons, para limpar e conservar os nossos montes.

Tam grande drama colectivo nom se frea laiando-nos e clamando ao céu. Cumpre DENUNCIAR ATIVAMENTE OS RESPONSÁVEIS, e, a um tempo, APOIAR COM FORÇAS TODA ALTERNATIVA DE VOLTA AO RURAL E DEFESA DUMHA VIDA E PRODUÇOM DIVERSA.

SAMUEL JUÁREZ DEMISSOM!
DEFENDAMOS A TERRA!

O NOSSO OBJETIVO É O MIRAVALES, NA SERRA DOS ANCARES

2011-10-20T23:05:00.002+01:00

Ascenderemos o Miravales, nos Ancares, no último fim de semana de outubro

Depois do obrigado parom estival, e de termos realizado o nosso convívio em Ortegal, AMAL volta à média montanha. Começamos a temporada com umha visita a umha das serras mais senlheiras, os Ancares, onde a nossa Agrupaçom já tem organizado marchas, vivindo bons momentos.
Os Ancares som a serra que inclui umha vasta cordaleira de picos que vam do Miravales (mais ao norte) até o Alto do Cebreiro. As suas elevadas superfícies andam entre os 1500 e 2000 metros. Linda ao sul com o Courel, e ao norte com a Fonsagrada, com altitudes menores, e com o cordal cantábrico, que nos introduz nas terras vizinhas do Eo-Návia. Ao leste tem a depressom berciana, e ao oeste as terras chas de Lugo.
Os vales dos ancares tenhem quase todos orientaçom horizontal (de leste a oeste), com a única diferença do berciano Vale de Balboa. As suas fronteiras estám marcadas polos rios: Návia ao oeste, Íbias ao norte, Valcarce ao sul, Cua ao leste.
Historicamente, a serra foi conhecida como os 'Montes de Cervantes' (em alusom ao concelho do mesmo nome). Com o passo do tempo, assentou-se o nome que conhecemos, e que toma como referência o Vale de Ancares.

Os Ancares hoje.
A todos e todas nos sonam as problemáticas que assolam a serra: despovoamento, nulo apoio político, falta de serviços, avelhentamento...para mais, a atual extrema direita que governa a Junta enfreou a declaraçom da serra como Parque Natural (igual que fai com o Courel). Com isso e contodo, gratifica ver como existe vizinhança que continua a pelejar polo seu, como comprovamos no blogue ancares-terracelta.blogspot.com.

O roteiro.
O nosso objectivo é o Miravales, administrativamente leonês, a 1966 metros de altitude. Dado que os dias começam a encolher, marcamos a cita de saída às 8h00 diante do albergue da Degrada, o sábado 29 de Outubro.
De alô iremos nos carros até Búrbia, onde se situa o albergue, e onde faremos noite.
Ao dia seguinte, faremos um roteiro de menos duraçom e maior facilidade para aquelas pessoas às que se lhe faga excesiva a primeira rota.
As pessoas assistentes devem levar o sempre imprescindível na montanha: roupa de abrigo e muda, calçado ajeitado, água, duas comidas ligeiras, saco e esteira.
Se o tempo o permite, e como é habitual, aproveitaremos para difundir pola zona a propaganda que a nossa Agrupaçom está a realizar contra a vaga incendiária e denunciando o papel nefasto da Junta.

GUIA DOS ROTEIROS 2011-2012

2011-10-17T19:56:00.003+01:00

Após o acampamento pola ribeira do Sor e as serras da Faladoira e Coriscada, apresentamos os roteiros organizados para os vindeiros meses.

Montanheir@s em Ancares, ano 2007.

Outubro de 2011: Ancares

Janeiro 2012: Cabeça de Mazeda

Março 2012: Roteiro organizado pola comarca de AMAL em Vigo

Abril ou Maio: Roteiro polas fragas do Eume, organizado pola comarca de Ferrol.

IV ACAMPAMENTO DE MONTANHA

2011-09-13T21:17:00.001+01:00

Mais info sobre o acampamento.

Comarca de Ortegal: terra de tradiçom guerrilheira.

Também a conhecida guerrilha antifascista tem um lugar de destaque na história recente da comarca de Ortegal. Nestas terras nortenhas actuou o conhecido como 'grupo Neira', liderado polo combatente do José Neira Fernández, ferreiro de Cuinha (Ortigueira). Desde finais dos anos 30, e a inícios dos 40, este coletivo mantivo em jaque as forças repressivas e a falange com golpes mui medidos e umha grande habilidade para agochar-se. Assi, o norte da província da Crunha rivalizava em fama guerrilheira com o norte de Lugo, na Marinha, onde o lendário Luis Trigo Chaos, 'Guardarrios', provocava o aplauso popular.

E precisamente nas Granhas do Sor, em 1943, tivo lugar um capítulo importante da luita antifascista. Segundo nos conta Harmut Heine (“A guerrilha antifranquista en Galicia”, Xerais, 1982), à beira deste rio tivo lugar umha importante juntança: protagonizárom-na Neira e os seus homens e o grupo liderado polo asturiano Marcelino Rodríguez Fernández, 'Marrofer', mestre comunista que pretendia centralizar os homens do norte na III Agrupaçom do Exército Guerrilheiro de Galiza, liderado polo PCE. Nesta reunion, segundo se conta, a maioria dos homens dérom a sua negativa ao plano de Marrofer: o militante pretendia artelhar umha sublevaçom nos principais núcleos vilegos do norte galego para incentivar umha intervençom dos Aliados no Estado espanhol. Com isso e contodo, si se plasmou o plano dos comunistas, e o Grupo Neira ficou enquadrado no EGG.

A sorte de José Neira é desconhecida. Desapareceu no mapa guerrilheiro sem dar pistas. As más línguas apontam a que foi vítima dumha purga comunista (Neira provinha da CNT), enquanto que outras fontes dizem que caiu pola repressom dos fascistas. Harmut Heine nom nos esclarece este particular. Quanto a 'Marrofer', que abandonara a vida legal em Viveiro trás ser descoberto polas forças repressivas, caiu numha cilada em Milreo-Aranga-Betanços, junto com 'Tenente Freixo', Ángel Álvarez Rego e mais um guerrilheiro. Corria o 24 de junho de 1946, e as contra-partidas da guarda civil -repressores disfarçados de combatentes- faziam estragos.

IV ACAMPAMENTO DE MONTANHA

2011-09-12T20:18:00.008+01:00

GEOGRAFIA, FLORA E FAUNA.

As Granhas do Sor é um parróquia do Concelho de Manhom. O concelho possui umha populaçom de 2000 pessoas repartidas nos 82,1 quilómetros quadrados. Este é um concelho cumha morfologia peculiar. O seu ancho ronda os 1000 ou 1400 metros lineais e tem umha longitude de 30 quilómetros. No interior há que destacar três acidentes geográficos que marcam as características do concelho. O rio Sor de 49 quilómetros de comprimento e que recolhe as águas das serras da Faladoira e da Coriscada; a montanha, duas serras som as que percorrem longitudinalmente o concelho de sul a norte a Serra da Faladoira (mais ao sul) e a Serra da Coriscada (mais ao norte); e por último o mar Cantábrico.

O rio Sor, e também os seus afluentes, sucan profundos vales, de abundante vegetaçom, que contrastan com as arbustivas zonas altas da serra. Devido a que é um dos poucos rios galegos sem barragens nem aproveitamentos hidro-eléctricos, nas suas augas podemos topar salmom atlántico. Na bacia e riveiras do rio podemos atopar bidueiros (Betula pubescens), carvalhos (Quercus robur), castinheiros (Castanea sativa), maceira brava (Malus sylvestris), pradairos (Acer pseudoplatanus), acivros (Ilex aquifolium), arandeiras (Vaccinium myrtillus), sabugueiro (Sambucus nigra) e nesta época grande variedade de cogumelos.

Rio Sor.

Em quanto a fauna, avondam as troitas e anguias, garça real (Ardea cinerea), picapeixes (Alcedo atthis), merlo rieiro (Cinclus cinclus ), ferreiriño rabilongo (Aegithalos caudatus), gaviám (Accipiter nisus), açor (Accipiter gentilis), minhato comum (Buteo buteo), falcom peregrino (Falco peregrinus), corço (Capreolus capreolus), porco bravo (Sus scrofa), lontra (Lutra lutra), golpe (Vulpes vulpes) e porco teixo (Meles meles).

A serra da Faladoira colhe o seu nome, segundo se di, do eco que producem umhas penas situadas perto dos seus pontos máis altos. Tem como cúmio mais senlheiro o Monte Caxado (756m) e o Monte Faladoira (605m). Formada por lousa preta, gneis “olho de sapo” como se conhece popularmente, xistos cristalinos e areíscas das que sobresaem cristas de granitos e quarzitas. Grande pparte da serra ésta ocupada por eucaliptos e pinheiros, pastos para gando, matogueiras de breixos (Erica arborea, Erica tetralix), quirogas (Daboecia cantabrica) e tojos (Ulex europaeus) e algumha que outra carvalheira.

Imagem antiga da Serra da Faladoira.

A serra da Coriscada remata em Bares ainda que nalguns mapas aparesce este primeiro tramo com o nome de serra do Solheiro. O ponto mais alto é o monte da Coriscada (523m). A fauna e flora é similar à Faladoira, assim como a sua composiçom. Tanto a Faladoira como a Coriscada estám sobreexploradas por parques eólicos.

HISTÓRIA

É umha zona habitada desde moi antigo. Disto da fé, a multidom de mámoas e necrópoles megalíticas(perto de 100, umha das maiores concentraçons de Europa) que se atopam nas serras da Coriscada e Faladoira. Entre estes está o Forno dos Mouros, a cámara megalítica máis antiga de Galicia. Data do 4400 a.C. e na actualidade atopa-se exposta no Centro Arqueológico de Ortigueira. A mágoa é que após tantos anos estas pedras nom fôrom quem de sobreviver às obras dos parques eólicos que causárom muitos destroços nestes tesouros históricos que formam parte dumha unidade com a paisagem e a cultura que devia ser prioridade conservar.

Forno dos Mouros.

Outro dos feitos que reflitem esta senlheira história é o porto de Bares, considerado um porto pre-romano, seguramente fenício polos restos que aparescérom. E que confirma o feito de ser o fim do caminho dos Arrieiros. Caminho de mais de 40 quilómetros que unia As Pontes com Bares e que no sXVIII formava parte da rede de caminhos reais e documentado desde a época medieval. Este caminho transcorre entre as diferentes mámoas que assolagam as cristas das serras, e empregava-se para o transporte de mercadorias.

Página interessante sobre o Caminho dos Arrieiros: http://caminhodosarrieiros.blogspot.com/

É digno de mençom que na parróquia de Sam Cristovo de Ribeiras do Sor situa-se o pazo e mais a propriedade de Torre de Lama, fortaleza do sXV. Dentro podemos atopar a maior plantaçom de camelias de Europa e a segunda do mundo.

Na História de Manhom e mais concretamente da parróquia das Granhas do Sor, aparesce umha personagem: Mamede Casanova, Toribio. Um bandoleiro nascido no 15 de fevereiro de 1882 que as crónicas citam de “valente, ousado, temerário, pola sua audácia, polo seu menosprezo da lei, polo seu sangue, até pola sua cara”. Foi em tempos de convulsos movimentos sociais –do agrarismo e mobilizaçons lavregas galegas– onde os caciques governan e a fame negra estende os seus míseros tentáculos, onde este home da comarca de Ortigueira “luita contra a sociedade e contra sim mesmo, que o levou, sem pretendé-lo, a ganhar a inmortalidade”. Estivo fugido nestas serras do norte e perseguido pola Guardia Civil durante três anos. Um comic por título: O Fillo da Furia, o derradeiro bandido romántico, Demo Editorial (2010), dos lucenses Miguel Fernández Vázquez –desenho– e Manolo López Poy –guiom–, é um retrato “da lenda de Mamede Casanova e os reflexos dumha sociedade onde caciques, lavreg@s, burgueses, curas, emigraçom e forças repressivas tentam conviver numha Galiza profunda, desigual e achantada no poço da miséria”.

HORÁRIOS.

Refúgio de Cascom.

Sexta Feira 16 de Setembro:

19:30hh Recepçom das campistas.

20:30hh Palestra: Decrescimento a debate. Xoam Doldám, professor de Economia Aplicada e membro da associaçom Véspera de Nada.

Sábado 17 de Setembro:

8:00hh. Alvorada e Almorço.

9:00hh Roteiro: Refúgio de Cascom-Candedo-Monte Coriscada-Ponte Segade-Refugio de Cascom.(25 quilómetros)

20:00hh Ceia.

21:00hh Regueifas ao pé do lar.

23:00hh Jogos e foliada.

Sábado 18 de Setembro:

08:00hh. Alvorada e Almorço.

09:00hh Roteiro. Refúgio de Cascom-Nascimento do rio Sor. (10quilómetros)

12:30hh Seminário de prantas, árvores e fauna. Andrés Castro, professor da Escola de Agricultura Ecológica de Vilasantar e colaborador do SLG.

CONSELHOS.

É aconselhável levar tenda, saco-cama, roupa de abrigo, calças longas, roupa de águas, pratos, copo, talheres, lanterna e comida para Sexta Feira e Domingo.

Quem tiver um quinqué que o leve.

Preço: 20€.

Publicarám-se resenhas dos roteiros proximamente.

IV ACAMPAMENTO DE MONTANHA

2011-09-07T13:52:00.001+01:00

Como chegar?

Desde o sul e o oeste, a referência vai ser As Pontes. Desde ali há que tomar a estrada que vai a Ortigueira. Após passar o Monte Caxado (dous kilómetros depois mais ou menos), apanhamos à direita em direcçom Manhom-O Barqueiro-Riveiras do Sor. Se continuarmos nesta estrada atoparemos à altura da parróquia de Granhas do Sor umha pequena estrada à mao direita direcçom Cascom.

Se temos dificuldades de atopar o refúgio de Cascom, podemos ir a Ponte Segade (mais conhecido). O desvio até Ponte Segade está melhor indicado seguindo a estrada que indicamos antes ( Manhom-O Barqueiro-Riveiras do Sor). Uns kilómetros rio arriba, continuando pola estrada que continua paralela ao rio em direçom ao seu nascimento, atoparemos umha pequena estrada a mao esquerda que baixa até o refúgio de Cascom.

Trem:

Saída desde Ferrol: 08:10 Chegada Barqueiro: 09:40

Saída desde Ferrol: 10:30 Chegada Barqueiro: 11:59

Saída desde Ferrol: 15:18 Chegada Barqueiro: 16:48

Saída desde Ferrol: 18:45 Chegada Barqueiro: 20:15

Info: 981 370 401 (FEVE)

Autocarro:

Ferrol: 07:30 Pontes: 08:45 Preço:4,05 €

Ferrol: 11:00 Pontes: 12:00 Preço:4,05 €

Ferrol: 13:15 Pontes: 14:30 Preço:4,05 €

Ferrol: 17:00 Pontes: 18:00 Preço:4,05 €

Ferrol: 19:00 Pontes: 20:15 Preço:4,05 €

Ferrol: 12:45 O Barqueiro: 14:00 Preço: 7,00 €

Ferrol: 16:30 O Barqueiro: 17:45 Preço: 7,00 €

Ferrol: 19:00 O Barqueiro: 20:35 Preço: 7,00 €

Ferrol: 21:00 O Barqueiro: 22:40 Preço: 7,00 €

Contacto: Teléfono Oficinas: 981 330 046
Teléfono Atención al Cliente: 902 277 482 (ARRIVA).

Desde O Barqueiro e desde As Pontes há que contactar com a organizaçom para ir polas pessoas que decidam deslocar-se por estes meios. O motivo é que nom há transporte público até as Granhas do Sor, à altura de Cascom.

IV ACAMPAMENTO DE MONTANHA

2011-09-05T19:03:00.004+01:00

Nos vindeiros 16, 17 e 18 de Setembro de 2011, decorrerá o nosso quarto acampamento de montanha com o qual despediremos o verao. Após as ediçons de Sam Joam de Rio (2008), Luviám (2009) e Forcarei (2010), desta vez deslocaremo-nos a terras do norte, no fim da dorsal galega, perto do lugar onde o océano Atlântico muda de nome por Mar Cantábrico. Ali onde, entre as serras da Faladoira e Coriscada no Oeste e a Ganhidoira no Leste, caminha devagar o Rio Sor até a sua uniom com o Mar Cantábrico na ria do Barqueiro. No seu passo polo Concelho de Manhom, na altura da parróquia das Granhas do Sor, teremos a base do nosso acampamento no refúgio de Cascom, à beira do rio.

Serám, três jornadas intensas onde as montanheiras e os montanheiros participaremos dum programa no qual haverá formaçom, conhecimento da natureza, convívio, roteiros e lazer.
Nos vindeiros dias informaremos de como se chega, das carcterísticas dos roteiros, do programa e dos conselhos a ter em conta.

Roteiro-Homenagem ao companheiro Martinho (INFORMAÇOM ACTUALIZADA!)

2011-05-23T20:28:00.004+01:00

CRÓNICA FOTOGRÁFICA:

O vindeiro fim de semana, nos dias 28 e 29 de Maio, a Agrupaçom de Montanha Aguas Limpas homenageará ao recententemente falecido Martinho, cum roteiro pola serra do Invernadoiro. Visitaremos o Acampamento Aguas Limpas, no que Martinho estivo na década dos 80 durante a sua militância no Exército Guerrilheiro do Povo Galego Ceive.

Escolhemos o mês de Maio para fazer este roteiro fazendo-o coincidir com o XXIII aniversário da sua detençom e as das suas companheiras em 1988.

Dados da rota do sábado:

Saída

O ponto de encontro para chegar ao Invernadeiro será frente ao Hospital Comarcal de Verim, às 9:30 do sábado, para poder começar a andaina por volta das 10:30 (há que ter em conta que às 19:00 teremos que estar fora do Parque Natural)

Distancia

20km em rota de ida e volta polo mesmo caminho.

Tempo

8 horas

Dificuldade

Meia-alta, especialmente pola maleza dos últimos 3 km da ida

Durmida

Durmiremos em tendas de campismo sobre terra dura, mas o material quedará nos carros, nom há que carregar com ele.

Recomendaçons

Quanto a roupa será importante levar calças longas, mesmo que vaia calor, para atravessar a maleza.

Para comer: à andaina é de ida e volta, assim que só levaremos o imprescindível para resistir até a noite. Imos ter um máximo de 45min. polo que nom convém cargar com cousas que nom imos comer. Polo que um sande ou um pequeno recipiente com comida para a parada do jantar, mais algo para ir comendo polo caminho como froita seca pode avondar. Mas nom esquecer trazer mais cousas para o resto da fim-de-semana!!!

Rota

A rota, de ida e volta, começa nas Casas da Ribeira Pequena, a uns 900 metros de altitude. Durante 7 quilómetros caminharemos cómodamente por umha pista em bom estado que ascende, vagarosa e assombrada por pinheiros silvestres, até uns 1150 metros. Umha vez que cubramos este percorrido estaremos situados no limite Sul do parque. Desde aqui atravessaremos o Lombo dos Lourencinhos já por um caminho velho fora da area protegida, para depois, em apenas um quilómetro, descer de vez pola costa da Airoa todo o ascendido anteriormente. Toda vez que estejamos ao pé do encoro, a uns 890m, restarám escassamente 2 quilómetros para chegar ao Cabras, regato ao pé do qual está o acampamento que andamos a procurar. Este último trecho fai-se lento e fadigoso pola maleza que povoa o caminho. Afianal, logo de 3 horas e meia, chegamos a Aguas Limpas.

