A agrupaçom de montanha Águas Limpas organiza o III Acampamento de montanha em Forcarei

Preme no cartaz para o ver de perto

A agrupaçom de montanha Águas Limpas organiza o III Acampamento de montanha em Forcarei, o 17, 18 e 19 de setembro.

Conhecimento e defesa da Terra, formaçom ecologista, soberania alimentar, anti-capitalismo e anti-consumo, lazer e natureza

Este é a terceira ediçom do Acampamento de Montanha. Neste 2010 organizamos três jornadas de acampamento. Na linha que vimos defendendo desde AMAL, tencionamos que os encontros sirvam para conhecer directamente a Terra e livrar-nos de tanta ignorância que ainda arrastamos sobre ela; para saber das agressons que padece, e das melhores maneiras de combater os expoliadores que estám a ameaçar a Galiza; para debater e formar-nos; e demonstrar que formas de vida anti-consumistas som possíveis. Por suposto, também apostamos pola diversom, mas procurando fugir do lazer encadeado ao dinheiro, à incomunicaçom e às drogodependências.

Programaçom do Acampamento 2010

Resumo 6ª feira
11:00h Pequeno roteiro por Forcarei. Dificuldade baixa (3 horas)
14:30h Comida
16:00h Trabalhos na zona de campismo: Preparaçom do acampamento
20:00h Palestra sobre soberania alimentar com Henrique Banet (da fundación Galicia verde) e Olaia Barro (trabalhadora do Sindicato Labrego Galego)
22:00h Ceia e Jogos nocturnos

Resuma sábado
8:00h Alvorada
8:30h Almorço
9:30h Roteiro pola Serra do Candam
19:00h Apresentaçom da Fundaçom Galicia Verde
21:00h Ceia
22:00h Astronomia e foliada (traz o teu instrumento)

Resumo domingo
8:00h Alvorada
8:30h Almorço
9:30h Obradoiros de supervivência
12:00h Palestra sobre a questom forestal na Galiza com Pedro Alonso
14:00h Comida
15:30h Trabalhos na zona de campismo: Recolhida do acampamento

Como anotarse?

A dia de hoje podes anotar-te enviandonos um correio a aguaslimpas@gmail.com ou chamando ao 981 318 829. Faino quanto antes porque precisamos a listagem de asistentes para preparar as comidas. O preço das jornadas som 20 Euros para afrontarmos gastos de comida e alojamento.

Também podes anotar-te nos centros sociais dos que publicaremos a listagem no nosso web. De momento atoparás esta listagem para te anotar no CS O Pichel de Compostela, na CS Revolta de Vigo, CS Sem um Cam de Ourense e no CS Madialeva de Lugo.

Comida

A comida corre a cargo da organizaçom salvo o jantar do roteiro da Sexta-féira.

Como chegar?

Nos vindeiros dias recolheremos no nosso web os horários do transporte público para se achegar até a Estrada onde iremos recolher à gente.

Desde AMAL recomendamos que vaiades em transporte público, a pé ou em bicicleta. De precisar vir em transporte privado, compartilhade-o com outras pessoas que tenham pensado ir.

Que precisas?

Por suposto, tenda de campanha, saco de durmir e roupa de monte (apenas botas, prendas resistentes e mudas, deixa-te de marcas e consumo de logos comerciais). Nom te preocupes da comida, que disso já se encarrega a organizaçom. Ainda que che pareça mentira, nom precisas praticamente dinheiro, porque no monte consume-se pouco. Umhas poucas moedinhas por se precisas fazer umha chamada de urgência desde um telefone público (no monte tampouco se precisa móbil).

Isso sim: som obrigatórias as ganas de andar, de conhecer a nossa Terra e energias para contribuir a esta comunidade de resistência polo nosso país.

Podedes consultar na nossa própria página (no lateral arriba) as entradas do "acampamento de montanha" do ano passado.