![](https://blogger.googleusercontent.com/img/b/R29vZ2xl/AVvXsEgy0p1ZfykkdPoCnYELZt2WHeuoul-eM9fI4NRVf-Xbhz5OeEA_OwrqYg2srpqlJK-Wj2QkDhRQVfNVXHg94FcTNtU6xLSpwUxYhRJYm8ABKJqOWPAXIlmL2UmePCbeUp3zLJ-F/s400/salto+do+c0r0.jpg)
![](https://blogger.googleusercontent.com/img/b/R29vZ2xl/AVvXsEhCi-3SeFvXYzmODEYu8itJS2ytJgOr9-F9D4Rdy0mCG0D2tvlVnY5dZSyAXmhW36mTqqmGDv1ByN1Mbv21NgbwdWXQITQfEjFMLhSqHebfvTYIn6vF6SF59Aw9lihe1Wf78aae/s400/fervenza.jpg)
![](https://blogger.googleusercontent.com/img/b/R29vZ2xl/AVvXsEiJToSPgYEB5kIM95r2tDVYmpJuD7iwsA8TKtaT5YZeiJMrpncx-ZmE-_evejxKO2ZKnKOm6eNy2jgPGKvcbE5IQuTPAXRVBdksKrcAg03sPzfcJxz4Kfykg7szccHDe1sOoQdh/s400/MONDONHEDO.jpg)
Olá a tod@s,
Lembrar-vos que o 24 de Outubro é o roteiro de Mondonhedo. Para facilitar as cousas às pessoas que venham de longe, disponibilizamos um albergue (3 ourinhos noite) para o dia anterior. Apenas há que confirmar datas. Mais singelo impossível!!!
Contacto: 630 350 045
Informaçom sobre o roteiro de Mondonhedo do 24 de Outubro de 2009
Duración: 7h 30 min aprox. entre 15-
O roteiro começa na área recreativa da Fervença, no vrao fai funçom de piscina fluvial, (situada a 3km do centro) mui de moda ultimamente pola próxima contruiçom dumhas mini-centrais. Subimos por um caminho que recorre à beira do rio Tronceda no que ascenderemos a ladeira dum monte (um par de costas pronunciadas) ate chegar à parróquia de Tronceda, próxima ao limite con Abadim.
Dende ali poderemonos achegar até um dos pontos mais altos do concelho, A Toxiza, ubicada na zona que e conhecida como a Fraga Velha (LIC da serra do Gistral) lugar onde estivo fuxido o mítico guerrilheiro antifranquista Luis Trigo Chao " O Gardarrios". Próxima a esta zona havia um cruzeiro em honra ao jefe da Falanxe, asasinado por unha partida de anti-franquistas.
No transcurso deste tramo onde poderemos observar os enormes destroços cometidos e os que ainda estam por se cometer no nome do PROGRESO.
Na Toxiza, subiremos um pouco mais até alcançar a Pena da Roca (o segundo ponto mais alto do concelho),umha vez alí desceremos até a parróquia de Sam vicente,onde foron axusticiados alguns disidentes do regime (a esta altura teriamos que atravesar a n-634).
Dende Sam Vicente até a zona do Valinhadares (recebe ese nome polo rio que banha esas ladeiras) o percurso discorre polo antigo caminho norte e por umhas pistas,despois de atravessar unha antiga louseira chegaremos ata o salto do coro, umha pequena cascada num entorno fermoso.
Por último,acabaremos o roteiro colhendo umha pequena parte da rota da auga, atravessaremos umha pequena ladeira dum monte, até finalizar numha fonte que há o lado da praça da catedral.
Saúde e Terra