Resenha histórica

Aguas Limpas foi umha base do Exército Guerrilheiro do Povo Galego Ceive construida a finais da década de 80. Na altura o cerco policial sobre o EGPGC estreitou-se até o ponto de obrigar a militantes, que até daquela se agachavam em moradas de gente conhecida, a fugir cara lugares mais seguros. Foi no verao de 1987 quando José Antonio Matalobos Rebolo e Antom Árias Curto, depois de terem esquadrinhado boa parte da montanha do País constroim o refúgio de Augas Limpas no corgo do Cabras, regueiro que verte no encoro de Portas, situado ao Leste dos montes do Invernadoiro.

A escolha do lugar atendeu ao carácter oculto deste, mas sobre todo o facto de estar muito perto de Portugal. Quanto ao nome, é evidente que se deve à cristalinidade das augas do Cabras, que baixam desde a serra para estagnar-se numha pequena poça antes de morrer no encoro.

Umha vez construído, os moradores foram Antom Garcia Matos, José Manuel Sam Martim Bouça, Manuel Chao Do Barro e Jaime Castro Leal, instalados alí no inverno do 1988.

A sua estadia prolongou-se até o 28 de Maio desse ano, quando o Sam Martim e o Toninho iam a umha reuniom com os militantes que estavam no refúgio de Porto-Mouro, no canhom do Sil. Essa noite caeram presos no encoro de Guístolas os primeiros, junto com Susana que os estava a agardar alô; e na ponte que atravessa cara Castro Caldelas caeram o Matalobos, o Curto e o Campuzano.

Roteiro por Oscos: 19 e 20 de Março

2011-03-10T20:09:00.003Z

AMAL desprazara-se até a Galiza oriental para percorrer a terra de Oscos, no Eo-Návia. A actividade terá lugar no concelho de Santalha, sito no sudeste da comarca e cumha altitude máxima de 950m.

Resenha dos Oscos:

A zona de Oscos ronda os 600m de altitude e é fundamentalmente rural. A maior parte da sua povoaçom adica-se à gandeiria, principalmente à produçom de carne de vacum. Tem umha grande riqueza mineral e geográfica, aproveitada historicamente polas suas gentes e patente nos indícios e restos de antigas extrações de ferro e ouro. Som muitos os muinhos, fraguas e ferreirias que se podem atopar nas beiras dos rios, algumhas destas instalaçoes ainda funcionando. É importante sobre todo a produçom de cuiteleria, por parte dos ferreiros, que é a tarefa que mais se conserva hoje e que ainda serve como verdadeiro oficio.

Hidrograficamente, os Oscos pertencem à bacia do rio Návia. O Agueira, afluente deste que nace na Fonsagrada, atravesa os Oscos e desemboca à altura de Pelorde, no concelho de Pesoz. Durante os roteiros caminharemos nas inmediações do Agueira e dos seus afluentes.

A sua flora está conformada principalmente por árvores caducifólias como o carvalho (Quercus robur, Quercus pyrenaica), a bidueira (Betula alba), o castinheiro (Castanea sativa) ou o freixo (Fraxinus excelsior), rodeadas de outras coma o azevro (Ilex aquifolium) ou o teijo (Taxus baccata). Também há umha gram parte cuberta de tojo (Ulex europeaus), folgueira (Pteridium aquilinum) e breijo (Erica scoparia).

Em quanto à fauna destaca a presença do javali (Sus scrofa), o corço (Capreolus capreolus) e a raposa (Vulpes vulpes). Também abundam os pequenos carnívoros como a londra (Lutra lutra), a gineta (Martes martes), a gardunha (Mustela foina), a arda (Sciuridae), o teixugo (Meles meles) e a donicela (Putorius vulgaris) acompanhados de aves rapaces como o minhato comum (Buteo buteo), o Gaviam (Accipiter nisus) e o lagarteiro ou peneireiro (Falco tinnunculus). Nom podemos esquecer a presenza do lobo (Canis lupus) que conta com um número considerável na serra da comarca.

Info Roteiro:

Sábado 19 de Março:

Dificuldade: meia
Saida: 9:00 na praça da Igreja

Faremos umha rota que nos levará todo o dia, polo que será necessário levar comida.
Sairemos de Santalha até a aldeia de Ferreira. Desde alí ascenderemos até Nonide (700m) baixando depois até A Coba. Voltaremos a Ferreira fazendo um percorrido circular. Dependendo do ritmo do grupo, poderemos alongar o roteiro subindo até a mina das Talhadas (694m) umha antiga exploraçom que deixou de funcionar nos anos 50-60 e do que se extraiam zinc, plomo e prata. Desde ahi voltariamos a Santalha.
Durante o roteiro seguiremos de cerca o curso do rio Agueira, tendo que cruzar várias vezes os numerosos regueiros que vertem nel as suas águas.

Distância: Dependendo de se fazemos a primeira ou a segunda opçom, percorreríamos 20 ou 26km respectivamente.

Domingo 20 de Março:

Dificuldade: meia-baixa
Distância: 14,5 km

Este dia faremos a rota do Forcom dos Rios. Sairemos de Santalha subindo até a aldeia de Veiga do Carro, depois descenderemos até A Valia, cruzando a confluência (Forcom) dos rios Vilanova e Barcia. Voltaremos subindo até Santalha num roteiro circular.

Recomendações:

Como em todo roteiro tendes que lembrar levar roupa e calzado adequado. Nom esquecer algo de abrigo e chuvasqueiro.

A hidrataçom é fundamental, assim que é preciso que cada quem leve umha garrafa para poder levar água durante o roteiro.

A sexta-feira e o sábado, disporemos dum lugar a coberto no que fazer noite, em Santalha. É necessário levar isolante para o chão e saco de dormir.

Como chegar até Santalha:

Desde Lugo (1h 40'): Colher a estrada que vai até A Fonsagrada (LU-106). Depois da Fonsagrada, chegando a Barbeitos, colher a estrada que vai até Santalha, a LU-703

Desde Ferrol (2h 30'): Chegar até Ribadeu e colher a estrada que chega até A Veiga. Umha vez alí colher a AS-11 e seguir até Santalha.

Roteiro polo Gistral: crónica e fotos

2011-02-10T11:44:00.010Z

A serra do Gistral é umha das áreas mais inóspitas e despovoadas da Galiza. Pese a nom superar os 1050 m de altitude, a sua dureza fixo que os assentamentos humanos fossem escassos desde tempos antigos. Comprovamo-lo no roteiro ao andar por espaços onde nem aldeias nem cabanas estam presentes ainda que seja pólos seus restos e ruínas. Nom. Nom é assim realmente. Hoje existem edificaçons, caminhos e instalaçons vinculadas a umha massiva exploraçom eólica que nom respeita nem paisagem, nem recursos naturais, nem os enclaves ecológicos únicos no sul de Europa.

O roteiro começou a carom da aldeia de As Folgueiras a onde chegamos nos carros desde a vila de Abadim. O lugar de parada é um bom sítio de início do roteiro pois permite ascender à serra pólo val do Rego da Furna, um rio tributário do rio Ouro que nos deixa praticamente num pequeno monte (o monte Rubio) que é a base do Cadramom. A subida ao Cadramom é mediante umha pista asfaltada e a mesma cume está coroada por um enorme aerogerador ao serviço do capital e do dinheiro. Assim som estes capitalistas que nom som capazes de respeitar os lugares emblemáticos da nossa terra.

Visom da invasom eólica

A vista desde o Cadramom era impressionante. Os seus 1056 m de altitude e o dia despejado e claro que disfrutávamos (cousa rara na Serra do Gistral) permitiam umha vista da que poucas vezes se pode gozar. Ao leste a cordilheira cantábrica totalmente nevada, um pouco mais ao sul, os Ancares e mui possivelmente o Courel algo mais aló, o Valadouro e o Cantábrico ao Norte, e como nom, ao Oeste um anaco da chaminé de As Pontes com o seu característico halo de contaminaçom. No cume do Cadramom um pode-se sentir na atalaia que domina todo o norte da Galiza.

Montanheiras no cume do Cadramom

O vento frio fixo que retomáramos a marcha cara ao outro objectivo: o monte Gistral, ao que chegamos umha hora depois atravessando um longo planalto inçado de turbeiras, únicas na Galiza, e que existem em virtude da humidade e frio existentes sempre em toda a área.

Planalto de uniom entre o Candramom e o Gistral

Ao monte Gistral (1032 m) também chega umha estrada para dar serviço ao repetidor de TV de toda a zona, e por suposto está também rodeada de parques eólicos, ainda que nom no cume. Depois de comer algo ali, seguimos a andar em direcçom Sudeste a carom do Rego das Tojeiras, que remata numha extensa área pantanosa que constitui o nascimento do rio Eume.

Montanheiras no cume do Gistral

Viramos logo cara ao Nordeste entrando numha área boscosa bastante complicada de relevo, e na que tivemos que sortear o Rego do Redondinho e o Rio do Pedrido que quilómetros mais adiante fundira-se com o rio Masma, que desembocará em Foz no Cantábrico.

Caminhando entre pinheiros

Branha onde nace o rio Eume

Chegamos outra vez ao Monte Rubio e dirigimo-nos outra vez pólo val do Rego da Furna cara ao lugar onde estavam os carros estacionados, a onde chegamos já anoitecendo.

Atardecer na serra

O balanço final foi unanimemente mui positivo. Umha marcha moderada (25 km), um dia esplêndido e totalmente aproveitado e a ausência de complicaçons, permitirom-nos conhecer umha das serras mais enigmáticas da Galiza, nascimento de multidom de rios que desembocam desde o Atlântico ao Cantábrico e fonte de numerosas lendas xurdidas da sua labiríntica orografia.

Roteiro polo Gistral

2011-02-01T00:28:00.003Z

O vindeiro domingo dia 6 de Fevereiro, AMAL visitará a serra do Gistral. Sairemos do concelho de Abadim, as 9 em ponto da manhá, fazendo um roteiro de dificuldade média. Levara-nos manhá e tarde assim que devedes levar comida para o caminho. Aconselha-se levar roupa de abrigo e, como nom, um chuvasqueiro por se chove.

Nom mais ataques ao Gistral.

Nem centrais eólicas nem macro-exploraçons de Coren

A nossa serra mais nortenha, o Gistral, é núcleo dum maciço de montanhas que arredam a Terra Cha do Cantábrico; do Gistral irradiam sistemas menores, como a Toxiza (cara Mondonhedo), a Carba (cara o oeste) e os montes do Buio e de Cavaleiros (mais cercanos ao mar). A serra atinge os concelhos das Pontes, Abadim, Alfoz, Mondonhedo, Muras, Ourol, Valadouro, Vilalva, Jove, Germade, Viveiro e Cervo.

Os rios do Gistral deitam a sua água no rio Eume, no rio Sor, no rio Minho e directamente no mar Cantábrico: é o caso dos rios Landro, Ouro e Masma.

É umha serra de altura média, por volta dos 700 metros, onde bate o vento permanentemente. O seu cúmio mais alto é o conhecido como Cadramom, que alcança os 1046 metros. De toda a Galiza, é a parte que menos horas de sol recebe ao longo do ano. Coberta de névoas mui frequentes, está inçada de turbeiras mui extensas, mui deterioradas em tempos recentes pola pressom dos parques eólicos. A despopulaçom é a nota dominante. Veremos mui poucas aldeias, e apenas nos encontraremos com gado ceivo.

Do rico património natural desta serra, queremos salientar as espécies endémicas: na flora, vários tipos de uceiras, bosques aluviais de amieiros, freixos de rio e bosques de acivro; na fauna, a conhecida lagartija das branhas, que se desenvove na humidade das turbeiras, e tem no Gistral o seu limite mais ocidental. Também é das poucas áreas do nosso país onde se sobrevive o gato bravo. O lobo também campa por estes cúmios. As aves próprias de zonas abertas som também visíveis: a curuja das junqueiras ou as tartaranhas.

História.

A velha história destes montes relaciona-se com a Galiza céltica, pois pertencia à diócese da Bretonha, repovoada por bretons no século VI e desde aquela instalados no norleste galego. Mais recentemente, a zona do Gistral relembra as andainas da guerrilha antifranquista. Esta foi a serra de referência de Luis Trigo Chaos 'Guardarrios', fugido de Viveiro que cai abatido pola guarda civil no cúmio do Cadramom no verao de 1948.

Velhas e novas ameaças.

Os políticos declarárom a serra como 'de interesse comunitário' (zona LIC), o que nom valeu para frear a desfeita. A serra foi inçada de centrais eólicas e, mais recentemente, 'Endesa Cogeneración y Renovables' e Fergo Galicia Vento S.L. Montárom na Toxiza outro parque que trouxo consigo mais pistas, electrificaçom, subestaçons, estrago das turbeiras e produçom de energia destinada a Espanha.
Rececentemente, a empresa COREN apresentou um projecto de gadaria extensiva que ameaça ainda mais a serra. A exploraçom quer-se estabelecer em 'Parages do Marquês' (Vilalva) e já contou com a resposta contundente da Sociedade Galega de História Natural. Este colectivo expom umha denúncia que fazemos própria desde AMAL:

-Um macro-projecto que quer acolher mais de 840000 polos, 4800 leitons, 10000 porcos e mais de 1000 cabeças de bovino sobarda com muito as capacidades da zona, além de conlevar os conhecidos riscos para a saúde humana e animal que sempre acompanham as exploraçons industrialistas e produtivistas.

-Vai-se converter em terreno produtivo um importante espaço natural, com o conseguinte processo de tala, desbroce e fertilizaçom intensiva no terreno equivalente a mais de 500 campos de futebol. As águas da zona podem poluir-se, com o risco que isto supom numha zona em que nascem dez rios: o Madanela, Trimaz, Ladra, Lavrada, Támoga, Batám, Eume, Moinhos, Santabaia e Sam Martinho. Parte deles formam o imporante sistema fluvial Parga-Ladra-Támoga.

-COREN incorreu em falsidade documental ao apresentar fragmentadamente os informes como se se tratasse de vários projectos, quando na realidade é um só mega-projecto que dificilmente passaria os controlos legais. Na empresa sabem que superam o limite permitido de concentraçom de cabeças de gado por hectare.

De AMAL somamo-nos à defesa deste espaço senlheiro da nossa Terra. Pensamos que cumpre volver a umha produçom racional de alimentos, baseada nas pequenas exploraçons, na eliminaçom de venenos industriais e na produçom para a Galiza, abandonando o ciclo tolo de exportaçom-importaçom de produtos básicos.

Também queremos lembrar nestes dias que, junto ao Gistral, vários montes e serras mais correm perigo de cair baixo os depredadores movidos polo afám de lucro: o Careom na Ulhoa, o monte Jalo nas Marinhas e o Galinheiro no Val Minhor.

Defendamos a nossa Terra!

Palestra sobre a mina de andalucita em Ponte D'Eume

2011-02-01T00:20:00.002Z

Esta quinta-feira haverá umha palestra sobre a mina de andalucida em Ponte d'Eume. O acto terá lugar no centro de maiores as 20:00hh. e nel falaram Ernesto Lopes (ADEGA) e e Antón Marcal Carracedo (Axente de conservación da natureza).

Crónica do roterio pola serra dos Anacares - 8 e 9 de Janeiro do 2011

2011-01-12T19:48:00.009Z

NEVA no bico do cume
neva xa pola ladeira
neva no teito e na eira.
..................

Eu a ollar pro lume
i o lume a ollarme.
O lume sin queimarme
fai de min fume...

Uxio Novoneira

Como bem reflicte o nosso poeta courelá, assim é como afrontamos a jornada do Sábado 8 de Janeiro de 2011. Tempo duro de inverno, muita auga no começo e vento e neve no cúmio do Cuinha. Até que nos foi possível o grupo de montanheiras de AMAL desfrutou do val da aldeia de Suarbol e da ascensom inicial entre acivros, carvalhos, piornos e bidueiros. Acima o frio, a neve e umhas pegadas na neve, suspeitas de ser de lobo, fôrom os nossos companheiros. Finalmente e sem parar de neviscar atingimos o objetivo, a cima do Cuinha.

Grupo de montanheir@s na cima do Cuinha

Sem muitos mais contratempos que o cansaço e umha boa molheira finalizou a primeira jornada na Serra dos Ancares, ao pé de Suarbol. Na tardinha recuperamos folgos no albergue acarom do lume dumha lareira.

segunda etapa, o Domingo 9 de janeiro de 2011, acordamos entre um neboeiro e apos alguns debates de qual seria o nosso objetivo encaminhamo-nos até Très Bispos.

Caminho de Tres Bispos

Quando colhemos altura tivemos umha boa vissom da serra. Numha parte Corno Maldito e Penedoes. No meio Très Bispos. E mais longe Pena Roiba. O dia foi limpo e pudemos ver a parte alta da serra que no dia anterior foi-nos negada. A ascensom a Trés Bispos foi rápida e permitiu-nos consumir o tempo numha vissom espectacular e maravilhosa.

Ascensom final até Tres Bispos

Montanheir@s na cima de Tres Bispos

A volta foi pola Campa do Brego onde há um refúgio de montanha. Caminho da Degrada atravessamos um aciveiral, bosque formado por acivros. Deste jeito decorrereu o nosso achegamento a umha das serras mais sobranceiras da Galiza, até outra, serra.

Roteiro polos Ancares o sábado 8 de Janeiro: Aldeia de Suárbol-Pico de Cuinha

2011-01-02T22:00:00.004Z

Rota Suarbol-Cuinha

Caminho ao Pico Cuinha

As montanheiras de AMAL damos começo ao 2011 cumha rota por umhas das serras mais conhecidas da Galiza. Neste primeiro roteiro desta nova xeira achegaremo-nos aos Ancares e ascenderemos dous dos cúmios mais senlheiros o Cuinha (1987m.) e o Mostalhar (1924m).

A Serra dos Ancares

Estende-se de Nordeste-Suloeste. A origem desta serra remonta-se à Orogénia herciniana (240-400 milhons de anos). Apos este processo ficárom à vista grandes vetas de granitos e lousas, e afloramentos de quartzito. Também é possível comprovar a actividade glaciar ocorrida hai 18.000 anos como por exemplo a cabeceira do rio da Veiga (Suarbol) por onde trancorre o nosso roteiro. Ancares situa-se entre duas regions climáticas a eurosiberiana ou atlantica e a mediterránea. Na Galiza é umha das últimas grandes serras do norte.

Vegetaçom e fauna

Nos vales e nas abas dos montes podemos atopar carvalhos, ameneiros, castinheiros (associados a vida das aldeas), acivros (é possivel atopar bosques exclusivos desta espécie), rebolos, choupos e salgueiros.

