28 de junho de 2008

Crónica do roteiro pola Serra da Capelada


O último roteiro foi dos mais nortenhos que tem realizado a Agrupaçom de montanha e o único em que figemos o percurso pola beira do mar.

A saida figemo-la do mosteiro de Santo André de Teijido, cheio como sempre de turistas espanhois e devotos que andam à procura dum pouco de paz longe do ruido e das aglomeraçons do entorno urbano e o que conseguem cos seus carros, autocarros, berros e multitude é fazer de Santo André mais um espaço colonizado.

Saindo de Santo André caminhamos polo cordal em que pudemos gozar dumhas impressionantes vistas dos cantis que caem até a beira do mar. A Serra da Capelada estende-se em direcçom Sudoeste (nordeste da vila de Cedeira até o cabo Ortegal). Foi este o percurso que figemos. Chega a alturas em montes mui perto da beira do mar como o Monte Miranda (545 metros), sobre a paróquia da Pedra, os montes de Landoi e os penedos de Santo Adriam (com quase 600 metros) na paróquia de Veiga.

O percurso figemo-lo de vagar e parando-nos muito nas vistas que na segunda etapa, já de tarde, o nevoeiro cobriu os baixos da Serra, o que fijo ainda mais impressionante a paisagem.

Com umha altura máxima de 620 metros na caserna de vigilância de ponta Herbeira e paredes verticais de mais de 500 metros, som estes os cantis mais elevados da Europa ocidental. Por diante dos conhecidos cantis de Moher, face às Ilhas de Aran (na república da Irlanda) que levam a fama mas que som superados em altura polos desta impressionante Serra galega.

Ao avançar da tarde, chegamos a um ponto onde era já seguro que se nom dávamos volta teríamos que fazer boa parte do percurso de volta de noite. Logo dum debate entre os 14 montanheiros que formávamos o grupo, quatro montanheiros decidiram avançar sem mochilas para valorar a possibilidade de rematar o roteiro. Logo de 20 minutos caminhando, este grupo conseguiu chegar até um ponto onde podiam ver o remate da serra no Cabo Ortegal. Logo dumha pequena conversa decidiram tirar a sorte quem desses quatro montanheiros seriam os que voltariam com o resto até Santo André e cales seguiriam até o cabo Ortegal.

Os dous afortunados que sairom elegidos para continuarem até o Cabo Ortegal puderam gozar dumhas das vistas mais impressionantes do roteiro: Os Agilhons, três pequenas ilhas de pedra piramidais chantadas face ao faro que segundo a lenda, som os cascos de três cavaleiros da idade media que afundiram neste ponto. As referências aos Agilhons datam já dos gregos como ponto estratégico para a navegaçom. Este Cabo é considerado geograficamente como a separaçom entre o Océano Atlántico e o Mar Cantábrico.

Pudemos também divisar da altura as estibacións finais da Serra da Faladoira, esta serra já conhecida pola agrupaçom porque figemos o último roteiro da “Marcha pola Dorsal Galega” por ela, era visível o seu trajecto cara Estaca de Bares. Da Serra da Faladoira partem cara ao oeste outras ramificaçons como os Montes de Rande e do Feo (510 metros), até Ladrido e Espasante. Cara ao norte atopamos os montes de Devesos e Sam Paio, próximos a Ortigueira. Nesta zona passam a chamar-se Montes do Cancelo, Montes do Ermo e Pico de Taboada (540 metros), polo oeste cara Mera.

Ao rematarmos figemos um jantar de confraternizaçom na vila de Cedeira logo de ir buscar aos únicos dous montanheiros que chegaram até o Cabo Ortegal. Ali pugemos umhas faixas para lembrar que a eucaliptizaçom do pais, os parques eólicos e as canteiras a céu aberto estam a destruir a Serra da Capelada, a Serra da Faladoira e a nossa terra.

A noite pasamo-la no refugio que AMAL tem em Ferrolterra e ao dia seguinte, domingo de manhá, preparamos o refugio para o fazer habitável para próximas actividades da Agrupaçom.































10 de junho de 2008

MARCHA ANTI-AVE


o sábado 21 de Junho a Agrupaçom de montanha "Áugas Limpas" organiza um percurso em bici lúdico-reivindicativo que tem como objectivo conhecer a comarca de Ourense e denunciar as agressons que suponhem as obras para o passo do AVE.