Já apartires dos 1400-1500 metros podemos atopar bidueiros capaces de suportar o frio, a geada e os ventos de altura; ou azevinhos os quais no inverno som refugio de muitas espécies animais. Caminho do cúmio podemos atopar carqueixas nas zonas mais secas e piornos e gestas nas mais húmidas, mato baixo e zonas de pastoreio.

Enquanto à fauna o mais característico dos Ancares é que existe umha da mais grande concentraçom de espécies de vertebrados da Galiza. Ainda é possível ver algum urso e algumha pita -do-monte, quase extinta. Algumhas espécies endémicas som a bolboreta Aricia morronensis, a rá vermelha, a levre de Castro Velho e a víbora de Seoane. Podemos ver a marta, a donicela, lobos, xabarins, raposos, curujas ou azores.

Assentamento humano

Como em muitas zonas de montanha as condiçons meteorológicas e orográficas explicam o assentamento humano nos Ancares. Há restos de conduçons de água da época romana e velhas serrarias para fazer trabons para os caminhos de ferro.Com o passo do tempo a serra perdeu populaçom bem porque fôrom buscar trabalho nas minas, bem pola emigraçom. Na Galiza administrativa a populaçom passou de 6500 pessoas no 1910 até 2000 pessoas na actualidade. Aldeias como Vilarbom ou Pando ficarom sem gente. E outras como Suarbol apenas ficam vizinhas. As aldeias quase sempre buscam a orientaçom sul, buscando refúgio dos ventos do norte. Ë característico o apinhocamento das casas dando como resultado pequenas ruas. Aliás, as palhoças som umha construçom característica do Ancares. Esta construçom, extraordinariamente útil e engenhosa, está presente em Piornedo ou Balouta. Em Suarbol ficárom estintas por causa dum incéndio a começos do século passado. Nesta aldeia é possivel atopar escudos heráldicos nalgumhas casas e como curiosidade umha figura talhada em pedra que representa a um home cumha navalha numha mao e com a outra agarra os genitais.

Sábado 8, informaçom do roteiro

Começamos ao pé de Suarbol, num caminho a mao direita, a 50 metros após passar o desvio hácia a aldeia, na estrada em direcçom a Porto Ancares. Desde aquí começa um caminho que transcorre entre muros de pedra e leiras onde pace o gando. Desde a aldeia a ascesom vai desde os 1100 metros até os 1987 metros do cúmio mais alto de Ancares, Cuinha . Atrás fica umha vissom do Val da Freita e da Aldeia de Suarbol e dos montes que a rodeiam na sua parte norte (Monte Galegos 1400m., Tinsidoiro 1462m. e Cespedosa 1517m.). Adrentamos-nos numha pequena fraga e atravessamos alguns regatos. Na segunda parte do roteiro e após dumha exigente ascensom, chegamos a o Val da Freita do rio do mesmo nome, que antigamente foi um glaciar. De fronte e a mao direita vemos Pena Longa de 1880 metros. Antes da ascensom final, chegamos a umha pequena rechá onde atopamos um refúgio na Malhada de Suarbol, onde ficam restos do que foi um cabano pastoril. Desde aqui, se o tempo o permite, vemos à nossa esquerda o cúmio do Cuinha e o de Pena longa à direita. Ascendemos arredor duns cem metros até chegar à cumeada dos dous cimos. Seguimos a cumeada até o chegarmos até o pico. Se é possível polo tempo desde aqui podemos voltar por Piornedo, passando antes por Pena Longa e o Mostalhar, ou bem voltar polo mesmo percurso.

Horário: saída desde a Degrada às 9:00hh. Desde Suarbol, às 9:30hh.

Dificuldade: Meia-Alta.

Tempo aproximado: 5 horas (ida e volta).

Durmida: Albergue da Campa da Branha (Degrada). Preço:7€. Há que levar saco-cama.

Comida: Devemos levar almorço, jantar e ceia para os dous dias. No caso de irmos na sexta feira, a ceia desse dia. No albergue há possibilidade de almorçar (3,5€) e cear (12€). Levar umha garrafa de água por pessoa.

Recomendaçons: Devido a estaçom na que estamos é provável que as condiçons atmosféricas sejam adversas. Ë muito recomendável levar polainas porque atoparemos neve, roupa de abrigo, botas de montanha, umha peça de roupa para a chuva e umha muda. No caso de termos o dia com sol, compre levar óculos para o sol e crema solar. É recomendável levar “crampons” para as zonas próximas ao cúmio, onde é possível que haja gelo.

O Domingo 9 temos pensado fazer a ascensom do Mostalhar desde Piornedo. Combinará-se às 9:00 na Degrada ou às 9:30hh em Piornedo.

Publicaremos umha nova com informaçom de ultima hora na quinta feira. Previssom de tempo e últimas recomendaçons.

PALESTRA: Rio Belehe e fragas do Eume, ameazados por um projecto mineiro

2010-11-17T14:11:00.005Z

Nesta Quinta Feira 18 de Novembro, às 20:30hh terá lugar unha charla no concello d'As Pontes, na Casa do Peso, sobre "Mineiria e impactos Socioeconómicos - Projectos irreversíveis - Casos: Pico Velho e O Courel".

Participarám na Palestra:

Xoán Ramón Doldan, Professor de Economia Aplicada da USC
Orlando Álvarez, de SOS Courel

Organizado por: Adega, A.M.A.L. (Agrupaçom de Montanha Aguas Limpas), Comité pola Defensa das Rías Altas, Club Montaña Ferrol, Colectivo Ártabra 21, Coordenadora OºOO'OO”, DROSERA, Federación Ecoloxista Galega, Fusquenlla, G.N.Hábitat, Guerrilleiros das Fragas, Lapis Verdes, O Rabo do Galo, Saramaganta, Sociedade Galega de Historia Natural e Verdegaia.

Nos últimos meses, estas organizaçons, estamos la luitar para que a Xunta de Galiza e a empressa Picobello Andalucita S.L. (de capital sul-africano) ejecutem o seu projecto mineiro na parróquia de Goente, que indubidavelmente afectaria letalmente ao rio Belelle e ao PN Fragas do Eume.

A mina a ceu aberto ocuparia umha extensom de 27 hectáreas e tem por objecto extraer um mineral chamado Andalucita que se emprega maiormente para a elaboraçom de tijolos refractários. Situa-se no monte Fontardiom (665m.), parróquia de Goente (Concelho das Pontes) ao carom dos lindeiros das Fragas do Eume.

Para conqueri-lo é necessário estragar umha fraga practicamente virgem (a fraga de Pico Velho) e o rio Belelhe de jeito irreversível e provocar afecçons ambientais de distinta consideraçom ao PN Fragas do Eume.

Em concreto a mina destruiria:

- Os hábitats de espécies de flora e fauna qualificados como “vulneráveis” polo Catálogo Galego de Especies Ameazadas.

-Hábitats de interesse prioritário estabelecidos pola Uniom Europeia.

-As captaçons de auga para consumo humano nos concelhos da Capela, Fene, Neda e Ferrol ja que falamos dum rio livre de verteduras ressiduais directas.

-O rio Belelhe e o Salto de Auga do Roxal, devido a que o núcleo da mina estabelece-se sobre o própio leito.

Levamos realizado várias acçons para defender o rio e tratar de frear o projecto de exploraçom (que já fora desautorizado polo anterior governo da Xunta). Entre ellas umha denúncia ante a Fiscalia de Méio Ambiente e os organismos competentes; várias palestras; um roteiro reivindicativo pola fraga de Pico Velho; umha ciberacçom (envio de correios massivos a administraçons como da Xunta de Galiza e o alcalde das Pontes); e entrevistas com os alcaldes dos concelhos directamente afectados ou próximos à mina.

O RIO NECESSITA-TE… PODEMOS PARAR A DESFEITA!!

MÁIS INFO: nos webs dos grupos citados e no blogue:

http://picovello.blogspot.com

Calendário de roteiros 2010 - 2011

2010-11-15T13:38:00.004Z

A Agrupaçom de Montanha “Augas Limpas” organiza várias marchas anuais de conhecimento directo da Terra, recuperaçom da memória histórica e desfrute da sua riqueza natural. Mas também de denúncia das muitas agressons que padece, a maos de Espanha e do capitalismo, que estragam o património de todos em favor do lucro imediato.

Canteiras, parques eólicos, AVE, autovias, eucaliptizaçom, cementeiras... aproximam-nos mais à desfeita definitiva e roubam o nosso território por um monte de euros.

Une-te a nós para gozar desta Terra e para assinalar os responsáveis da desfeita.

Este é um calendário orientativo das que seram as marchas da AMAL nos vindeiros meses. A parte, cada comarca organizará mais roteiros e actividade durante o ano.

27-28 Novembro 2010: Marcha polos Oscos.

Janeiro 2011: Roteiro de inverno polos Ancares.

Abril 2011: Marcha mixta (um tramo em bicicleta e outro caminhando) por Terra de Montes.

Setembro 2011: IV Acampamento de montanha.

Crônica do Acampamento de montanha 2010

2010-11-14T01:36:00.007Z

Um ano mais as montanheiras e montanheiros de AMAL, fazendo um conhecimento direto da nossa Terra, dezidimonos a desfrutar de tres jornadas de convívio, confraternidade, lazer e aprendizagem coa celebraçom do nosso acampamento anual, desta vez em Forcarei.

Para muitos de nós a comarca de Taveirós e Terra de Montes passara algo despercebida desde que começamos a andar o pais com AMAL. Surprendeu-nos polo salvagem do contorno estando tam perto das cidades de Compostela (50Km) e Pontevedra (40Km). O conjunto montanhoso da Terra de Montes, a modo de anfi-teatro, fecha a comarca polo sur e o leste, com altitudes de 1.000 metros no Monte Seixo, Montes do Testeiro, Serra de Candám e estribos do Monte Chamor, onde tenhem o seu nascimento os rios Úmia e Lérez que, junto co Ulha constituem umha densa rede hidrográfica.

Nom parece que fora umha zona que passase des-apercebida só para nós: na fuxida das gadoupas da morte do fascismo franquista, o deputado agrarista Antón Alonso Rios do Partido Galeguista, escondeu-se nesta comarca facéndose passar por um esmoleiro co nome inventado de sinhor Afranio. Antón Alonso Rios botou case 9 meses em Sorribas, perto do bairro da Ponte de Forcarei. A sua estancia ainda é lembrada por alguns vizinhos de idade avanzada, conservándose o alprende onde dormia e o carvalho baixo o que descansaba.

Instalamos a base do acampamento de Montanha 2010 na antiga escola rural sede da fundaçom Galícia verde, onde trabalham companheir@s noss@s de militância em Galiza nom se vende e que nos deixarom todas as suas instalaçons para o acampamento.

Resumo 6ª feira 17 de setembro
O primeiro dia polo manhá fixemos um Roteiro curto perto de Levoso, sede do acampamento de Montanha 2010. O roteiro, de aproximadamente 5 horas de duraçom, fixémolo polas pistas da parcelaria, que racharom cós caminhos tradicionais, e monte através primeiro até o Outeiro Alto (676m) onde caminhamos polos cumes até Penas Longas (675m).

Desde a altura destes montes podiamos ver até a beira do mar. Malia estar vem longe, pudemos ver localidades da comarca do Barbança como Ribeira.

Logo baixamos até a aldeia de Lirípio e dende alí fomos até a Ermida de Sam Mauro onde nos achegamos à beira do rio Úmia onde comemos.
Posteriormente achegámonos até a aldeia de Quintáns e já voltamos a Levoso.

Coincidindo coa chegada das montanheiras do roteiro, foi aparecendo a maioria da gente participante no acampamento e passamos de ser oito pessoas e 6 tendas de campismo, a juntarnos mais de 40 pessoas e superar as vinte tendas.

Pólo serám desse mesmo dia fixemos a primeira das charlas coa apresentaçom da Fundaçom Galicia Verde, por parte de Henrique Banet. Henrique explicou-nos o seu projecto de recuperaçom e mantemento das sementes galegas e as causas pólas que se estám a perder, principalmente pólos monocultivos empresariais foráneos e o abandono da Terra coa emigraçom campo-cidade.

Resumo sábado 18 de setembro
O sábado, como vem sendo tradiçom nos acampamentos de AMAL, acordamos dos sonhos com alvorada de gaita. Organizados os grupos de turmas de trabalho o dia anterior, antes das 8h já havia montanheiras quentando o almorço para todas.

Este segundo dia fixemos um percurso longo: Saimos de Levoso às 9:30h como estava previsto e comezamos a caminhar cara Duas Igrejas, percurso que nos levou duas horas.

No caminho atravessamos a aldeia de Rabadeiras percorrendo antigas corredoiras polas que ainda passa o gado, mui abundante nesta zona do Pais. Baixamos de Duas Igrejas até o rio Lerez e colhemos o caminho dos pescadores, convertido agora numha rota sinalizada como Rota das pontes do rio Lérez (PR-G 113) seguindo o percurso que debuxa, sempre pola sua beira.

Logo de 2Km a rota marcada afasta-se do rio mas nós seguimos pola beira do Lerez.

Mais dumha vez tivemos que cruzar o rio ja que as silvas fechavam o passo por nom ter passado ninguém por este caminho antigo em bastante tempo.

Na preparaçom deste roteiro dias antes, nessa mesma zona fechada pola maleza as pessoas organizadoras tivemos o privilegio de ver como um grupo de cinco lobos, dous pequenos e tres grandes, marchavam ao trote silenciosamente alertados pola nossa presença. Provavelmente, logo de anos com esse caminho fechado, se convertera este espaço num lugar de tranquilidade e mesmo de cria para os lobos que ainda ficam em Terra de Montes.
Comemos numha zona de pozas coa intençom de nos banhar mas a água estava fria demais e @s montanheir@s nom se animarom.

Depois de reponher forzas seguimos caminho para enfrontarnos à subida dende o rio a aldeia de Andóm. Esta subida resultou a parte mais divertida do trajecto ja que tivemos que realizar pequenas trepadas polas penas para alcançar os prados que se situavam à altura de Andóm.

Dendê Aciveiro até a ponte velha de Andóm, a rota coincide no seu trazado co PR-G100 “Sendeiro Natural Aciveiro-Candám”.

Em Andóm detivémonos na ponte medieval onde colhemos o caminho do empedrado tradicional até um precioso entorno de fraga:

Em Andóm retomamos a rota marcada PR-G 113 que seguimos até chegar a Duas Igrejas atravessando o Lerez pola ponte da Carvalha). De Andóm fomos o Mosteiro de Aziveiro (750m de altitude). Pudemos entrar no mosteiro e ver o seu claustro.

Logo retomamos o roteiro por umha das zonas mais duras moralmente do percurso durante 4 duros quilómetros onde por uma banda podíamos ver a Serra do Candám ao fondo, destroçados os seus cumes de mais de 1000 metros polas eólicas, e ao nosso arredor o mono-cultivo industrial de pinheiro.
Logo baixamos de novo ao verde das fragas do rio Lerez até retomar o percurso do rio pólo caminho dos pescadores.

Finalizamos desandando parte do caminho feito pola manhá chegando a Duas Igrejas, logo rematamos em Levoso, na sede do nosso acampamento.
À noite aprendemos de astronomia no observatório astronômico de Forcarei, onde nos explicarom como funciona o telescópio e nos derom noçons básicas sobre a matéria.

Resumo domingo 19 de setembro
A alvorada do domingo foi de gaita e trombóm. Logo do almorço tivemos obradoiros de orientaçom com mapas e compás a cargo do companheiro Miguel de Lugo.

Posteriormente tivemos a charla formativa sobre a questom florestal na Galiza com Pedro Alonso que participou como experto para nos mostrar até que ponto chegam as agressons sobre a floresta galega.

Logo da comida e do convivido dos três dias, realizamos o feche do acampamento coa recolhida das nossas cousas e o agradecimento ao Henrique e a Mabel pola sua hospitalidade e amabilidade com que nos acolherom.

Até sempre companheiro

2010-11-11T01:26:00.009Z

As companheiras e companheiros teus nom sabemos como expressar a imensa dor que nos causa a tua perda. Martinho, foches umha pessoa que hai nada andavas polo monte com nós e em mui pouco tempo perdemos-te.

Gardaremos-te sempre na memória dando-te a melhor homenagem, aplicando as tuas ensinanzas: Luitaremos pola Galiza que desejavas, à que lhe adicaches toda a vida.

Viva Galiza ceive e socialista!!!

Roteiro à Fraga da Marronda o 30 de outobro

2010-10-28T11:32:00.003+01:00

O próximo sábado dia 30 de outubro, co-organizaremos junto a AMAL (Agrupaçom de Montanha Águas Limpas, o roteiro pola Fraga da Marronda no Concelho de Baleira, Comarca de Burom. Depois de que fosse adiado no mês de agosto preferimos agardar ao outono para retomar esta actividade tendo em conta a fermosura desta fraga nesta época do ano. Quem queira vir deve avisar antes do dia 28 de outubro (no correio madialeva.gz@gmail ou bem no local sito na Rua Manuel Amor Meilám 18 res-do-chao). Combina-se às 8h30 no centro social. Há que levar bocata para o jantar.

A Fraga da Marronda, situada entre as entidades de Branha, Mendreiras, Martím e a estrada que une O Cádavo com Martím, é considerada a mai de todos os bosques de Baleira que, junto com outros bosques do município como son os de Freixido, Bosque do Eo, Monte Grande e Carvalhal, Bosque da Lastra e Bosque de Córneas entre outros, conformam umha extensom de mais de 30 quilómetros quadrados de bosque. A Fraga de A Marronda, cumha extensom de 1.239 Ha. constitue um magnífico exemplo de bosque autóctone Galego que aliás conserva um excepcional estado de conservaçom.

A Marronda é um exemplo excepcional de bosque autóctone galego entre as aldeas de A Branha, Fórneas, Mendreiras, O Real e Martím.

Numha zona de meia montanha, com valores altitudinais comprendidos entre os 450 e os 925m medra esta vigorosa e atractiva massa natural na que podemos atopar numerosas especies tanto vegetais como animais.

Som protagonistas da diversidade vegetal as faias, os castinheiros, os carbalhos, as abeleiras, os azevinhos, os cancereijos, os salgueiros, os sanguinhos, as hedras, os tojos, as gestas, os fentos, os arandos, as silvas, os líquens, os mofos, etc.

Entre os representantes da variedade faunística figuram o javali, o corço, o raposo, a gineta, a doninha, o esquío, o azor, o gabián, a águia caudal, o corvo, a perdiz, o cuco, a bubela, o morcego, o porco-espinho, as formigas, os vagalumes, as lesmas ou os vermes e ácaros do solo florestal.

Esta impressionante fraga é ademais um tesouro paisagístico e visual que nós agasalha estampas cambiantes com as estaçons. Enquanto o verde intenso da clorofila das folhas domina todo na primavera e no verao, o amarelo da capa subjacente de pigmentos aparece ao descuberto no outono e o frío penetra nas polas núas do inverno que amencem brancas quando a neve acanda estas latitudes.

Roteiro e magosto o sábado, día 30 de outubro no Courel

2010-10-15T23:12:00.005+01:00

A plataforma Galiza nom se vende e a Asociaçom SOS Courel, convídanvos a um roteiro e um magusto que terám lugar o sábado, 30 de outubro, no Courel.

Só tedes que avisar de cantos/as vides para calcular o vinho e as castanhas que necesitamos.

PROGRAMA:

- Ata as 11:00 concentración dos participantes do roteiro no desvío de Ferreirós de Arriba, na estrada principal do Courel, a LU -651, entre os quilómetros 27 e 28. Este punto está a un quilómetro de Ferreirós de Abaixo(Bar Pontón). Pódese aparcar abundantemente no campo de fútbol que está a 200 metros do desvío.

- O roteiro, comeza as 11:00, ten un percorrido circular de 10 quilómetros, cunha dificultade media baixa, salvo o quilómetro de subida o corno do Pico do Côto que ten algo de pendente, pero teremos moito tempo para chegar por un amplo camiño, mentres os heroes/ oinas esperan abraiados, no cumio, ollando dende o medio e medio do courel. Logo, paseniño, polo Muimento, iremos baixando cara Ferreirós de Arriba, e despois Ferreirós de Abaixo.

- Será a primeira vez que unha camiñada de lecer chega a esta marabillosa e sorprendente atalaia. Entre o Piapaxaro, Ferreirós, Folgoso e Sobredo

- Na seguinte foto podemos ver o corno do Pico do Côto, o desvío de Ferreirós(na escombreira) e o Campo de fútbol. Non teñades mágoa, hoxe xa volve estar verde e fermoso!

Clica aquí

- Ás 16:30, En Ferreirós de abaixo, preto do bar O Pontón, empezarase a facer o lume e asar as castañas, mentres os colectivos celebran a asemblea de Galiza non se vende.

- Acordádevos de traer gaitas, tambores, pandeiros,…..

- Traede auga e bocadiño para o xantar, na mochila

- Tamén podedes meter unhas luvas na mochila por si se nos ocorre algún traballo divertido.

- Para xente que se quede toda a fin de semana prepararemos máis rutas e visitas.

- Estes son os teléfonos dos establecementos

Clica aquí

Se non hai aloxamento habilitaremos sitio para durmir no chan.

AMAL apoia o manifesto lanzado polo movimento ecologista galego: DEZ RAZÓNS PARA PECHAR AS TÉRMICAS DE CARBÓN

2010-10-08T16:09:00.002+01:00

Manifesto:

DEZ RAZÓNS PARA PECHAR AS TÉRMICAS DE CARBÓN

As organizacións e persoas asinantes opómonos ao decreto estatal que favorece a queima de carbón español nas centrais térmicas, mais non porque prexudique as centrais de Meirama (GAS NATURAL FENSOSA) e As Pontes (ENDESA), que usan só carbón importado desde 2008. Rexeitámolo porque o carbón é o combustible fósil máis contaminante, o primeiro que habería que substituír. Por iso, non queremos en ningún lugar centrais térmicas que xeren electricidade sucia a partir de carbón. En Galicia tampouco. Eis dez boas razóns para pechar canto antes as centrais térmicas de carbón das Pontes e de Meirama:

1. Son enormes fábricas de cambio climático. Con moita diferenza, son as centrais eléctricas máis intensivas en emisións de dióxido de carbono (CO2), o principal gas causante da mudanza climática, o problema socioambiental global máis preocupante, do que Galicia tampouco se libra. Durante 2009 emitiron 0,9 toneladas de CO2 por MWh de electricidade xerado, dúas veces e media máis que as centrais de ciclo combinado. O uso exclusivo de carbón de importación a partir de 2008, logo do esgotamento das minas situadas ao seu pé, diminuiu as emisións directas un 13%, pero incrementou as indirectas debidas ao transporte do carbón.

2. Incrementan a débeda de carbono. Unha débeda ignorada e non recoñecida, que contraemos cos países empobrecidos polo noso exceso de emisións de CO2 e outros gases causantes da crise climática, que ameaza sobre todo aos países máis desfavorecidos. As emisións anuais por habitante de Galicia (10,6 toneladas en 2008) son insustentables e moi superiores ás emisións medias mundiais. Durante 2008, último ano para o que hai datos oficiais, case o 25 % das emisións galegas procederon da xeración de electricidade con carbón, que foi a maior fonte de todas.

3. A minería de carbón pode ser moi destrutiva. A extracción de lignito nas minas das Pontes e de Meirama ten provocado un impacto brutal. Agora estamos a externalizar esa destrución, trasladándoa a países como Indonesia, un dos estados do mundo máis ricos en diversidade biolóxica.

4. Elevan a pegada ecolóxica. Coma o resto dos países chamados desenvolvidos, Galicia consome recursos naturais e xera residuos moi por riba do que lle correspondería pola súa poboación, axudando a exceder a biocapacidade renovable do planeta. A iso contribúen de xeito moi destacado as emisións de CO2 das centrais térmicas de carbón, parte de cuxa produción expórtase ao resto da Península Ibérica, co cal estamos a “importar” emisións de CO2 e outros impactos asociados ao consumo eléctrico fóra de Galicia.

5. Deterioran a calidade do aire. A pesar da diminución das emisións atmosféricas como resultado do uso de carbón de importación menos contaminante, non debemos perder de vista que as centrais térmicas de carbón seguen sendo as principais fontes en Galicia para varios contaminantes diferentes do CO2 con efectos a escala local. Durante 2009 superáronse valores recomendados pola Organización Mundial da Saúde (OMS) para concentracións no aire de dous dos principais contaminantes nas áreas de influencia destas centrais: ozono troposférico (As Pontes) e partículas (Meirama).

6. A descarga e o transporte do carbón degradan o ambiente. Minimizar a exposición da poboación ás molestias asociadas á descarga do carbón para as térmicas foi un dos principais motivos invocados para a construción dos impactantes e custosísimos portos exteriores de Ferrol e A Coruña (separados a penas 17 km). A descarga do carbón en porto, e o seu transporte até as centrais (en camións, no caso das Pontes) xera contaminación atmosférica e acústica. A pesar da construción da “Medusa” no porto da Coruña para minimizar o impacto no aire das descargas de carbón, no barrio próximo dos Castros superouse durante 2009 o valor medio anual de presenza de partículas no aire recomendado pola OMS.

7. Acentúan a dependencia enerxética externa. Galicia depende moitísimo da importación de materias primas enerxéticas (máis do 99% destas son combustibles fósiles: carbón, petróleo e gas natural). Esta dependencia enerxética externa acentouse aínda máis desde que as térmicas usan só carbón de importación, pasando do 77,3% da enerxía primaria en 2007 ao 86,2% en 2008.

8. Son moi ineficientes. As centrais térmicas de carbón, responsables dun 15% do consumo de enerxía primaria en 2008, presentan un rendemento de tan só o 37% na transformación da enerxía primaria do carbón en electricidade. É dicir, consomen en forma de carbón perto de tres veces máis enerxía da que obteñen en forma de electricidade. Substituír totalmente a electricidade do carbón por electricidade renovable, ou incluso pola procedente de ciclos combinados a gas natural (cun rendemento do 50%), suporía un importante aforro de enerxía primaria.

9. Son innecesarias para atender o consumo eléctrico galego. As mudanzas operadas no “mix eléctrico” galego durante os últimos anos (crecemento da eólica, ciclos combinados) fixo que durante 2009 a electricidade xerada polas térmicas de carbón (7.433 GWh) fose só un pouco superior á exportada a Portugal e ao resto do Estado español (6.760 GWh). Para satisfacer só o consumo eléctrico galego, hoxe estariamos en condicións de prescindir a curto prazo das térmicas de carbón.

10. É mellor un modelo enerxético sen carbón. Se non se parte de visións condicionadas por intereses particulares e a curto prazo, estamos convencidos de que a opción enerxética máis vantaxosa desde o punto de vista social e ambiental é decrecer o consumo de enerxía e expandir as renovables de xeito respectuoso co territorio, de forma que poidamos prescindir canto antes dos combustibles fósiles, comezando polo máis sucio, o carbón. Canto maior sexa a achega do carbón, máis sucia e máis ineficiente será a produción de electricidade.

Se aspiramos realmente a unha Galicia sustentable e solidaria, non se pode defender calquera actividade económica e o emprego polo emprego, independentemente das consecuencias socioambientais a escala galega e global, e a curto e a longo prazo. Por suposto, é necesario considerar os prexuízos sociais que conlevaría o peche definitivo das térmicas de carbón e encaralos eficazmente a través de medidas de protección social, de formación e de xeración de alternativas sustentables de emprego. Estamos certos de que unha transición -xusta para os traballadores e traballadoras e para as comarcas afectadas negativamente- cara a un modelo enerxético sustentable, baseado no aforro e nas renovables, suporía grandes beneficios para o conxunto da sociedade, tamén no eido do emprego. Os intereses de dúas multinacionais enerxéticas, ou uns centos de empregos, non deberían ser un impedimento para pechar as industrias galegas máis insustentables.

Galiza, outubro de 2010

(actualizaçom) III Acampamento de montanha em Forcarei

2010-10-06T20:10:00.000+01:00

Conhecimento e defesa da Terra, formaçom ecologista, soberania alimentar, anti-capitalismo e anti-consumo, lazer e natureza

Este é a terceira ediçom do Acampamento de Montanha. Neste 2010 organizamos três jornadas de acampamento. Na linha que vimos defendendo de AMAL, tentamos que os encontros sirvam para conhecer directamente a Terra e livrar-nos da ignorância que ainda arrastamos sobre ela; para saber das agressons que padece, e das melhores maneiras de combater os expoliadores que estám a ameaçar a Galiza; para debater e formar-nos; e demonstrar que formas de vida anti-consumistas som possíveis. Por suposto, também apostamos pola diversom, mas procurando fugir do lazer encadeado ao dinheiro, à incomunicaçom e às drogodependências.

Programaçom do Acampamento 2010

Resumo 6ª feira 17 de setembro:

11:00h Roteiro pequeno por Forcarei. Dificuldade meia: 5 horas.

Percurso: Levoso ---> Outeiro Alto (676m) ---> Penas Longas (675m) ---> Aldeia de Liripio ---> Ermida de Sam Mauro ---> Rio Úmia ---> Aldeia de Quintáns ---> Levoso.

Imos darnos um banho, si queredes levade roupa para vos banhar.

14:30h Comida

16:00h Trabalhos na zona de campismo: Preparaçom do acampamento

20:00h Palestra sobre soberania alimentar com Henrique Banet da Fundaçom Galicia verde

22:00h Ceia23h Jogos

Resuma sábado 18 de setembro:

8:00h Alvorada

8:30h Almorço

9:30h Roteiro polo Rio Lérez. Dificuldade meia: 8 horas mas sem pendientes longas.

Percurso: Levoso ---> Duas Igrejas ---> Rio Lérez (550m)---> Andom ---> Mosteiro de Aciveiro (750m) ---> Rio Lérez ---> Duas Igrejas --->Levoso

Imos darnos um banho, si queredes levade roupa para vos banhar.

19:00h Apresentaçom da Fundaçom Galicia Verde

21:30h Ceia

22:00h Astronomia e foliada (traz o teu instrumento)

Resumo domingo 19 de setembro:

8:00h Alvorada
8:30h Almorço
9:30h Obradoiros de supervivência
12:00h Charla sobre a questom forestal na Galiza com Pedro Alonso
14:00h Comida
15:30h Trabalhos na zona de campismo: Recolhida do acampamento

Como anotar-se?

A dia de hoje podes anotar-te enviandonos um correio a aguaslimpas@gmail.com ou chamando ao 981 318 829. Fai-no quanto antes porque precisamos a listagem de asistentes para preparar as comidas. O preço das jornadas é de 20 Euros para afrontarmos gastos de comida e alojamento.

Também podes anotar-te nos centros sociais dos que publicaremos a listagem no nosso web. De momento atoparás esta listagem para te anotar no CS O Pichel de Compostela, na CS Revolta de Vigo, CS Sem um Cam de Ourense e no CS Madialeva de Lugo.

Comida

A comida corre a cargo da organizaçom salvo o jantar do roteiro da Sexta-féira. É necessário que cada quem leve o seu material para a comida: prato, copo, talheres, guardanapos... É mui importante ter umha garrafa para levar agua suficiente (1,5L por pessoa) para o roteiro e nom deshidratar-se.

Como chegar?

Desde A.M.A.L. recomendamos que, se já tes pensado vir ao acampamento, te organizes para vir tentando fazer o menor uso possível do carro. Si queredes ir em bici, Levoso (Forcarei) fica só a 60km de Compostela.

Podedes partilhar os carros, para levar os menos possíveis, e ainda melhor, fazer uso do transporte público. Aqui deixamos os horários dos autocarros que levam até Silheda. Alí faremos quedadas para recolher à gente. Para mais informaçom e para avisar de que te vaiam buscar, podes chamar a este número 627 161 646.

Compostela ---- Silheda
09:15 ------10:00
16:00* ----16:50
20:00 ------20:45
22:00* ----22:43
*Venhem desde A Corunha

Lugo ---------------- Silheda
06:45 ------------- 08:00
19:30 -------------- 20:55

Vigo ------- Ponte Vedra---------- Silheda
07:00 --------- 07:30 --------- 08:55
19:30 --------- 20:00 --------- 21:25

Que precisas?

Podedes consultar na nossa própria página (no lateral arriba) as entradas do "acampamento de montanha" dos anos passados ou as recomendaçons sobre o material clicando aquí. Se podedes, levade pantalons longos ou polainas para nos vos pinchar cos toxos e as silvas.

Por suposto, precisas tenda de campanha, saco de durmir e roupa de monte (apenas botas, prendas resistentes e mudas, deixa-te de marcas e consumo de logos comerciais). Nom te preocupes da comida, que disso já se encarrega a organizaçom. Ainda que che pareça mentira, nom precisas praticamente dinheiro, porque no monte consume-se pouco. Umhas poucas moedinhas por se precisas fazer umha chamada de urgência dum telefone público (no monte tampouco se precisa móbil).

Isso si: som obrigatórias as ganas de andar, de conhecer a nossa Terra e energias para contribuir a esta comunidade de resistência polo nosso país.

III Acampamento de Montanha: Já queda pouco...

2010-09-14T14:49:00.004+01:00

Se te animaches a vir ao acampamento de montanha, lembra que já quedam poucos dias e prepara todo o que tenhas que levar com tempo. Tenda de campismo, saco de dormir, isolante mudas....

Lembra levar roupa suficiente e boa para caminhar. Mudar o calzado ou a camisola ajuda a descansar o corpo e um simple chuvasqueiro ocupa pouco e pode gardar-te dumha boa molhadura. Leva umhas calças longas e resistentes para o roteiro, já que passaremos por algumhas toxeiras.

Lembra também que a comida é cousa da organizaçom, mais deves levar algo para o jantar da sexta-feira e para "picar" algo quando precises (fruta, chocolate, frutos secos...). Nom olvides que o prato, copo, culher, garfo ou o que precises para comer também é cousa tua! É mui importante ter umha garrafa para levar agua suficiente para o roteiro e nom deshidratar-se.

No monte nom precissas apenas dinheiro. Umhas moedinhas para umha emergência som suficientes. Mete também na mochila algumha cousinha útil como umha lanterna, umha navalha, umha toalha, sombreiro, um pequeno botiquim....

Se já tes todo listo, vemo-nos em Forcarei!

III Acampamento de Montanha - Como chegar até Forcarei?

2010-09-09T19:07:00.010+01:00

Desde A.M.A.L. recomendamos que, se já tes pensado vir ao acampamento, te organizes para vir tentando fazer o menor uso possível do automovel. Podedes partilhar os carros, para levar os menos possíveis, e ainda melhor, fazer uso do transporte público. Aqui deixamos os horários dos autocarros que levam até Silheda. Alí faremos quedadas para recolher à gente. Para mais informaçom e para avisar de que te vaiam buscar, podes chamar a este número: 627 16 16 46 (Maria).

Compostela ---- Silheda
09:15 ------ 10:00
16:00* ------ 16:50
20:00 ------ 20:45
22:00* ------ 22:43

*Venhem desde A Corunha

Lugo ---------------- Silheda
06:45 ------------- 08:00
19:30 -------------- 20:55

Vigo ------- Ponte Vedra---------- Silheda
07:00 --------- 07:30 --------- 08:55
19:30 --------- 20:00 --------- 21:25

Manifesto de Galiza nom se vende

2010-09-04T19:51:00.003+01:00

Disponibilizamos o manifestoda rede GZNSV (da que AMAL forma parte) sobre os lumes forestais:

Este ano 2010, como todos os das últimas décadas, volve ser negro para os montes galegos, e mesmo tráxico, coa morte de dous traballadores da loita contra o lume.

Galiza perdeu o bosque orixinario que a cubría enteira. Perdeuno século a século, co avance da agricultura e da gandeiría, como ocorreu en casi todo o mundo. Daquel bosque quedan, tan só, algúns vestixios. Sen embargo, as árbores ocupan dous terzos do territorio galego. É a masa forestal da repoboación do franquismo, que invadiu os pastos e as terras de labor con especies arbóreas alóctonas e pirófitas, que acabou nunha década cun sistema agrogandeiro que levaba funcionando séculos, e que acabou, tamén, con valiosos reductos de árbores autóctonas.Esta masa forestal de máis de 600 millóns de árbores, é na súa meirande parte un cultivo forestal abandoado. Pero tamén un tesouro económico de 28.000 millóns de euros, do que, sen embargo, apenas se tira rendemento. Só o nove por cento da superficie forestal de Galiza está cuidada e explotada comercialmente. Malia ser unha das comunidades con máis masa arbórea, Galiza ocupa os últimos postos en termos de investimento no sector forestal.

Esta masa forestal é un enorme ecosistema, valioso por sí mesmo pero, sobre todo, necesario para unha transición que permita recuperar de forma equilibrada o bosque autóctono e, con él, a súa grande biodiversidade, o seu valor coma recurso, dada a diversificación dos seus usos, e a súa resistencia aos lumes, que fai del a mellor maneira de prevelos e combatilos.

Pero o valor ambiental desta masa arbórea tamén é desprezado. Só o 18 por cento dos bosques galegos están incluidos nunha área natural protexida pola Administración, a peor ratio do Estado. E o seu valor como paisaxe é ignorado. As masas arbóreas de calquera lugar de Galiza están desprotexidas ante o avance das actividades humanas, malia a súa cualificación como Solo Rústico de Protección Forestal, e malia a existencia dunha inoperativa Lei da Paisaxe.

Dende Galiza Non Se Vende temos que denunciar a nefasta política forestal practicada, goberno tras goberno, dende a Xunta de Galiza. Unha política cegamente economicista e allea ao mundo rural que, por unha parte, abandoa o monte e, por outra parte, continúa a práctica franquista da repoboación forestal con especies alóctonas e pirófitas, que fan da masa arbórea unha tea inmensa que en calquera momento pode arder.

A política de eucaliptización beneficiou, e beneficia, dende hai décadas, a uns poucos empresarios a costa da degradación do noso medio natural, non só mediante o cultivo forestal, senón tamén mediante o lume. As empresas madereiras e as industrias da celulosa obteñen grandes beneficios dos incendios forestais, debido ao baixo prezo da madeira queimada, que chega, incluso, a saír de balde, co falso argumento de que recoller a madeira equivale e limpar e sanear o monte. É curioso que as plantacións destas empresas nunca se queiman.