DIA: SÁBADO 21 DE JUNHO

SAÍDA: ÀS 9 DA MANHÁ DO PAVILHOM DOS REMÉDIOS

PERCORRIDO: OURENSE-AMOEIRO-OURENSE
REALIZARÁ-SE EM BICI

PARA MAIS INFORMAÇOM CONTACTAR EM aguaslimpas@gmail.com

MARCHA ANTI-AVE


o sábado 21 de Junho o "Comando Ourense" da Agrupaçom de montanha "Áugas Limpas" organiza um percurso em bici lúdico-reivindicativo que tem como objectivo colhecer a comarca de Ourense e conhecer as agressons que supunhem as obras de construiçons do AVE. Meio de transporte eletista que nom é necesario.

DIA: SÁBADO 21 DE JUNHO

SAÍDA: ÀS 9 DA MANHÁ DO PAVILHOM DOS REMÉDIOS

PERCORRIDO: OURENSE-AMOEIRO-OURENSE
REALIZARÁ-SE EM BICI

PARA MAIS INFORMAÇOM CONTACTAR EM aguaslimpas@gmail.com

MARCHA ANTI-AVE


o sábado 21 de Junho o "Comando Ourense" da Agrupaçom de montanha "Áugas Limpas" organiza um percurso em bici lúdico-reivindicativo.

DIA: SÁBADO 21 DE JUNHO

SAÍDA: ÀS 9 DA MANHÁ DO PAVILHOM DOS REMÉDIOS

PERCORRIDO: OURENSE-AMOEIRO-OURENSE
REALIZARÁ-SE EM BICI

PARA MAIS INFORMAÇOM CONTACTAR EM aguaslimpas@gmail.com

4 de junho de 2008

Tod@s a Ferrol o 8 de xunho

A PLANTA DE GAS NOM É NECESARIA


Manifesto de AMAL para a manifestaçom contra a Planta de Gas de Mugardos:

NOM À PLANTA DE GÁS, NEM DENTRO NEM FORA DA RIA

A planta de gás é consequência da submissom de Ferrolterra e da Galiza aos interesses de umha empresa privada e do governo espanhol.

* A necessidade da planta de Gás só se explica polo crescimento das cifras macroeconômicas que leva implícito o capitalismo e os interesses de crescimento do governo espanhol. Nom é indispensável nem para a Galiza nem para a comarca de Ferrolterra.

* O tratamento da Galiza como umha colónia reflicte-se no facto de produzirmos muita mais energia da que precisamos. Destrozam a nossa terra e jogam coa nossa saúde e segurança para se lucrarem.

* O desarrolhismo como ideologia imperante nom nos permite valorar objectivamente a necessidade de umha planta de gás. No entanto, umha análise do modelo político actual e a sua gestom territorial e meio-ambiental poderá indicar alternativas possíveis ao dessarrolhismo insustentável em que vivemos.

* Os governantes, submetidos aos agentes econômicos (neste caso, o Grupo Tojeiro e Reganosa), nom podem assegurar o implantaçom de um modelo alternativo à ideologia do crescimento capitalista.

* O ecologismo é contrario à economia de mercado própria do capitalismo. A sustentabilidade que requer a humanidade nom é possível dentro desse sistema econômico.

Convidamos-te a que reflexiones na deconstruçom da teoria do crescimento que defende Reganosa, as empresas privadas e os governantes que acreditam no sistema capitalista. Pensa na sustentabilidade da nossa sociedade. Renega da ideologia do crescimento e do desarrolhismo. Por um uso racional da energia.

GALIZA NOM É UMHA COLÓNIA SUBMETIDA AOS INTERESSES DO CRESCIMENTO EMPRESARIAL E ESPANHOL

POR UMHA SOCIEDADE SUSTENTÁVEL: NOM À PLANTA DE GÁS.

AVANTE A RESISTÊNCIA CONTRA ESPANHA E O CAPITAL

Tod@s a Ferrol o 8 de xunho


A PLANTA DE GAS NOM É NECESARIA

X Acampamento de Verao

Como todos os últimos fins de semana do verao, reunimo-nos num par de jornadas de convívio, caminhadas, lezer e conversa, que servirá...