Tamén buscan beneficio, malia a restricción da Lei de Montes sobre a súa recualificación tras un incendio, as empresas enerxéticas do sector eólico, as empresas da canteiría, as empresas industriais e incluso as empresas inmobiliarias e construtoras. O resultado é que máis do 90 por cento dos lumes forestais en Galiza son intencionados.

A catástrofe incendiaria que vivimos dende hai décadas provoca perdas económicas e sociais, ás veces tráxicas. Pero tamén provoca unha gravísima alteración do ecosistema forestal, e do solo que é o seu soporte, e dos acuíferos, e dos regatos, e das augas das rías, e dos seres vivos que os habitan. E tamén provoca unha grave perda de patrimonio arqueolóxico.

Arde o monte e con cada lume desaparece a vexetación que ampara e fixa a terra, que será arrastrada polas chuvias, invadindo os ríos e as rías, e colmatando as lagoas e os encoros, e acabando cos seres vivos destes ecosistemas. O monte queda desertizado e as súas posibilidades de rexeneración, quedan imposibilitadas durante milleiros de anos.

Con cada lume carbonízase a flora e morren abrasados, ou desprazados do seu territorio, os seres vivos que habitan o monte.

Con cada lume quéimase unha parte de nós, porque somos parte desta terra, e respiramos o osíxeno que produce a vexetación dos nosos montes.

Con cada lume quéimanse e desaparecen os filtros naturais dos nosos acuíferos que nos regalan a imprescindible auga potable, e que aínda hoxe, como antano, son o única fonte de abastecemento en centos de parroquias.

Con cada lume desaparecen centos de restos arqueolóxicos, moitos aínda sen estudar, moitos, incluso, descoñecidos, víctimas do desprezo dos nosos gobernantes polo noso patrimonio cultural e pola nosa propia identidade.

Con cada lume prodúcese unha gravísima perda ecolóxica e cultural que nunca aparece nas cuantificacións de danos.

O fenómeno incendiario constitúe, en suma, un atentado ecolóxico e cultural que se repite ano tras ano ante a pasividade dos responsables da Xunta de Galiza, cómplices, por acción ou por omisión, desta catástrofe ambiental.

Para colmo, os medios para luitar contra o lume son unha parodia do que deberían ser. A inexistencia de políticas dinamizadoras do rural provoca a falla de implicación da veciñanza (mesmo pola súa inexistencia) na vixiancia e loita contra o lume e poñen en perigo a vida das traballadoras e traballadores das brigadas contraincendios, que traballan con escasa formación, con medios precarios, en condicións extremas, durante xornadas abusivas, e sen medidas eficaces de prevención de riscos. Así hoxe temos que lamentar a morte dos dous traballadores veciños de Nigrán e Tomiño que perderon a vida apagando un lume en Fornelos con poucos medios, nunha actuación descoordinada e sen ter recibido a debida información sobre o lume e o terreo afectado.

Por isto, dende Galiza Non Se Vende manifestamos a nosa indignación ante a incompetencia demostrada, unha vez máis, polo goberno galego, que ten a obriga de prever os desastres ecolóxicos, minimizar as súas causas e facer fronte aos seus efectos; minimizar os riscos laborais que causan mortes, e garantir unha información obxectiva e fluída á cidadanía e aos axentes sociais involucrados no terrible e persistente problema dos incendios forestais.

Como remate, a Xunta actual practíca unha política expresa de manipulación informativa e falla de transparencia, ocultando os datos sobre o número de focos de lume e as superficies queimadas. Deste xeito, a cidadanía non pode saber canto se queima, onde, cando, como, nin por quén, nin os medios dipoñibles para as intervencións contra o lume, nin os medios realmente necesarios. A Xunta intenta minimizar os efectos dos incendios para ocultar a súa propia incompetencia na politica forestal e na loita contra o lume.

Galiza precisa un cambio radical na xestión do monte. Galiza precisa revitalizar o rural, recuperar a actividade agrogandeira e recuperar o bosque autóctono nunha transición equlibrada e sustentable. E, durante esa transición, os lumes han de ser previdos e combatidos con medios e medidas eficaces, e a cidadanía debe ser informada con transparencia.

Ésta é a responsabilidade da Xunta de Galiza, e ésta é a responsabilidade que lle esiximos.

POLO MAL GOBERNO DA XUNTA DE GALIZA
POLA SÚA NEFASTA POLÍTICA FORESTAL
POLA SÚA INCOMPETENCIA E INOPERATIVIDADE

ESIXIMOS RESPONSABILIDADES
ESIXIMOS UN CAMBIO RADICAL NA XESTIÓN DO MONTE

GOBERNE QUEN GOBERNE, O NOSO MONTE NON SE VENDE
TERRA VIVA E DIGNA PARA TOD@S.

II Ciclo de Cinema Ambiental em Compostela

2010-08-27T13:53:00.001+01:00

As próximas quinta-feiras, dia 12 e 26 de agosto às 22h projectarám-se os filmes do II Ciclo de Cinema Ambiental, organizada pola Comissom de Meio Natural da Gentalha.

Podes ler umha pequena recensom de cada filme com o dia, hora e lugar do ciclo a continuaçom:

12 de agosto às 22h no CS O Pichel (Santa Clara, 21. Compostela):

A história das cousas
story of stuff. EUA, 2007. Direcçom: Louis Fox. 20 min

Da extraçom e produçom até a venda, consumo e descarte, todos os produtos na nossa vida afetam comunidades em diversos países, a maior parte delas longe dos nossos olhos. História das Cousas revela as conexons entre diversos problemas ambientais e sociais, e é um alerta pola urgência em criarmos um mundo mais sustentável e justo.

O mundo segundo a monsanto
le monde segons monsanto. França, 2008. Direcçom: Marie-Monique Robin. 108 min

O documentário "O Mundo segundo a Monsanto", traça a história da principal fabricante de organismos geneticamente modificados (OGM), cujos graos de soja, milho e algodom se proliferam polo mundo, apesar dos alertas de ambientalistas. O documentário destaca os perigos do crescimento exponencial das plantaçons de transgénicos, que, em 2007, cobriam 100 milhons de hectares, com propriedades genéticas patenteadas em 90% pola Monsanto.

A segunda e última sessom co Ciclo de Cinema Ambiental terá lugar no cemitério de Bonaval, o vindouro dia 26 de agosto, às 22h e os filmes projectados serám:

26 de agosto às 22h no cemiterio de Bonaval (Compostela):

A ilha das flores
Brasil, 1989. Direcçom: Jorge Furtado. 13 min

De forma ácida e com uma linguagem quase científica, o curta mostra como a economia gera relaçons desiguais entre os seres humanos. O próprio diretor afirmou em entrevista que o texto do filme é inspirado em suas leituras de Kurt Vonnegut ("Almoço de Campeões"/ "Breakfast of Champions") e nos filmes de Alain Resnais ("Meu Tio da América"/ "Mon Oncle d'Amérique"), entre outros.

O crash do petróleo
A crude awakening. The oil crash. Suiça, 2006. Direcçom: Basil Gelpke, Ray McCormack. 90 min

Quanto tempo vai durar o nosso rico petróleo? É uma das perguntas que tenta responder o documenário. Conta com analise e comentário de cientistas, geologistas de algumas das grandes petrolíferas, analistas, o antigo secretário geral da OPEC, etc.

Morte de brigadistas evidencia precárias condiçons laborais e fracasso da prevençom contra o lume

2010-08-14T22:15:00.005+01:00

Com dous cadáveres a pairar sobre a consciência de todos, a problemática dos lumes de verao volve a pôr-se com toda a sua crueza. A morte de dous brigadistas em Fornelos de Montes está a motivar múltiplas reacçons: desde as tentativas de silenciamento mediático do PP, que se lançara ao ganho de votos quando o bipartido nom dava controlado os lumes, até os protestos das forças sindicais, que pedem responsabilidades polos défices de segurança no trabalho. Seja como for, o drama evidencia as consequências humanas e ambientais de manter boa parte da Galiza como um 'deserto verde', segundo dizem sindicalistas agrários e ecologistas. Também o independentismo, através da FPG, fijo pública umha análise crítica sobre as condiçons laborais e a política anti-incêndios do PP.

Concentraçom.

Jornadas longas, escasseza de pessoal e, nomeadamente, procura de cubrir objectivos impossíveis. Essas som algumhas das críticas mais frequentes contra a política florestal da Junta de hoje, continuidade essencial da desenvolvida no fraguismo. No dia de onte, delegadas sindicais concentrárom-se nas instalaçons de SEAGA no polígono do Tambre, em Compostela, e preparam um novo acto de protesto para a segunda feira em Ponte Vedra. Eram perto dum cento de pessoas, convocadas polo comité de empresa, que lérom um comunicado onde se instava à administraçom a abrir umha pesquisa independente, com presença da representaçom dos trabalhadores e trabalhadoras.

O colectivo ambientalista Verdegaia fixera também pública, semanas antes de se consumar este drama, umha análise sobre esta problemática, reiterando a pouca atençom institucional sobre o trabalho preventivo. O informe reproduzido é do colectivo espanhol Ecologistas em Acçom, que aponta aliás algumhas consideraçons polémicas no movimento popular, como os chamados a maior presença policial nos montes, controlando assi o risco de incêndios com políticas punitivas.

Por seu turno, a Frente Popular Galega fijo público um comunicado nestes dias, assinalando 'a gestom da situaçom de crise e emergênci em chaves eleitoralistas' do governo Feijoo. A crítica alude ao silenciamento aplicado polos gabinetes de imprensa do PP neste mês de Agosto, informando apenas dos grandes lumes que nom se podem ocultar à opiniom pública.

A FPG exige também umha investigaçom independente, mostra solidariedade com as famílias dos finados, e chama à 'luita obreira para prever novos accidentes laborais'.

A crítica da orde.

A escandalosa situaçom dos montes da Galiza leva mesmo a imprensa comercial a fazer públicas certas críticas, com o fim de aliviar tensons e recriar um debate democrático. Ainda que se trata de críticas essencialmente falsárias, dado que as pronunciam conhecidos servidores dos partidos institucionais, podem estar formuladas com rigor e reproduzir reflexons certas.

É o caso de X.L. Barreiro Rivas, que nas páginas de 'La Voz de Galicia' aponta a irresponsabilidade de sacrificar vidas humanas para deter uns incêndios imparáveis, fruto dumha organizaçom do território irracional. 'A cultura ecológica que temos criado, e a falta de protecçom de vivendas e indústrias, obriga as equipas de extinçom a cumprir objectivos que devessem ser desprezados', afirma o opinólogo. Continua a vencelhar o acontecido com o esbarulhamento territorial do agro galego, numha análise que qualquer sentido comum suscreve sem matizes: 'contra o que antes acontecia, quando os lavradios, as hortas e os prados construiam um círculo de protecçom por volta das casas e faziam-nas invulneráveis contra os incêndios florestais, o modelo habitacional de hoje nom só espalha as casas ao chou, senom que semelha gostar dessa ecologia urbanita e romántica que fai entrar os ramalhos dos pinheiros pola janela do quarto.'

[Nova tirada do galizalivre.org]

Mapa dos incêndios forestais na Galiza no que vai de ano 2010:

Ver Incendios Forestais - Incendios Forestales - Galicia 2010 nun mapa máis grande

PROGRAMA COMPLETO DO V FESTIVAL DA MOCIDADE + 1º ACAMPAMENTO DA MOCIDADE

2010-08-14T20:57:00.004+01:00

Publicamos o programa completo do V Festival da Mocidade, que este ano decorrerá na Sainza (Rairiz de Veiga) o próximo 21 de Agosto organizado pola Aguilhoar. Unha nova edición com o intuito de oferecer a todas as e os limiaos um espaço de lazer alternativo e que terá como tema de debate central o FEMINISMO.

Umha JORNADA COMPLETA que inclui formaçom, gastronomia e festa, disponibilizando umha zona de campismo, e cujo calendário de actividades irám desde exposiçons, jogos, palestras etc, bem como umha grande comida popular, á que animamos a todas e todos a participarem e, por último, os concertos musicais com os Os Esquíos, Post Mortem e Skandalo Gz, após a queda do cartaz dos viguesses, Sem Resposta.

Mais info. http://festivaldamocidade.blogspot.com/

1º Acampamento da Mocidade

Ainda, desde a sexta 20 até o domingo 22 de Agosto decorrerá o 1º Acampamento da Mocidade também na Sainza aderindo às actividades do V Festival da Mocidade e ampliando ainda o leque de actividades.

Mais info. http://acampamentodamocidade.blogspot.com/

Vídeo promocional do Dia da Pátria

2010-07-17T14:36:00.001+01:00

Junta e concelho de Carral permitem avanço de canteira no monte Jalo

2010-07-07T16:58:00.003+01:00

[Fonte: Galizalivre] O monte Jalo é um dos cúmios mais emblemáticos do noroeste galego. Situado entre as comarcas das Marinhas, Ordes e Bergantinhos, os seus pouco mais de 500 metros de altura permitem umhas magníficas vistas de toda a contorna. Hoje é umha zona de esparcimento para amantes da natureza, o ciclismo ou a escalada.

Porém, e se a correlaçom de forças nom mudar, o Jalo engrossará a lista de montes estragados pola depredaçom económica e a passividade social. Apesar de se aprovar umha solicitude municipal no concelho de Carral, que urgia a Junta à sua declaraçom como 'espaço protegido', a zona de canteira avança.

O PP por trás da operaçom.

A proposta do concelho, saída do movimento vicinal da Laracha, Culheredo, Cerzeda e Carral, aprovou-se no verao de 2005. Um lustro depois, ninguém sabe do que aconteceu com o projecto, e até a imprensa comercial, cúmplice habitual de todos os abussos, pergunta-se quem é o responsável do bloqueio.

Na realidade, isto nom é difícil de averiguar. O concelho de Carral deu licença à canteira Camarga para a exploraçom do Jalo há quinze anos. 'Som postos de trabalho e impostos municipais', dixo o alcalde do município, José Luís Fernández Mouriño, do Partido Popular.

Agora, o concelho recebe com braços abertos a concessom dumha ampliaçom da canteira, da que se tirariam 100000 metros cúbicos por ano. A própria empresa reconhece que haverá um 'impacto severo' na paisagem, a morfologia e a vegetaçom. A Conselharia de Meio Ambiente dixo 'nom ter constáncia' de nengumha petiçom de protecçom do monte.

As associaçons 'Rede Montanhas' e a própria Greenpeace venhem de denunciar, por enquanto timidamente e através de notas de imprensa, a desfeita progressiva do monte.

Ciberacçom contra a mina de andalucita em Pico Velho

2010-06-21T23:38:00.001+01:00

AMAL está a participar numha campana na comarca de Ferrol com respeito à oposiçom à mina de Pico Velho. Neste link está todo explicado:
http://picovello.blogspot.com/2010/06/unha-ciberaccion-en-defensa-da-fraga-de.html

Reproduzimos aquí a ciberacçom que se está a levar a cabo:

Ciberacción contra mina de andalucita en Pico Velho

Diferentes colectivos galegos, co respaldo da asociación alemana Rettet den Regenwald (www.salvalaselva.org), iniciaron unha nova acción de protesta o luns 7 de xuño para esixir a paralización do proxecto da mina de andalucita no lugar de Pico Vello (As Pontes de García Rodríguez). Baixo o lema: SOS para os montes galegos: Non á mina en Pico Vello, esta iniciativa insta a todas aquelas persoas preocupadas pola preservación da zona a que envíen unha carta vía email a diferentes organismos da Administración Pública. Tres días máis tarde de iniciar a ciberacción, xa apoiaron esta iniciativa máis de 1.800 persoas.

Dende a aprobación da Declaración de Impacto Ambiental para o proxecto de explotación mineira da concesión Sonsolves IV 6156.1, na Parroquia de Goente, concello de As Pontes de García Rodríguez (A Coruña), promovido por Picobello Andalucita, S.L., numerosos colectivos (Agrupaçom de Montanha Águas Limpas AMAL, Asociación para a Defensa Ecolóxica de Galiza ADEGA, Club de Montaña Ferrol, Colectivo Ártabra 21, DROSERA, Federación Ecoloxista Galega, Fusquenlla, G.N.Hábitat, Guerrilleiros das Fragas, Néboa, Lapis Verdes, O Rabo do Galo, Saramaganta, Sociedade Galega de Historia Natural SGHN e Verdegaia) fixeron público o seu rexeitamente ao proxecto e puxeron en marcha diferentes iniciativas (denuncia ante a Fiscalía de Medio Ambiente polas irregularidades no proxecto, un roteiro pola zona, unha carla en A Capela sobre as afeccións posibles da mina ao ecosistema, reunións cos alcaldes dos concellos afectados, etc).

As cartas de protesta da ciberacción están sendo dirixidadas ao Presidente da Xunta de Galicia, ao Conselleiro de Economía e Industria, ao Director Xeral de Industria, Enerxía e Minas, ao Conselleiro de Medio Ambiente, Territorio e Infraestructuras, ao Secretario Xeral de Calidade e Avaliación Ambiental, á Presidenta de Augas de Galicia, ao Conselleiro do Medio Rural, ao Director Xeral de Conservación da Natureza e ao Alcalde Concello de As Pontes de García Rodríguez.

Na carta que se dirixe ás autoridades faise constar que o xacemento está na zona do Pico Vello, lindante co Parque Natural Fragas do Eume, e constituída na súa maior parte por unha fraga mesta e pasteiros. O monte Fontardión, ao pé do cal se atopa Pico Vello, constitúe o único corredor ecolóxico entre o Parque Natural Fragas do Eume e Lugar de Interese Comunitario Xubia-Castro, ámbolos dous incluídos xa na Rede Natura 2000. A posta en funcionamento da explotación suporía a perda deste corredor ecolóxico e a destrución irreversible dun inmenso patrimonio natural e etnográfico (fragas, regos, brañas, muíños, ...). Non hai que esquecer que o proxecto afectaría tamén ó Parque Natural Fragas do Eume, dado que a entulleira situaríase xusto sobre rego Maciñeira, afluente do río Eume, principal cauce que percorre o Parque Natural, o que suporía unha grave contaminación, por lixiviacións, escorreduras, etc. No informe de avaliación ambiental non se detallan as repercusións negativas derivadas da execución do proxecto sobre o Parque Natural situado a tan só 50 metros de distancia da zona da extracción, sendo a franxa de amortecemento insuficiente para librarlo das afeccións causadas pola contaminación da mina.

Autorizar esta explotación provocaría, tal é como se lle fai saber aos diferentes organismos, a eliminación definitiva e irreversible dunha da fonte principal do río Belelle, afectando gravemente tanto á cantidade como á calidade das súas augas, das que se subministra a unha poboación importante dos concellos de A Capela, Cabanas, Fene, Neda e Ferrol.

Todas as persoa que o desexen poden participar na ciberacción dende o enlace: http://www.salvalaselva.org/. Só teñen que encher un breve formulario e as cartas envíanse automáticamente.

Máis información:
ADEGA (Ernesto Lópes. T. 649 779 774)
SGHN (Manuel Arzúa. T. 667 044 296)
VERDEGAIA (Mónica Arto T. 691 527 277)

26ª MARCHA. MACIÇO DE TREVINCA: Cidade da Selva e Pena Negra

2010-06-19T16:16:00.027+01:00

AMAL organizou um roteiro nacional por Trevinca a fim de semana do sábado 12 e domingo 13 de Junho de 2010.

O sábado fixemos 25 Km. Caminhamos até o Castro de Veloso (Cidade da Selva) onde comemos. À tarde fomos até o Teixedal de Casaio.

O domingo fixemos 30 Km. Subimos pola Cabrita e fomos até Pena Negra onde comemos. Logo baixamos a Vila Nova onde rematou o roteiro sobre as 19h.

CRÓNICA EM IMAGENS DO ROTEIRO:

* 1º Dia. Sábado. Cidade da Selva e Teixadal de Casaio:

Ruinas do posto de vigiancia nazi dos prisioneiros da Guerra Civil que trabalhabam nas minas de extracçom de volfrámio:

2º Dia. Domingo. Ascenso à Cabrita e a Pena Negra:

Ascenso à Cabrita:

Fotos no Cumio da Cabrita:

De caminho cara Pena Negra:

Bordeando Pena Súrvia no caminho:

Tramos últimos do ascenso:

Primeir@s montanheir@s no cumio de Pena Negra:

Ciberacçom contra a mina de andalucita em Pico Velho

2010-06-19T13:27:00.004+01:00

Roteiro polo Maciço de trevinca

2010-05-25T15:30:00.011+01:00

Teixedal de Casaio, por onde decorrerá o roteiro

AMAL organiza um roteiro nacional por Trevinca a fim de semana do sábado 12 e domingo 13 de Junho.

Sexta-feira

A sexta-feira nom há roteiro mas como sairemos o sábado de caminhada mui cedo é recomendável ir dormir ali a Sexta-feira Estaremos agardando por vos desde as 21h. em A Veiga.

Para nom ter que desplazarnos em muitos carros, as quedadas para se achegar à Veiga som :
- Para @s do norte do pais, em Compostela às 18h na Ponte do Sar.
- Para @s do sur do pais, em Ourense às 19h na estaçom de auto-carros.

Há que levar a comida, ceia e almoço para sábado e domingo.

Para chegar a Vilanova há que ir primeiro à Veiga. Umha vez chegado à Veiga, tem-se de ir pola OU-177 direcçom Jares, que se colhe numha rotunda no centro da vila. Ao chegar ao cruzamento colher direcçom Espinho-Lamalonga-Meixide-Vilanova (OU-176) e continuar até chegar a Vilanova.

Sábado 30km 10 horas

Sairemos às 7h. Caminharemos até o Castro de Veloso (Cidade da Selva) onde comeremos. À tarde iremos às minas de Valvoraz e passaremos a noite no Teixedal de Casaio.

Domingo 16km 9 horas

Subiremos pola Cabrita e iremos até Pena Trevinca onde comeremos. Baixaremos a Vila Nova onde rematará o roteiro sobre as 17h.

Características gerais do roteiro

Roteiro de dificuldade alta já que caminharemos 30km 10 horas (sábado) 16km 9 horas (domingo) coas tendas e coa comida de dous dias com grandes desníveis. Há que levar o equipamento muito bem medido no referido ao peso e ao que vamos precisar para ir cómodas. Mirade o tempo que vai fazer antes de preparar a mochila.

COMIDA:Teremos de levar comida para toda a fim de semana O ajeitado será fazer umha ceia da sexta rica em hidratos de carbono e almoçar bem o sábado, assim carregaremos a menor quantidade de comida possível para a marcha. Para esta sempre resulta bom levar froitos secos variados já que som muito energéticos e doados de comer, aproveitando algumha parada breve para picar pequenas quantidades destes, que nos ajudam a prescindir de grandes comidas. O esquema repetira-se para a ceia do sábado e almoço e jantar do domingo. Levar froita e 1,5 litros de água mínimo para cada dia.

DIFICULDADE: ALTA, pois além da grande distância a percorrer teremos de salvar grandes desníveis que fam da rota umha marcha dura.

CONTACTO: TELF: 649_536_270
e-mail: aguaslimpas@gmail.com

Podes consultar os roteiros que fixemos até o de agora polo Maciço de Trevinca para saber mais da zona e das características do roteiro nas seguintes ligaçons:

16ª Marcha: Teixadal de Casaio e Pena Súrvia

10ª Marcha: Pena Trevinca e Pico Marulo

3ª Marcha: Pena Trevinca

2ª Marcha: Pena Súrvia

Roteiro ao Pico Venho

2010-05-21T16:19:00.005+01:00

Roteiro ao Pico Venho contra a Mina andalucita, nas Fragas do Eume, onde participou AMAL:

A mina. Umha historia dumha montanha sagrada:

Roteiro em bicicleta: Compostela - Tápia - Ponte Maceira

2010-05-05T17:06:00.006+01:00

O domingo dia 9 de Maio faremos um pequeno roteiro em bici, dentro do programa das Festas Populares de Compostela. Será umha volta pequena e bem levadeira, assim que animamos a todo o mundo a unir-se a ela e aproveitar para sair da cidade.

Percurso: Compostela-Tápia-Ponte Maceira-Compostela.

Saída: Às 10:30h desde a porta do Campus, na faculdade de políticas da Universidade de Santiago. (Saída de Noia)
Volta: A meia tarde (aprox. sobre as 18h)
Dificuldade: Meia-Baixa (som aprox. 18Km de ida e 18Km de volta. Faremos o percurso a ritmo lento e em grupo, sem deixar a ninguém atrás). Teremos tramos de terra, asfalto e grijo.

Indicaçons: Iremos até Tápia, pararemos um pouco e seguiremos até Ponte Maceira. A maior parte do percorrido segue o Caminho de Santiago. Só tes que levar o botelhím de agua da bici, e algo de comida (froita, um bocata, frutos secos...). Levar um chuvasqueiro por se chove e algum recâmbio para a bici em caso de pinchar. Indicado para bicicleta de montanha ou passeio (com marchas)

Para mais informaçom chamar ao 649 536 270 ou enviar um correio a aguaslimpas@gmail.com

Imagem de Tápia

Imagem de Ponte Maceira

Actos de Causa Galiza em lembrança da Revoluçom Galega de 1846

2010-04-21T15:43:00.007+01:00

Actos de Causa Galiza em lembrança da Revoluçom Galega de 1846

Mapa francés do Reino da Galiza

O mês de Abril de 1846 ficará gravado na memória do povo galego polos acontecimentos que levárom por todo o pais anseios de liberdade, depois de que o dia 2 em Lugo um batalhom do exército se ergue-se sob o mando de Solis. Logo Compostela, Ponte Vedra, Túi e Vigo somariam-se a rebeliom. Em 15 de Abril em Compostela decide-se criar dous corpos do exército, um deles teria a denominaçom de “Exército Libertador da Galiza”, assim mesmo constituiria-se umha Junta Suprema do Reino da Galiza, que contará como Presidente a Pio Rodríguez Terrazo, e como Secretário a um dos principais ideólogos do Provincialismo (movimento no que se situam as origens do nacionalismo): o moço Antolim Faraldo. O mesmo será o que redija a proclama denunciando o asovalhamento no que vive Galiza “convertida numha colónia da Corte”.

No dia 23 de Abril, em Montouto, na batalha de Cacheiras, será o começo da derrota dos sublevados. Depois ficaria a última resistência em Compostela. Os principais dirigentes desta Revoluçom Galega de 1846, serám fusilados no dia 26 polo que sempre serám lembrados como os Mártires de Carral. A partir daquela altura, o soberanismo galego iria tomando forma e avançando na sua introduçom social até os nossos dias, centrando os seus esforços desde finais do século XIX em dotar ao nosso País dum Estado livre.

Para conmemorar esta revolta, Causa Galiza organiza em Carral um ambicioso acto nacional de homenagem aos mártires o sábado 24 de Abril. Recolhemos aquí o PROGRAMA completo:

18:00h Concentraçom no Monumento aos Mártires de Carral.
18:15h Saida da Rondalha-homenagem aos Mártires.
19:00h Acto político na igreja de Paleo.
19:30h Sessom vermú Lume e Ferro.
22:00h Ceia na carpa Lume e Ferro.

24h Concerto na Sala The star:

Bouba Pandereteiras.
Labregos do tempo dos sputniks.
Machina.

Para a asistência ao acto contamos con bus de ida e de volta desde Vigo pasando por Compostela, Pontevedra e Ordes:

- Desde Vigo às 15h do quiosco da Praza dos Cavalos.

- Desde Pontevedra às 15:30h da Ponte da Barca.

- Desde Santiago às 16:30 desde o Paço de Congresos.

- Desde Ordes às 17h diante da casa do concelho.

- Desde A Crunha os de linha ja existentes comunican Carral coa Crunha o sábado a cada hora menos cinco até as 21:55h, e de volta hai noitebus às 4:00h e às 06:00h.

A data limite para apontarse aos buses propios de Causa Galiza será o 21 de Abril. Está aberto o prazo para se anotar através do correo info@causagaliza.org ou chamando ao teléfono 630 690 869.

2010-03-10T16:15:00.014Z

INFORMAÇOM IMPORTANTE: ADIADO ROTEIRO EM BICI POR CAUSA DA CHUVA

Disponibilizaremos informaçom em breve sobre outra proposta de data para o roteiro.

Da AMAL voltamos propor-vos colher as bicis e experimentar umha forma distinta de viajar: sem gassolina, devagarinho e desfrutando do caminho. Convidamos-vos a participar numha rota em bici acarom do rio Minho, desde a cidade de Ourense até a foz da Guarda, e depois à beira do mar até Vigo. Trata-se dumha acampada de três dias (duas noites), na que rodaremos por estradas mui fáciles quase sempre ao nível do rio e do mar, atravessando em ocasions a fronteira galego-portuguesa, e utilizando algumhas das eco-pistas que transitam hoje polo que foi o antigo caminho de ferro português.

Dados da Rota:

Saida, DATA SEM CONFIRMAR, às 9:00 da Estaçom do trem de Ourense (Empalme).
Chegada prevista a Vigo no Sábado 3 de Abril antes das 20:00.

De Vigo sai um trem às 6:52 que chega a Ourense às 8:44. De Santiago sái um às 6:45 e chega a Ourense às 8:36. É aconselhável avissar uns dias antes em RENFE de que se pretende viajar levando várias bicis.

Etapa 1: Ourense - Melgaço 65 km
Etapa 2: Melgaço - Goiám 60 km
Etapa 3: Goiám - Vigo 65 km

Conselhos: A bici mais adequada para o cicloturismo é a que vai equipada com porta-equipagens e marchas suficientemente curtas (três pratos e um pinhom grande de 28 dentes ou mais) como para pedalar comodamente com a carga. Som perfeitas as chamadas "Hibridas" ou "de passeio", ainda que vale bem qualquera à que se lhe acrescente um porta-equipagens.

É imprescindível levar um culotte com protecçom acolchada no cu, e muito recomendáveis as luvas e o capacete.

O calçado adequado é aquele que nos seja cómodo, com a pranta o suficientemente grossa se é que os nossos pedais tenhem "dentes". Enquanto à roupa, devem-se levar mudas e, consultando o tempo com anterioridade, roupa de protecçom adequada. Nesta época do ano é tam possível que faga já calor, como que tenhamos vento, frio e chuva. Em qualquer caso, numha equipagem bem preparada sempre deve haver um chuvasqueiro e algumha roupa de abrigo. Haverá sítios nos que lavar-se e mesmo tomar banho, polo que é recomendável levar toalha.

Deve-se levar saco de dormir e tenda de campismo. O ideal é falar entre a gente conhecida que vaia participar na acampada, para partilhar as tendas e assim nom cargar com mais peso do necessário.

A equipagem deve-se levar em alforges, nunca em mochilas sobre o lombo. A quem nom tiver alforges, a AMAL pode-lhe emprestar umhas se avissa com o tempo suficiente.

--------------------------------------

Declaraçom "Para defendermos a Terra e o povo da devastaçom, Galiza necessita soberania e independência"
Imagem da faixa de AMAL da manifestaçom de Galiza nom se vende do 21 de Março de 2010

Publicamos a declaraçom "Para defendermos a Terra e o povo da devastaçom, Galiza necessita soberania e independência". O diagnóstico recolhido neste manifesto, que sai à luz 48 horas antes da celebraçom dumha nova mobilizaçom nacional em defesa do território convocada por Galiza nom se vende, é compartilhado polas organizaçons políticas independentistas Fronte Popular Galega (FPG), Movemento pola Base (MpB) e por Espaço Irmandinho. Valorizamos muito positivamente esta confluência na análise e aguardamos que, mais cedo que tarde, da teoria passemos a umha praxe mancomunada dos agentes políticos e sociais dispostos a defender a Terra da destruçom e o espólio colonial. O tempo exige unidades, generosidade e a altura de miras que evidencia esta declaraçom.

Para defendermos a Terra e o povo da devastaçom, Galiza necesita soberania e independência

Quem contemplar o decorrer dos últimos 50 anos de História da Galiza, sobretodo, as duas últimas décadas, concluirá que o processo de liquidaçom a que está submetido este povo sob o regime colonial acelerou a sua velocidade destrutiva com o passo do tempo.

Hoje comprovamos as consequências mais perversas desse processo que afecta todos os eidos da existência colectiva: da minorizaçom social e a deturpaçom da língua à alteraçom irreversível da paisagem; da liquidaçom programada dos sectores produtivos estratégicos à destruiçom da sociabilidade, com a criaçom dumha sociedade narcotizada, consumista e individualista; do histórico espólio dos recursos naturais à perda da soberania alimentar a maos de transnacionais do sector que emponçonham a terra; da precarizaçom massiva do emprego à reapariçom de modalidades de escravismo laboral, etc. Todos os planos da nossa existência como povo estám salpicados dum modo ou outro por este assalto voraz ao território e os recursos.

A lógica irracional do progresso entendido como aumento continuado dos níveis de consumo, como incremento da mobilidade individual, assumido por amplos sectores sociais e políticos –incluido o nacionalismo maioritário-, é a coarctada sob a que o capital transnacional, as autoridades coloniais e umha administraçom autonómica plenamente cúmplice da desfeita executárom e executam o plano destrutivo.

Assim, sob este modelo colonial de ordenaçom territorial, transitamos face umha Galiza que concentra a sua populaçom numha estreita conurbaçom costeira de norte a sul enquanto se desertiza o interior; comprovamos como se contamina umha fonte de riqueza social como as nossas Rias, enquanto as serras som ocupadas por transnacionais da energia eólica e se desenham planos para o espólio energético do mar; destrói-se um sistema de vida fundamentado na produçom local labrega e marinheira para forçar-nos a consumir produtos de pior qualidade importados de terceiros países, etc. Seria impossível expor na brevidade que exige esta folha a listagem de efeitos negativos que provoca esta dinámica.

Nós, como independentistas, entendemos que a resistência a este processo destrutivo se deve situar a dous níveis: por umha parte, potencializando as redes sociais de ámbito comarcal comprometidas na defesa do território. Hoje, ante a voracidade selvagem das transnacionais e do capitalismo colonial, é vital artelhar sólidos movimentos populares de oposiçom coordenados a nível nacional e cientes de que cada luita local ou comarcal fam parte da luita nacional, porque todos os projectos localizados estám incardinados numha ordenaçom territorial global.

Por outra parte, reorganizar um movimento sócio-político independentista amplo e plural que situe a conquista do poder próprio de decisom, a autodeterminaçom e a independência como principais nortes da sua intervençom. Reivindicar hoje a soberania já nom é apenas exigir um direito democrático usurpado, mas trabalharmos para criar ferramentas políticas e institucionais que nos permitam sermos don@s do nosso território e dos nossos recursos.

Sobre estes dous reptos –a articulaçom de resistências sociais imediatas e construçom dum projecto sócio-político soberanista de massas- é que entendemos traçável umha táctica e umha estratégia à altura das circunstáncias actuais. Temos vontade de luita, temos esperança no futuro e temos a certeza de que este presente de luita que se inicia trazerá um futuro nosso.

Avante a defesa da Terra!
Avante a luita pola independencia e o socialismo!
Viva Galiza ceive!

Acto de GAS em Vigo e Concerto de Galiza nom se vende em Cangas: Preparando a grande mobilizaçom Nacional do 21 de Março de Galiza nom se vende

2010-01-26T11:02:00.013Z

O Grupo de Axitación Social (GAS) organiza umha serie de actos, que tenhem como temática geral a questom meio-ambiental, no CS A Cova dos ratos em Vigo.

Galiza Nom Se Vende sae de novo à rua coa II Caravana de concertos e atividades por cidades e vilas galegas.
.
.
.
.

CANGAS DO MORRAZO:

Sábado 6 de Marzo:
Ás 21:00 h. no Centro Social A Tiradoura

Agardámosvos a tod@s!!!

Actuarán:

* Selegal Música tradidicional africana
* Lost Name Rap
* Codia e Miolo Teatro humorístico
* Chacarrandaina Música tradicional galega

* O neto de Manoel ….

Esta Caravana rematará o 21 de Março, cumha grande manifestaçom nacional em Compostela em defesa do território (a terra, o mar, o aire, os ríos… e os recursos naturais tod@s). Porque sem território nom há vida, nom há cultura, nom há música, nom há nada.

SALVEMOS A COSTA, NON AO PLAN DO LITORAL

POR UNHA ORDENACIÓN RACIONAL DO TERRITORIO

POLA DEFENSA DOS SECTORES PRIMARIOS: SOBERANIA ALIMENTARIA E ENERXÉTICA

POR OUTRO MODELO DE TRANSPORTE

Governe quen governe Galiza Non Se Vende
Terra viva e vida digna para tod*s

Governe quem governe, a língua nom se vende

2010-01-15T14:46:00.003Z

O colectivo Galiza Nom Se Vende ao que pertence AMAL, fixo público um manifesto onde criticam o borrador do decreto do galego no ensino presentado polo Governo o passado dia 30 de Dezembro.

GZ nom se vende mostrou o seu "pleno apoio á manifestaçom em reivindicaçom dum ensino em galego" que se desenvolverá a vindoira Quinta-Féira em Compostela (partirá às 12h da Alameda), coincidindo com a folga no ensino convocada por diversas organizaçons para esse dia.

MANIFESTO EN DEFENSA DA LINGUA DE GALIZA NOM SE VENDE:

GOBERNE QUEN GOBERNE, A LINGUA NON SE VENDE

Dende Galiza Non Se Vende queremos manifestar a nosa total oposición ao decreto do galego no ensino do PP, pois constitúe un atentado á lingua galega e, polo tanto, un atentado á cultura e á identidade de Galicia.

Non podemos admitir un decreto que pretende lexitimar o abandono da lingua polos poderes públicos e interromper a súa transmisión interxeracional. Non podemos consentir que se menoscabe o dereito dos galegofalantes a usar, conservar e transmitir a lingua propia como legado, e que se impida a normalización do seu uso polo resto da poboación. Non podemos tolerar que a miseria intelectual, a inconsciencia e a insensibilidade dos que se avergoñan de seren galegos sirvan como xustificación espuria dunha pretendida liberdade para destruir unha lingua que é o noso máis prezado patrimonio cultural e un valioso patrimonio da humanidade.

O decreto que nos ocupa, igual que outras disposicións legais, que non lexítimas, revela o absoluto descoñecemento da realidade do noso país, e o desprezo da nosa cultura, por parte de quen nos goberna.

A incesante presión socio-político-económica sobre a nosa terra ao longo da historia colocou a nosa lingua nunha posición de desvantaxe que pode provocar a súa desaparición, e que é preciso neutralizar con medidas de protección eficaces. Pero ningún dos gobernos que sufrimos tivo nunca unha intención clara de facer do galego a lingua vehicular do ensino, único camiño viable para a súa normalización. Non recoñecer este feito, e adoptar unha postura contraria, converte ao goberno da Xunta en promotor da desaparición da lingua galega.

Os membros dos máis de sesenta colectivos que formamos GNSV somos conscientes da nosa identidade. Sabemos que o noso medio natural é único e valioso, nin máis nin menos que calquera outro do planeta, pero é o noso, non porque o posuamos, senón porque a él pertencemos. Tamén sabemos que a lingua galega é tan só, pero nada menos que, unha das linguas do mundo; unha obra colectiva do noso pobo ao longo da historia; nin mellor ni peor que outras, pero é a nosa; o medio co que construimos o noso pensamento, e a máis valiosa aportación de Galicia ao patrimonio cultural da humanidade. Debemos estar lexítimamente orgullosos desta nosa herdanza, e non podemos consentir que sexa neciamente desprezada, nin irresponsablemente destruida.

Defendemos a Terra e, polo tanto, a biodiversidade. Polo mesmo, defendemos a diversidade cultural que permitiu ao ser humano adaptarse á biosfera e, polo tanto, defendemos a nosa cultura e a nosa lingua.

Terra, cultura e lingua van da man. Destruir a nosa terra é destruir a nosa cultura, ao facer desaparecer o seu soporte material. Destruir a nosa terra é destruir a nosa lingua, ao facer desaparecer os lugares que nomea, as actividades que describe, a memoria que ela guarda e lembra. Destruir a nosa lingua é deixar á nosa terra orfa de nomes, valeira de significado, carente de memoria cultural, desprotexida.

Temos a responsabilidade de defender o noso medio natural e, polo tanto, o noso patrimonio cultural identitario, e o noso idioma, e de preservalos para as xeracións vindeiras. Igual que non consentimos a destrución nin a privatización do noso territorio nin do noso mar, non imos consentir ningunha agresión máis á nosa lingua.

Dende GNSV, rede participativa, non xerárquica, apartidaria, aberta a toda a sociedade, consideramos que a defensa da riqueza linguística e da cultura do noso País fai necesario e inevitable o estricto incumprimento deste malfadado decreto do galego no ensino.

Por todo o devandito, mostramos o noso pleno apoio á manifestación en reinvindicación dun ensino en galego que, convocada por diversas organizacións, terá lugar o día 21 de Xaneiro, e partirá ás 12:00 h da Alameda de Compostela.

Goberne quen goberne, A LINGUA NON SE VENDE!

Home

2010-01-13T12:56:00.011Z

1ª PARTE. Onde se explica as origens da terra:

2ª PARTE. Onde se explica as origens da vida na terra:

3ª PARTE. Onde se explica as origens do ser humano e o modo de vida sustentável no que vivem ainda milhons de pesoas no mundo:

4ª PARTE. Onde se explica a era do petroleo, o abandono do rural e a insustentavilidade do sistema capitalista:

5ª PARTE. Onde se explica a irracionalidade do modelo de movilidade que potencia o capitalismo e a explotaçom industrial dos oceanos:

6ª PARTE. Onde se explica o uso irracional da auga no planeta:

7ª PARTE. Onde se explica a deflorestaçom dos bosques que favorece o cambio climático:

8ª PARTE. Onde se explica o que significa a eucaliptizaçom, o monocultivo em geral, e as enormes desigualdades sociais relacionadas co modelo de desenvolvimento capitalista:

Podes ver o documentario enteiro en castelhano clicando aquí

Marcha pola Cabeça de Maceda

2009-12-30T19:39:00.005Z

Saída: sexta feira, dia 8 de Dezembro de 2009, às 20:30 na estaçom de autocarros de Ourense.

Saída rota: 9:00 desde Pavilhom dos Desportos de Sam Martinho de Maceda.

Carácterísticas rota: distáncia aproximada 20 km, mas com o engadido da neve e de haver tramos de monte através fai-se de dureza alta.

Durmida: fara-se no pavilhom, polo que pensai em levar mantas para além dos sacos-cama. O parquet estará coberto com alcatifa, polo que algo já nos isolará do frio.

Comida: tendes que trazer ceia de sexta; almorço, jantar ligeiro e cómodo de comer (dificilmente daremos com um lugar apropriado para parar a jantar durante a rota) e ceia para sábado, e mais almorço para domingo.

Material: a zona pola que nos moveremos está nesta altura de ano ateigada de regatos que para além da neve que atoparemos em todo ou case todo o caminho nos obrigam a ir bem protegidos perante estes dous elementos. De nom ter material específico (polainas, calças impermeáveis....) sempre podedes engenhar qualquer apanho com sacas plásticas da compra e fita-cola. Do resto, o de sempre: botas axeitadas, luvas, pucho mudas...

Conselho: a neve pode impedirnos chegar com o carro até Maceda, polo que será quase imprescindível que levemos cadeias. Trataremos de ter algumhas de sobra, mas nem todas servem para qualquer carro, polo que tratade de vir com elas. Também nom abadonar a actividade por medo a esta eventualidade, pois ainda que a prensa diga que vai ser de coidado, na sexta e no sábado acho que vai ser pouca a neve que caia, ainda que sim o fará em cotas muito baixas.

Rota: o percorrido previsto parte da propria aldeia de Maceda (600m de altura) arrodeando a cara oriental da Cabeça de Maceda até achegar-mo-nos a Prada, umha aldeia abandonada na fondura dum val de origem glaciar. Deste ponto dará começo o ascenso cara a Lagoa Grande, também situada no meio dum circo glaciar de proporçons espectaculares chamado as Aguilhadas. Aqui continua o ascenso até atingir os 1500-1600 metros, lugar no que atoparemos o curro de Requeixo. Logo seguiremos umha pista até o conhecido como o Penedo dos Lobos e desde aqui baixamos de novo a Maceda, passando na entrada a esta polo souto de Rozabales, conhecido por ter um dos castinheiros de maior perímetro da Galiza, o Castinheiro de Pombarinhos.
.
.

Roteiro por Aranga. Caminhos da IV Agrupaçom.

2009-12-16T12:05:00.015Z

Aranga é um concelho situado no noroeste galego, na comarca das Marinhas, fronteiriço com a Terra Cha. Por ele decorre o curso alto do rio Mandeu.

Tem umha geografia montanhosa e um clima duro, característico dumha terra de transiçom entre a costa atlántica e a Galiza interior. A barreira natural da Serra da Loba é a mais conhecida; o topónimo nom deixa lugar a dúvidas. Existem outras alturas, como a serra do Ranho, que as coplas populares associavam -a inícios do século XX- com a dureza geográfica e as feras. A cantiga recolheu-na Leandro Carré Aldao naquela altura:

Alta serrinha do Ranho

tem muitas silvas e penas

onde o lobo fai cocho

e os bujatos berram nelas

Os cúmios superam os 700 metros na Serra da Loba, descendo até os 250 no Barranco da Loba; esse é o chanço que deixa passo das terras altas das Marinhas à vasta comarca chairega.

No passado, o território de Aranga fazia parte da província de Betanços, umha das sete em que se dividia o Reino da Galiza, disolto polos espanhóis em 1833. Em 1836 tenhem-se as primeiras notícias da constituiçom deste concelho. Compom-se das paróquias de Aranga, Feás, Cambás e Muniferral (a um lado da estrada de Madrid), Fervenças e Vila Raso (ao outro lado da mesma estrada).

A sua condiçom de transiçom geográfica marca o clima de Aranga: chove tanto como na Galiza occidental, mas apresenta umhas temperaturas meias bem mais baixas (uns 10º).

A localizaçom de Aranga fijo do lugar, na Galiza do antigo regime, um autêntico cruzamento de caminhos. Ao contrário do país de hoje, dividido polas infraestruturas espanholas entre oeste-leste (faixa urbana industrial e povoada face deserto rural), a Galiza de onte dividia-se entre norte e sul, em funçom de condiçons climáticas, geográficas, modelos produtivos e modelos de acesso à propriedade, sem que, em rigor, se pudesse falar de áreas de mais densidade urbana do que outras. Por Ponte Aranga passavam quanto menos sete caminhos reais que comunicavam o concelho com Irijoa, Cúrtis, Sobrado dos Monges, Betanços, Pontes de Garcia Rodrigues e Vilalva. A velha Ponte dos Castelhanos era o passo do Caminho Real que unia a Crunha com Lugo.

A repressom fascista

Entre outros muitos capítulos históricos, chegou aos nossos dias com muita viveza a memória da carniceria fascista. A Ponte dos Castelhanos é um lugar de sinistro recordo, pois era a fossa onde os fascistas deitavam muitos passeados, sobretodo nos anos 1936 e 1937. Aproveitando o passo da estrada de Madrid, os passeadores carrejavam muitas vítimas cara este lugar. Alguns cadáveres fôrom logo sepultados na igreja de Sam Lourenço de Vila Raso, pois a guarda civil obrigava a recolher os mortos do poço e a soterrá-los no adro -mas fora de lugar sagrado.

Apesar de ser um concelho relativamente tranquilo nos anos republicanos, com domínio de políticos silenciosos e tépedos, o seu nome logo se vencelhou à dureza dos anos da repressom. Os fascistas da Crunha e da contorna aproveitárom a zona da Costa da Sal para as suas matanças.

Resistência

As condiçons geográficas de Aranga, e as condiçons sociais e políticas do noroeste galego, fixérom desta área um foco importante da guerrilha, nomeadamente quando esta se organiza, baixo direcçom comunista, a partir dos anos 1943 e 1944. A forte presença proletária de Ferrol e Crunha, acompanhada da difícil orografia do Eume e do interior das Marinhas (Messia-Cúrtis-Aranga). Também contou a qualidade humana e militante dos combatentes destinados a estas zonas, como Marcelino Rodríguez Fernández “Marrofer”, Manuel Ponte Pedreira “Jastre”, Benigno Andrade “Foucelhas”. A comarca será a zona de actuaçom da IV Agrupaçom, a mais activa, temida e violenta de todas as forças da guerrilha galega na etapa 44-56.

Também mais adiante, as Marinhas serám a tomba de algum dos mais conhecidos dirigentes.

Marrofer cae numha cilada da guarda civil numha palheira em Milreo, Fervenças, junto com o Lisardo Freixo “Tenente Freixo” e José Doldám. Corria o mês de Junho do ano 46, e lográrom sobreviver cinco guerrilheiros. Quanto a Foucelhas, cai no ano 1952, é descoberto numha covinha no vizinho concelho de Oça dos Rios.

Data e hora do roteiro

Dia 27 de dezembro às 9:30 da manhá diante do concelho de Aranga.

Rota

dificuldade média-baixa, sobre 11 km. de caminhada. Da paróquia de Fervenças, cenário da queda de militantes da IV Agrupaçom, à fossa de Vila Raso.

Recomendaçons

Levar roupa de monte e jantar para o meio dia. Faremos umha cea de convívio num bar do lugar.

AMAL com GZ nom se vende contra o Plano acuicola

2009-12-09T16:20:00.007Z

A Rede Galiza Non Se Vende manifesta, mais umha vez, o seu mais profundo regeitamento ao Plan Acuícola Galego que nos tenta imponher a Xunta co consentimento do próprio Ministerio de Medio Ambiente, Rural e Marinho, e a calquera Plam que, coma este, nom respecte a costa virgem praias, zonas húmidas, cantís, etc.; nem os espaços naturais protegidos ou bens culturais; nem as nossas melhores paisagens, nem a franxa costeira dos 500m cando existe tecnologia dabondo para instalar-se fóra dela.

Para mais informaçom clica aquí.

SOBERANIA É DEMOCRACIA

2009-12-01T09:54:00.001Z

Recollemos o manifesto de Causa Galiza pola soberania nacional para o povo galego da vindeira manifestaçom do 6 Dezembro de 2009. O acto vai-se celebrar em Compostela e irá acompanhado dumha romaria popular na Alameda com concertos e jantar incluido. Para mais informaçom consultade o web de Causa Galiza: causagaliza.org

Nem Autonomia, nem constituiçom espanhola,

nem Estatuto de naçom:

Galiza pola Autodeterminaçom

O projecto espanhol acha-se em plena ofensiva contra os direitos nacionais da Galiza e do resto de naçons submetidas à dominaçom imposta pola Constituiçom de 1978. Hoje, trinta e um anos depois da aprovaçom do texto pactuado com o franquismo polas principais forças espanholas, a supervivência da Naçom Galega acha-se em perigo.

O Estado espanhol após três décadas tentando impor umha implacável assimilaçom da Galiza nom cessa na sua tentativa hegemónica de aniquilar-nos como Povo e como Naçom. Para poder atingir estes objectivos necessita acelerar a destruiçom dos sinais medulares da nossa identidade.

Contrariamente ao que o sistema afirma, a raquítica descentralizaçom administrativa contemplada nessa constituiçom e o posterior Estatuto de Autonomia de 1981 tenhem-se demonstrado eficaces ferramentas para aprofundar e perpetuar a nossa exploraçom económica, opressom cultural e dominaçom política.

Qualquer reforma tendente a incrementar competências ou aparentar avançar no “autogoverno” nom som mais que manobras diversionistas para desviar atençom sobre a nossa carência de soberania, e para procurar melhorar o nosso “encaixe” no seio desta cárcere de povos chamada Espanha, que nega direitos fundamentais como o de autodeterminaçom.

Para poder solucionar os enormes problemas económicos, sociais, culturais, meio-ambientais, que padece o povo trabalhador galego e a Galiza é necessário superar a opressom nacional a que nos submete o capitalismo espanhol.

Após quatro anos de governo PSOE-BNG continuista com o fraguismo, a recuperaçom de Sam Caetano polo PP activou a implementaçom de umha beligerante estratégia espanholista que se pudor pretende destruir o nosso idioma e cultura. Nesta intolerante atmósfera de agressom contra a língua nacional da Galiza promovida polos sectores mais extremistas o PSOE activa a guerra do topónimo da Corunha.

Simultaneamente a grave crise estrutural capitalista fai recair sobre a classe trabalhadora, a imensa maioria do nosso povo, as nefastas conseqüências de um modelo socio-económico que provoca um cada vez maior desigual distribuiçom da riqueza e a marginalizaçom e empobrecimento da nossa pátria.

Esta adversa conjuntura só se pode entender pola claudicaçom da direcçom do nacionalismo institucional com o projecto espanhol. Polas suas práticas entreguistas que lamentavelmente deslocárom amplos sectores populares à desmobilizaçom e aceitaçom de políticas timoratas e acomplexadas.

Perante este panorama cumpre procurar amplas convergências de todas as forças e activistas políticos e sociais que consideramos que Galiza é umha Naçom com direitos inalienáveis, que é o Povo Galego o único sujeito legítimo para decidir o seu destino, que a mobilizaçom e organizaçom popular é a melhor garantia para evitar sermos absorvidos por Espanha.

Causa Galiza apela a todas as galegas e galegos que desde parámetros patrióticos e de esquerda consideram que chegou a hora de ocupar a rua e fazer frente a ofensiva espanhola a aderir a esta iniciativa difundindo que o exercício de autodeterminaçom é a chave para umha Galiza soberana.

Hoje, quando celebram a sua constituiçom que conculca os nossos direitos básicos impossibilitando decidirmos livremente o nosso futuro, nós nom temos nada que celebrar e muito que demandar.

Galiza, 6 de Dezembro de 2009.

Entre as Portelas: galeguismo persistente nas comarcas orientais

2009-12-01T09:43:00.009Z

À margem da galeguidade étnica e idiomática das comarcas do leste, existe um amplo abano de atitudes sociais ante a possibilidade de se reencontrarem com o tronco da naçom. Fala-se muitas vezes da hostilidade asturianista contra o galego no Návia-Eu, ou dos germolos de consciência galega que resistem no oeste do Berzo. Menos se repara na pequena e significativa resistência entre as duas Portelas (a Canda e o Padornelo). Na chamada Baixa Seabra, sobrevivem condutas que olham para a Galiza inteira, e que mesmo tomam presença institucional. Aproveitamos que a Agrupaçom de Montanha "Augas Limpas" celebrou o seu acampamento de verao no concelho de Luviám para sabermos as expectativas e as sérias ameaças contra estas terras.

Luviám é a cabeça dum concelho situado na Alta Seabra, num vale onde desemboca a Serra Segundeira, e por onde decorrem os rios Bibei e Tuela. O concelho agrupa os lugares de Acibeiros, Chaos, Hedradas, Hedroso e Padornelo. Assenta num vale de origem glaciar, de orografia quebrada, dumha importáncia inigualável em todo o território galego. O concelho -como em geral toda a Seabra- passou mui discretamente pola história do nosso país, e as mençons a Luviám ainda som mais escassas nas fontes. No conhecido Dicionário de Madoz (1850) fala-se dumha pequena comarca que produz centeio, linho, patacas, hortaliças e frutas, dedicando-se à cria de vacum; na altura Luviám nom chegava aos 300 habitantes, polo que se mantinha em níveis semelhantes aos de hoje. A diferença, que nom é insignificante, acha-se na dedicaçom dos seus habitantes: em pleno século XXI, o progresso sentenciou que nestes lugares de montanha nom se devia viver da agricultura, de maneira que hoje apenas sobrevive umha exploraçom ovina, outra apícola, e dez vacas em todo o concelho.

Umha história silenciosa

Os séculos passárom lentamente em Luviám, deixando um legado modesto e importante. O castro do Castrilhom e o das Muradelhas; no primeiro, a arqueologia de primeiros do século XX já topou restos de jóias, olaria e umha moeda romana, e a lenda popular situava mouros custodiando alfaias; no segundo, datado entre os séculos IV e V a. de Cristo (e portanto muito antes do submetimento da Gallaecia nas "guerras cántabras"), ainda se distingue a dupla muralha, os fossos, e os campos de pedras fitas. Dos enfrentamentos da vizinhança com as manadas de predadores ficou um imenso "Cortelho dos Lobos", situado mui perto do centro do concelho. No seu recinto circular, cavado na aba do monte, encerravam-se os lobos, que nom davam saltado os mais de três metros de valo; lá eram capturadosvivos, e logo passeados polas vilas da contorna, num ritual de vários dias. A vizinhança colaborava assim economicamente para manter esta pequena infra-estrutura colectiva, que se entendia benéfica para todos.

A história de Luviám tem ressonáncias mais familiares se entrarmos nos tempos recentes: como porta de saída da Galiza para Espanha, as Portelas acolhiam a Igreja da Tuíça, lugar de passagem obrigada para os segadores que marchavam às Castelas; oferecidos à virgem de ida, diz a tradiçom que deixavam os seus focinhos de volta, agradecendo o bem sucedido da sua viagem. E ainda mais recentemente, a dificultosa construçom do caminho de ferro Ourense-Samora alentou um importante movimento obreiro e acendeu algumha das greves mais importantes da etapa republicana. Apenas o franquismo, que rematou a obra aproveitando mao-de-obra escrava, composta por presos políticos, puido sufocar umha mudança social que chegou a umha das comarcas mais recónditas do país. A propósito, esta linha ferroviária desvalorizar-se-á asinha; quase nem concorrerá com a ditadura do carro particular, senom que se enfrentará ao comboio do turismo massivo e os executivos, o AVE. Do velho comboio ficarám velhos apeadeiros esboroados (ainda a dia de hoje nom tenhem luz), o recordo das luitas, e dos muitos carrilanos que finárom de silicose trás anos de trabalho nos túneis.

Galeguidade inquestionável

Já na década de 50, e em plena universidade franquista, o professor Cortés y Vázquez publicou a obra "El dialecto galaico portugués hablado en Lubián", onde afirma: "quigéramos, desde as primeiras linhas, advertir dous feitos decisivos que provam que nem geográfica nem historicamente existe relaçom entre esta regiom e o resto das terras samoranas. Seja o primeiro a presença lá do rio Bibei, o único que em toda a província nom pertence à bacia do Douro, senom à do Minho, já que se trata dum afluente do Sil (...) Quanto ao aspecto histórico e humano, assinalemos que a partir do Padornelo e cara ao oeste começa (...) a se falar umha outra língua: o galego, constituindo a dupla barreira imposta polos montes, dumha banda, e pola fala, doutra, um feito isolante desta zona do resto de Seabra”.

Como é sabido, o mapa assumido polo arredismo galego vai mui além destas consideraçons e, sem contemplar o idioma como único definidor da nacionalidade, integra na Galiza toda a comarca seabresa e berciana, junto com a Cabreira, independentemente de serem historicamente falantes de leonês ou de castelhano. O debate já foi recolhido nas páginas de NOVAS DA GALIZA mas, seja como for, todo o erudito minimamente rigoroso reconhece a galeguidade das partes ocidentais de ditas bisbarras. O mesmo Cortés y Vázquez, no seu livro dos anos 50, recolhe um orgulho lingüístico infrequente, e que poucas vezes se tem analisado: "ao invés da zona leonesa da Seabra, em que o dialecto se perde a passos agigantados, por terem os seus habitantes um marcado complexo de inferioridade idiomática ao crerem que falam mal castelhano e ouvi-lo assim de boca de mestres e funcionários, nom ocorre o mesmo na zona samorana de fala galaicoportuguesa, pois os seus habitadores sabem que nom falam mal, senom que falam outra língua".

Esta consciência idiomática, que sobrevive e avantaja a existente em muitas comarcas da Galiza autonómica, tem merecido a atençom do movimento galego em tempos recentes. Tanto é assim que a RAG tem como académico nom numerário a Felipe Lubián Lubián, Presidente da Cámara Municipal; e também a associaçom Redes Escarlata outorgava a este mandatário o "prémio Vidal Bolaño" em reconhecimento ao seu labor dignificador do próprio. As festas patronais do concelho acolhêrom grupos como A Quenlla ou Quempallou, e vários locais municipais fôrom utilizados pola Agrupaçom de Montanha "Augas Limpas" no passado Setembro.

O progresso a debate

Eis um dos paradoxos da Galiza oriental: nas jornadas celebradas pola organizaçom independentista, partilhárom debate na casa da cultura umha activista do Grupo de Agitaçom Social de Vigo, um concelheiro do Partido Popular, e o mesmo alcalde, expondo posiçons absolutamente encontradas com toda normalidade. A cena, que seria inimaginável em qualquer concelho da autonomia, abriu umha pequena ilha de democracia no lugar mais inesperado. O colóquio também pujo de manifesto que, perante a falta absoluta de qualquer alternativa socioeconómica produtiva, a vizinhança aplaude qualquer medida do desarrolhismo que se traduza em dinheiro vivo: autovia, parques eólicos, ou TAV som acolhidos com os braços abertos e os seus custos, assumidos como "parte do progresso". Isto é assim graças à seduçom da propaganda, mesmo apesar da achega zero das grandes infra-estruturas: a autovia forçou a fechar negócios do concelho, e o AVE passará polas Portelas sem se deter nem um segundo.

Por palavras simples, melhor ricos e desnaturalizados que pobres e dignos. Os valores tradicionais, como a austeridade, a poupança ou a lealdade à casa já fôrom totalmente banidos polo desejo de promoçom social nas cidades, um nível de consumo alto, e a mobilidade permanente considerada como direito básico. Esta escolha, por outro lado, tampouco é demasiado distinta à que faz qualquer galego de qualquer comarca. Com a única diferença de que em outras zonas, menos avelhentadas, mais diversificadas economicamente, e com mais recursos materiais e culturais, podem ser ensaiadas alternativas mais sensatas. A montanha, desatendida por todas as instituiçons e riscada de "território do atraso", pode pregar-se sem oposiçom aos grandes negócios dos de sempre.

Antom Santos

SOBERANIA É DEMOCRACIA

2009-11-24T09:37:00.003Z

Nem Autonomia, nem constituiçom espanhola,

nem Estatuto de naçom:

Galiza pola Autodeterminaçom

Galiza, 6 de Dezembro de 2009.

Falo como irmá aos povos cheios de esperança

2009-11-24T08:31:00.002Z

Falo como a irmã para os povos cheios de esperança

Falo como a irmã para os povos cheios de sereias,
falo envolta nos lenços entre os que dormes,
falo por dentro das consciências e dos dias,
falo para cada uma das almas que caminha comigo a novo passo.

Falo como irmã para os povos cheios de sereias,
colgando da minha pele chegam barcos todos os dias.
Desde o norte frio do fim do mundo
conto histórias que um dia outros sonharam.

Nas cantigas velhas da memoria escrevo,
escrevo na onda do mar que buscou meu amigo,
escrevo na onda do mar que busca o samba.

Partilhando com a lua
pensamentos que penduram dos cabelos
caminho sobre uma e outra pedra
e no meio mesmo da pedra
encontro um caminho cheio de esperança.

Não sou de longe nem de perto,
nem do sol ou da lua nova.

Levo colados à pele muitos anacos duma memória escindida
A memória que fugiu nos barcos e nas expedições,
a memória de milhões e milhões de escravas,
a memória dos povos que éramos antes da invasão dos tempos.

Caminham ao meu rente muitos homens,
também caminham mulheres e cavalos.
Se as nossas palavras são as mesmas,
se os nossos sofrimentos também são os mesmos.
Se é que temos a mesma dor nas feridas,
se é que eu sou a irmã da lua,
se é que eu falo como uma irmã.

Abaixo os puristas,
todas as pessoas com o seu alento para criar, todas,
todo o feio, suxo e infértil, todo,
os erros, as incorreções, todas,
as nações sem protocolo nem carta de felicitações ao senhor diretor, todas.
Abaixo os puristas, não quero saber da vida que não é libertação

E que venham através de mim muitas vozes,
vozes longo tempo silenciadas,
vozes de inumeráveis nações escravas,
porque quero ser a vossa voz,
a calor do vosso rosto,
a lua nova da madrugada.

Junto à estrela da manha
debuxarei de novo a vida
para cantar com todas as vozes que habitam nos nossos olhos,
para cantar também aos que estão por vir
para humilhar uma a uma todas as gerações,
para que venham outras nascidas de areia,
para seguir vivendo o tempo eterno da palavra.

Falo como a irmã para os povos cheios de sereias,
falo envolta nos lenços entre os que dormes,
falo por dentro das consciências e dos dias,
falo para cada uma das almas que caminha comigo com novo passo.

Na fronte levo milhões de estrelas,
nas mãos uma canção eterna,
Caminho rompendo as cadeias
impostas à liberdade da minha mente,
e começo tudo com um sim,
porque neste tempo de emergência e calamidade pública
falta ainda a resposta.

Oh Wall Street lameiro luminoso,
deixa sair já a voz da civilização enterrada no ouro preto,
deixa aboiar a longa noite que nos fixo renascer com a lua,
deixa que soprem os berros do presente ao passado num futuro incerto,
deixa nascer as flores sobre as estrelas novas
penduradas deste infinito céu.

Falo como a irmã para os povos cheios de sereias,
falo envolta nos lenços entre os que dormes,
falo por dentro das consciências e dos dias,
falo para cada uma das almas que caminha comigo com novo passo.

Iolanda Gómis Parada

SOBERANIA É DEMOCRACIA

2009-11-24T07:44:00.006Z

Nem Autonomia, nem constituiçom espanhola,

nem Estatuto de naçom:

Galiza pola Autodeterminaçom

Galiza, 6 de Dezembro de 2009.

Roteiro polo Courel

2009-11-11T15:16:00.017Z

Cara a devesa da Cerva (ou de Montouto)

SÁBADO 21 DE NOVEMBRO:

Rota circular de aproximadamente 16 km desde a aldeia do Soldom, O Mazo, a Devesa da Cerva o linde administrativo com Leom, (questionado e em demanda de revisom pelos vizinhos), as canteiras e volta com diferentes alternativas. Teremos soutos, rios, flora de ribeira, ruínas do património etnográfico (velho mazo), solares castrejos, devesa, monte (Montouto 1542m).

Para chegar a aldeia do Soldom indo desde Lugo ou Monforte há que ir a Quiroga, atravesar a vila e a saida, ja fora do nucleo urbano, e direccom a Valdeorras, colher à esquerda direcçom a Fisteus e Outeiro, aldeia anterior O Soldóm. A considerar que a 3 kilometros e pico de Quiroga hai que collhr un cruze a deieita (atençom aos sinais).

DOMINGO 22 DE NOVEMBRO:

O domingo 22 será para achegar-nos à fervença de Vieiros e as aldeias da Seara, Ferramulín e Hórreos. Subiremos até Hórreos, aldeia que volta a estar habitada depois de muitos anos de abandono, cruzando um Souto que vai desde a aldeia de Ferramulín.

O sabado a volta do roteiro estamos combidados a um magosto polo vecinho da aldeia de Horreos.

INDICAÇONS:

A saida: Às 9:30 desde a aldeia do Soldom.

Dificuldade: Meia-alta.

Quen vaia sexta feira (venres): Durme-se na aldeia de Vieiros ( a 6 Kms aproximadamente depois do Soldom, umha vez passada a Seara). Ali haverá que perguntar polo Quico, quem estará à noitinha. A saída do sábado permanecerá igual: às 9:30 desde a aldeia do Soldom.

A TER EM CONTA:

-Na aldeia non há cobertura de telefonia movil.

-Levar roupa e calzado axeitado para o frio e a auga/neve, por si acaso. Tambem o necesario para durmir ( tenda, saco, colchoneta-esterilha) quente, sem pasar frio, que fara.

-Levar a comida que consideredes necesaria para os dous dias.

-A saida a patear sera as 9:30 horas. Ser puntuais que ao serán faise noite axinha e non nos sobrara o tempo. Ter en conta, quem nom vaia durmir Sexta -Féira, que dende Quiroga leva chegar arriba meia hora, dende Monforte mais dunha hora, dende Vigo arriba de duas horas e meia...
Telefone de contacto: 652 551 391

Ferreira do Maço

Fervença de Vieiros

O Soldón nevado
o

Mapa da zona

CONHECE A TERRA E DEFENDE-A DA DESFEITA!

2009-11-04T22:12:00.003Z

Canteiras, parques eólicos, AVE, autovias, eucaliptizaçom, cementeiras... aproximam-nos mais à desfeita definitiva e roubam o nosso território por um monte de euros.

Une-te a nós para gozar desta Terra e para assinalar os responsáveis da desfeita.

Estas som as marchas da AMAL para Outono, Inverno e Primavera:

-Novembro: marcha pola serra do Courel, ameaçada polas canteiras.

-Dezembro: Visita aos montes de Coirós, pola rota da guerrilha antifascista.

-Janeiro: Cabeça de Maceda.

-Março: Marcha pola Galiza oriental: Os Oscos.

-Abril: serra do Jurês, a raia seca entre Galiza e Portugal.

Podes inscrever-te no nosso correio electrónico.

Roteiro por Mondonhedo

2009-10-25T17:14:00.001Z

Olá a tod@s,

Lembrar-vos que o 24 de Outubro é o roteiro de Mondonhedo. Para facilitar as cousas às pessoas que venham de longe, disponibilizamos um albergue (3 ourinhos noite) para o dia anterior. Apenas há que confirmar datas. Mais singelo impossível!!!

Contacto: 630 350 045

Informaçom sobre o roteiro de Mondonhedo do 24 de Outubro de 2009

Duración: 7h 30 min aprox. entre 15-20 km

O roteiro começa na área recreativa da Fervença, no vrao fai funçom de piscina fluvial, (situada a 3km do centro) mui de moda ultimamente pola próxima contruiçom dumhas mini-centrais. Subimos por um caminho que recorre à beira do rio Tronceda no que ascenderemos a ladeira dum monte (um par de costas pronunciadas) ate chegar à parróquia de Tronceda, próxima ao limite con Abadim.

Dende ali poderemonos achegar até um dos pontos mais altos do concelho, A Toxiza, ubicada na zona que e conhecida como a Fraga Velha (LIC da serra do Gistral) lugar onde estivo fuxido o mítico guerrilheiro antifranquista Luis Trigo Chao " O Gardarrios". Próxima a esta zona havia um cruzeiro em honra ao jefe da Falanxe, asasinado por unha partida de anti-franquistas.

No transcurso deste tramo onde poderemos observar os enormes destroços cometidos e os que ainda estam por se cometer no nome do PROGRESO.

Na Toxiza, subiremos um pouco mais até alcançar a Pena da Roca (o segundo ponto mais alto do concelho),umha vez alí desceremos até a parróquia de Sam vicente,onde foron axusticiados alguns disidentes do regime (a esta altura teriamos que atravesar a n-634).

Dende Sam Vicente até a zona do Valinhadares (recebe ese nome polo rio que banha esas ladeiras) o percurso discorre polo antigo caminho norte e por umhas pistas,despois de atravessar unha antiga louseira chegaremos ata o salto do coro, umha pequena cascada num entorno fermoso.

Por último,acabaremos o roteiro colhendo umha pequena parte da rota da auga, atravessaremos umha pequena ladeira dum monte, até finalizar numha fonte que há o lado da praça da catedral.

Saúde e Terra

Falo como irmão aos povos cheios de esperança

2009-10-21T22:22:00.005+01:00

Roteiro por Mondonhedo

2009-10-08T20:01:00.005+01:00

Saúde e Terra

Acampamento de montanha 2009: Defesa da Terra, formaçom, festa e militância

2009-09-18T07:44:00.002+01:00

Preme no cartaz para o ver de perto

Os dias 18, 19 e 20 de setembro som as datas para o acampamento de montanha 2009.

Este é a segunda ediçom do Acampamento de Montanha. Neste 2009 organizamos três jornadas de conhecimento directo da serra, longe dos barulhos habituais, e numha comarca que nom se salvou das cuiteladas das grandes infraestruturas, a Seabra.

Desta vez deslocamo-nos ao sul-leste do território galego, a Luviám, tristemente de actualidade por ser um dos tramos desse AVE tam destrutivo com a nossa terra. Umha infraestrutura que consome milheiros de euros e arrasa com o meio natural, vilas e aldeias.

A construçom do AVE destrozará os montes e bosques de Luviam para fazer umha obra nom necesaria para @s galeg@s; um meio de transporte elitista que contribuirá como muitas outras á desfeita do nosso pais em beneficio duns poucos.

Na linha que vimos defendendo de AMAL, tencionamos que os encontros sirvam para conhecer directamente a Terra e livrar-nos de tanta ignoráncia que ainda arrastamos sobre ela; para saber das agressons que padece, e das melhores maneiras de combater os expoliadores que estám a ameaçar a Galiza; para debater e formar-nos; e demostrar que formas de vida anti-consumistas som possíveis. Por suposto, também apostamos pola diversom, mas procurando fugir do lazer encadeado ao dinheiro, à incomunicaçom e às drogodependências.

Como chegar?

Disponibilizamos os horarios de comboio desde Ourense para se achegar a Luviam e voltar o domingo:

Ourense-Luviam----------------- Quinta-Féira 17 de Setembro às 17:25
Ourense-Luviam ---------------- Sexta-Féira 18 de Setembro às 20:10
Luviam-Ourense----------------- Domingo 20 de Setembro às 18:10

Desde AMAL recomendamos que vaiades em transporte público, a pé ou em bicicleta. De precisar vir em transporte privado, compartilhádeo com outras pessoas que tenham pensado ir.

Programaçom do Acampamento 2009:

Resumo 6ª feira

10:00 Recibimento

11:00 Saída rota do Castro das Muradellas. Dificuldade baixa

16:00 Trabalhos na zona de campismo

20:00 Palestra: História e língua da comarca e da Galiza irredenta em geral. Com Mário Pereiro e Xavier Xil.

22:00 Ceia

22:30 Jogos

Resumo sábado

8:00 Alvorada

8:30 Almorço

9:30 Roteiro + formaçom em reconhecemento de plantas

19:00 Palestra: Soverania alimentar. Lidia Senra (Sindicato Labrego Galego)

21:00 Ceia

22:00 Foliada com gaiteir@s, pandereteir@s, tamborileir@s, acordeonistas ... e algumha sorpresa.

Resumo domingo

8:00 Alvorada

8:30 Almorço

9:30 Gincana

14:00 Jantar + recolhida

16:00 Palestra: As consecuências do AVE. Marta (autora do vídeo "O AVE: de Barcelona a Galiza")

17:30 Finalizaçom da actividade

18:10 Trem de volta

Como anotarse?

A dia de hoje podes anotar-te enviandonos um correio a aguaslimpas@gmail.com ou chamando ao 988 280 400 (de 9h a 14h). Faino quanto antes porque precisamos ja a listagem de asistentes para preparar as actividades, comida, etc. O preço das jornadas som 20 Euros para afrontarmos gastos de comida e alojamento.

Que precisas?

Por suposto, tenda de campanha e roupa de monte (apenas botas, prendas resistentes e mudas, deixa-te de marcas e consumo de logos comerciais). Umha linterna, se podes uns prismáticos, navalha... . Nom te preocupes da comida, que disso já se encarrega a organizaçom. Ainda que che pareça mentira, nom precisas praticamente dinheiro, porque na montanha consume-se pouco. Umhas poucas moedinhas por se precisas fazer umha chamada de urgência dum telefone público (no monte tampouco se precisa móbil).

Isso si: som obrigatórias as ganas de andar, de conhecer a nossa Terra e energias para contribuir a esta comunidade de resistência polo nosso país.

Podedes consultar na nossa própria página (no lateral arriba) as entradas do "acampamento de montanha" do ano pasado.

Imagens do concelho de Luviam:

Imagem da aldeia de Luviam

Luis Caruncho, gaiteiro e zanfonista que participou na foliada do acampamento do ano passado, fixo este video-clip de música tradicional com o seu grupo Os Carunchos onde podemos ver o mapa comarcal coa toponímia do pais e ao propio Luis tocando e dançando na Seabra; Comarca onde se fai o acampamento este ano. A letra cantada é original de Manuel Maria do poema Galicia do seu libro Os soños na gaiola de 1968: