36ª MARCHA DA AMAL: ANCARES

Pico Cuinha; Ancares
 

Os próximos dias 1 e 2 de Junho da AMAL trilharemos os caminhos da Serra dos Ancares, no ascenso ao Cuinha o dia 1 e umha ruta de menor dureça por determinar para o Domingo dia 2.

Cumpre anotar-se antes da próxima quarta feira dia 29 por questons organizativas, já que faremos noite de albergue e procuraremos aforrar o máximo possível no número de carros para o despraçamento. Telefone de contacto: 697 565 470

A próxima semana publicaremos mais informaçom sobre o roteiro, adiantando que a dificuldade será média e, como sempre, tendo em conta as capacidades do grupo de montanheiras.

DOMINGO, 19 MAIO, 11 HORAS, ANDAINA PELOS MONTES DE CABRAL

Como nom resultam suficientes os centros comerciais que há na cidade de Vigo e arredor, a Câmara municipal de Vigo apoiado por capital estrangeiro planea levar a cabo um macro centro lúdico comercial e residencial nos montes de Cabral. Este levaria por diante toda uma grande área de importante valor ecológico e cultural, valor dado tanto pelos seus vestígios arqueológicos coma pela sua vitalidade acuífera. Portanto, querem arrasar com o monte alegando postos de trabalho e maior riqueza e benefício para a vizinhança em particular e a cidade em geral.

Pois nom! Nom é verdadeiro! Impossível de acreditar!

A riqueza é ter-mos um ecosistema vivo que sirva para alimentarmos-nos. O benefício deve vir do pequeno comércio, da empresa familiar que permita que todas as pessoas tenham aceso a um prato de comida. E, finalmente, a parte lúdica nom pode estar num shopping. É preciso que crianças e meninas aprendam a construir os seus próprios jogos e brinquedos, as suas inquietaçons. Se nom alcançamos que leiam, sonhem e construam de por sim estaremos condeando à inopia às próximas geraçóns. Já que estes, hoje, só som pequenos autómatas que jamais darám em fazer uma carro de bolas!

Por isso, neste domingo 19 de maio botámonos ao monte para revalorizalo e conhecê-lo!
Vem, acode e difunde!

UMA TERRA VIVA É UMA VIDA DIGNA!

 

 

Minas para quê? IV andaina pola proteçom da Serra do Galinheiro

Será 21 de abril, com saída do Parque florestal de Zamáns às 10:30 h.
Chegada: Parque forestal de Zamáns as 14:00 h.
A lonxitude aproximada da andaina é de 10 Km. (3:30 – 4:00 horas).
Nivel da ruta medio-baixo, sendeiros doados e con poucos tramos de desnivel.

Manifesto pola proteçom da Serra do Galinheiro
Manifestamos que a Serra do Galiñeiro, lugar natural de encontro dos Concellos de Vigo, Gondomar, Mos, O Porriño e Tui, é un lugar senlleiro polos seus valores naturais (xeolóxicos, biolóxicos, paisaxísticos), culturais (históricos, arqueolóxicos, etnográficos), sociais e económicos (actividades tradicionais que aproveitan de xeito sustentable e rendible os recursos do monte; actividades de lecer; deportes de natureza).

Consideramos que este espazo natural e os seus valores teñen que ser protexidos ao amparo das lexislacións europea, galega e municipal vixentes. A pesar dos convenios internacionais e das directivas europeas, Galicia só protexe (e de xeito ineficaz) o 11,6% do seu territorio (a media estatal é do 27%, Asturias protexe o 33 %, e Madrid o 40%). Por tal motivo, o noso país ten que enfrontar unha sanción da Unión Europea. A rede galega de espazos protexidos debe ser ampliada, e a Serra do Galiñeiro debe formar parte dela.

Denunciamos as actividades altamente impactantes que estragan a Serra, perseguindo a cega idea dun desenvolvemento ilimitado, e usando a natureza dun xeito irreponsable: a plantación masiva e a proliferación incontrolada de especies foráneas (eucaliptos, piñeiros e acacias), que reducen a biodiversidade e aumentan o risco de incendio; a proliferación de canteiras (moitas delas ilegais), o abandono de canteiras esgotadas sen a debida restauración; a apertura masiva de pistas, o seu ancheado e recrecemento con terra e entullo, o seu asfaltado; a práctica deportiva con vehículos a motor (todoterreos, motos de cross e quads) dentro e fora das pistas; os movementos incontrolados de terra; os vertedoiros incontrolados de lixo e entullo; a acampada ilegal;a destrución neglixente ou intencionada de patrimonio arqueolóxico. E agora están en proxecto grandes infraestruturas (un parque eólico; estradas de circunvalación urbana) e industrias de alto impacto (unha trituradora de entullo), que ameazan con degradar a Serra dun xeito xeralizado e irreversible.

Solicitamos a protección da Serra do Galiñeiro pola súa riqueza como espazo natural e cultural. A Serra é un ben natural, valioso en sí mesmo. Pero tamén é un ben común. A xeración actual debe preservala para as xeracións vindeiras e, con ela, debe conservar os seus valores:

· A súa morfoloxía: o seu modo e elevarse e a configuración das súas formacións rochosas, que fan dela un referente paisaxístico nas bisbarras do Val Miñor, Vigo, A Louriña, O Baixo Miño e O Morrazo.

· O seu rico patrimonio xeolóxico: as formacións de gneis de riebeckitanos cumes máis altos da Serra. Os seus valores tectónicos, únicos no mundo. As súas formacións xeomorfolóxicas, como A Cova da Becha, de orixe periglaciar, en Vincios, ou Os Milaghres da Trapa, nos Cabreiros. As súas cavidades, como as do monte dos Arruídos, en Vincios, ou A Lapa da Moura, en Vilas, Morgadáns.

· O seu rico patrimono biolóxico: hábitats de breixeiras húmidas, brañas, turbeiras e matogueiras de influencia mediterránea e termófilas con endemismos, algúns deles catalogados pola Directiva Europea 43/92/CEE, como "Hábitats Prioritarios", (como as "Breixeiras húmidas atlánticas meridionais de Ericas") ou "Hábitats de Interese Comunitario", (como as "Breixeiras secas" e os "Pastos pioneiros en superficies rochosas"). A Serra acubilla fauna de escasa presenza en Galiza, coma a azulenta papuda, e endemismos coma a saramaganta (Chioglossa lusitanica), e a rá patilonga. Tamén acubilla avifauna migratoria, como o picanzo real ou o pedreiro cincento. A ampliación da superficie protexida do Parque Natural do Monte Aloia a toda a Serra do Galiñeiro garantiría a continuidade dos ecosistemas imprescindibles para todas estas especies animais e vexetais da Serra.

· As pegadas da presenza humana en época prehistórica: petróglifos como o de "Agua da Laxe", de características únicas no continente europeo; mámoas como as da Chan das Moutas e as dos Bromús. Elementos senlleiros de época histórica, como os restos da Fortaleza do Galiñeiro. Elementos relevantes da arquitectura e da técnica populares, como as presas, as levadas e os muíños de auga. Pero este valioso patrimonio sofre estragos continuos. Os petróglifos de Santa Lucía (un deles, con alabardas) foron soterrados (enteiros ou relados) ao ampliar un picadeiro. Tres das nove mámoas da Chan das Moutas desapareceron: dúas foron desfeitas ao achanzar unha pradería; a outra foi soterrada por un recheo.

· As numerosas cavidades existentes na Serra. Cavidades que posúen valores xeolóxicos singulares. Abrigueiros naturais que son acubillo e leito de elementos arqueolóxicos de orixe prehistórica e medieval; abeiro para o pastoreo comunal e, ata hai ben pouco, albergue de obradoiros de cantería artesanal, como a "Casa do Demo". Cavidades que son orixe e morada dun rico patrimonio inmaterial, expresado en numerosas lendas populares e nun amplo abano de seres mitolóxicos a elas asociados. Estes verdadeiros monumentos etnográficos e o seu entorno natural deben conservarse inalterados.

· O aproveitamento multifuncional da Serra que fan moitas Comunidades de Montes, veciños e particulares, mediante actividades sustentables e rendibles, que crean as condicións necesarias para a agricultura e a gandería ecolóxicas, e que manteñen viva a identidade do rural. A súa economía sustenta, ademais, valiosas actividades dos centros culturais das parroquias, dinamizando a cultura do pobo.

· O pastoreo de gando ceibe: cabalos, vacas, ovellas e cabras. A existencia de greas de cabalos do monte galegos permite a celebración de dous Curros: o de Vincios e o de Morgadáns. Esta raza equina autóctona está en perigo de extinción, e o Real Decreto 1682/1977 establece a súa protección especial.

· As augas superficiais e subterráneas da Serra, que abastecen ao encoro de Zamáns e ás traídas de auga potable da veciñanza de todo o seu entorno.

· O valor social que ten a Serra, nun territorio tan poboado como é o Val Miñor, Vigo, A Louriña, o Baixo Miño e O Morrazo, como lugar idóneo para actividades de lecer (sendeirismo; colleita de cogumelos), deportes de natureza (escalada; carreiras de orientación) e actividades culturais (estudio e divulgación da riqueza natural, histórica e social do lugar).

Reclamamos que as administracións públicas acometan a protección da Serra dun xeito real e eficaz. No ano 2008, o Conselleiro de Medio Ambiente da Xunta de Galicia e os alcaldes dos Concellos da zona anunciaron a ampliación do Parque Natural do Monte Aloia a todo o cordal da Serra do Galiñeiro. Foi unha declaración baleira. No ano 2009, a Comisión de Espazos Naturais da Axenda 21 do Concello de Gondomar avalou as razóns da ampliación e apoiouna. Pero, a día de hoxe, os poderes públicos abandoaron ese obxectivo. No ámbito local, só os Concellos de Vigo e O Porriño clasifican nos seus Plans Xerais de Ordenación Municipal a súa parte da Serra como Solo Rústico de Protección de Espazos Naturais. O Concello de Gondomar parece seguir o mesmo camiño. Pero a Xunta de Galicia non manifesta intención ningunha de protexer este valioso lugar. Mentras tanto, a degradación da Serra continúa, e multiplícanse o número e o alcance das ameazas que penden sobre ela.

 

Invitamos a toda a cidadanía, entidades (colectivos, asociacións, comunidades, clubes) e particulares, a tomar parte neste esforzo colectivo Pola protección da Serra do Galiñeiro. A vosa participación con traballo, ideas ou un simple apoio é necesaria para salvagardar as riquezas naturais, culturais e sociais da Serra e conseguir a súa protección definitiva.

PRÓXIMO ROTEIRO: OS CAMINHOS DA SERRA DE QUEIXA

PROXIMO ROTEIRO: OS CAMINHOS DA SERRA DE QUEIXA

Os próximos dias 13 e 14 de Abril da AMAL imos trilhar os caminhos da Serra de Queixa.

Partindo da aldeia de Requeijo, na que resonam nas suas pedras as histórias da Guerrilha Antifranquista e no recordo colectivo nomes como o do Mário de Langulho, subiremos aos altos da Serra de Queixa polo velho caminho da seitura que levava as vizinhas do lugar às "malhadas", chairas no alto da montanha onde se cultivavam os cereais, o qual nom vai deixar de impresionar-nos, ao alcançar alturas que quase chegam aos 1.600 m.

Faremos um percurso circular, pretendendo fazer noite na aldeia da Hedreira mas, por se as condiçoes dos rios nom no-lo permitissem de novo, como aconteceu na Marcha de Janeiro, carregaremos com as nossas tendas de campismo para improvisar um outro lugar. Se todo for como previsto, o Domingo 14 caminharemos os Montes do Samiom que conectam com a Serra de Queixa numha impresionante formaçom montanhosa, a Cença, que deixa aos seus pés o belido vale da Queixelinha. Assim remataremos este roteiro, de novo na aldeia de Requeijo onde, de seguro será um plazer compartilhar umha parrafada com algumha das suas vizinhas. 

Dificuldade: meia-alta
Km: Valoraremos o percurso segundo as condiçoes dos rios e o grupo de montanheiras que nos reunamos.
Equipa necessária: O percurso será circular, fazendo noite na montanha. Polo tanto, para além da roupa necessária para o frio e a água, necessitaremos comida para os dous dias e saco-cama. Compre anotar-se com antelaçom para organizar o número de tendas necessárias.

Tlfe contacto: 687 913 857

Roteiro polas Fragas do Eume: Imos festexar a vitoria do movimento popular em contra da mina de "andalucita".

O vindouro 30 de março as montanheir@s de Ferrolterra realizaremos um roteiro comarcal polas Fragas do Eume. Com este roteiro imos festexar a vitoria do movimento popular em contra da mina de "andalucita". O movimento ani-mina, no que companheir@s de AMAL de Ferrolterra estiverom a trabalhar, paralizou definitivamente a destruiçom dumha parte das Fragas do Eume com a pretendida criaçom dumha mina a ceu aberto de "andalucita".

O roteiro será o sábado 30 de Março e combinamos ás 14h na casa do concelho de As Neves dende nos achegaremos até o ponto de saida do mesmo en Goente. Para mais informaçom contatade com o 649 536 270.

Colectivos e organizaçons sociais sentam as bases para criar um movimento de oposiçon à minaria selvagem na Galiza

As diversas organizaçons e colectivos que participaram no primeiro "Encontro Galego sobre os impactos da Minaria", que se celebrou o sabado 16 de fevereiro em Teo, remataram a jornada com o compromisso de criar uma rede de trabalho de para constituir um movimento global de oposiçonà minaria selvagem na Galiza.

Antes de atingir este compromisso, abordou-se a problemática dos impactos da minaria desde diversos pontos de vista: jurídico, ecologista, geológico, técnico, económico e agrário. A encarregado de abrir a jornada foi a professora da Universidade de Santiago, Alva Nogueira, que centrou a sua interven em explicar as leis que avalizam as exploraçons mineiras na Galiza e o modo de utilizar a legislaçonpara recorrer as concessões e licencias. Alva Nogueira afirmou a necessidade de forçar à Xunta a utilizar todas as ferramentas legais das que dispom relatórios de impacto ambiental ou declaraçons de projecto industrial estratégico para impedir projectos mineiros que ponham em perigo o médio ambiente, o território ou o tecido sócio-económico dos âmbitos onde se desenvolvem.

A seguinte mesa de palestrantes centrou a sua intervençonno impacto da minaria no meio ambiente. O biólogo Serafín González, presidente da Sociedade Galega de História Natural, achegou cifras interessantes que demonstram que se está arrasando o nosso país com exploraçons mineiras a céu aberto pela permisividade política que existe para este tipo de actividades extractivas. Não em vão, na Galiza extrai-se 50% da lousa para telhados do mundo. O presidente do Instituto Universitário de Geoloxia, Xoán Ramón Vidal Romaní, recordou que a lousa também se extrai em países vizinhos, como França, onde não se faz a céu aberto como na Galiza, senão através de minaria subterrânea, com muito menos impacto no entorno. Por isso, Vidal Romaní perguntou-se se realmente é necessário que produzamos a metade da lousa mundial a costa da devastación que isto supóm.

Para justificar esta sobreexplotación de efeitos ecológicos e paisagísticos irreversíveis, Serafín González explicou que a Câmara Mineira da Galiza e a Xunta amparam-se em dados contraditórios sobre a geraçonde emprego e riqueza: enquanto que a primeira afirma que a minaria na Galiza mantém 10.000 postos de trabalho, a segunda cifra estes em 7.000. Ambas mentem interesadamente, tal e como revelou o professor de Economia da Universidade de Santiago, Xoán Doldán, pois os dados do Instituto Galego de Estatística ao respeito revelam que, em 2010, na Galiza havia 4.549 postos de trabalho relacionados com a minaria, os quais desceram ainda mais nos últimos anos devido ao declive do sector da construção.

Doldán assinalou que a actividade mineira só regista os benefícios directos obtidos da sua actividade, mas na sua contabilidade não computan os custes sociais e ambientais nem a curto nem a longo prazo, gastos que sempre acaba pagando o erario público e sofrendo as pessoas que vivem no rádio de influência das minas. Também nom computan as subvençons públicas milionário que levam estas empresas, algo ao que se opôs rotundamente Xoán Ramón Vidal Romaní, que afirmou que "devem ser as empresas mineiras as que gerem riqueza para a Galiza com a sua actividade, e nom Galiza a que gere riqueza para estas empresas".

O projecto mineiro para extrair ouro em Corcoesto ocupou um bom anaco da atençon dos participantes. Enquanto que Serafín González achegou dados sobre a contaminaçon que geraria, o engenheiro de minas Emilio Menéndez advertiu que se trata de uma exploraçon a muito curto prazo e puramente especulativa, pois só é rendível neste intre pelo bico atingido pelo preço do ouro. Neste senso, Menéndez lembrou que enquanto que o ouro se cota agora a 1.690 $ a onza, em 2000 o seu preço era de 250 $. Quando a crise económica comece a remeter, o preço do ouro baixará e deixará de ser rendível a extracçon em Corcoesto, pelo que a sua permanência de seguro que será inferior aos dez anos que promete a empresa explotadora, Edgewater Exploration. Face a este tipo de minería especulativa e em curto prazo que extrai minerais e metais innecesarios; Menéndez advogou por uma minaria sustentável no tempo, respeitosa com o entorno, geradora de riqueza a longo prazo e baseada na utilidade e necessidade das suas extracçons. Longe disto, o projecto para Corcoesto prevê destruir 50% do território da parroquia, imposibilitando a exploraçon florestal e agrária que se vem fazendo agora nessas terras e a escassos metros de habitaçons habitadas que passarão a ser inhabitables.

A secretária geral do Sindicato Labrego Galego, Isabel Vilalba Seivane, fechou as intervençons advertindo do impacto irreversível sobre os sectores agrogandeiros, e denunciou a "cultura colonial" que leva aos nossos governos a fomentar uma actividade económica em curto prazo e com data de caducidade que só beneficia o lucro de uma empresa privada e gera umas dúzias de empregos temporárias; face a outra permanente, que mantém vivo o meio rural e da que depende totalmente o território agredido porque mantém milhares de postos de trabalho e supóm o meio de vida de milhares de famílias. Vilalba concretizou a conivencia do poder político com as empresas mineiras tirando a colación a Lei do Solo, do ano 2010, que autorizou as actividades extractivas em solo de especial protecçom agropecuaria, até entóm proibidas.

Sem dúvida, o primeiro "Encontro Galego sobre o Impacto da Minaria" deixou bem claro que Galiza se enfronta a uma problemática que se dá ao longo de todo o seu território e, de um modo ou outro, afecta a toda a cidadania ameaçando amplos espaços e sectores sócio-económicos. Daí o compromisso das organizaçons e colectivos participantes de callar um movimento amplo e global que responda a esta problemática de modo integral. Por isso, na próxima semana seguirám produzindo-se encontros para concretizar e fazer realidade esta iniciativa.

Galiza está a ponto de se converter em uma grande mina a céu aberto

Desde ria-as Baixas até o interior de Lugo e Ourense, a Xunta de Galicia está aprovando dezenas de enormes projetos mineiros, muitos deles altamente poluentes. Serafín González, presidente da Sociedade Galega de História Natural e pesquisador do CSIC, acha que deixar via livre às multinacionais mineiras de todo mundo será uma sentença de morte para a Galiza: suporá a destruição de patrimônio natural, cultural e paisajístico, a contaminaçom do meio, e um grande risco para a saúde das pessoas.

Quais som as ameaças que enfrenta a Galiza?

1. O exemplo mais conhecido até agora é o de uma enorme mina a céu aberto para extrair ouro (mal 1,6 gramas por tonelada de rochas) em Corcoesto (A Corunha). A extraçom de ouro nom só deixaria grandes feridas na terra: pela cada quilo de ouro, além de consumir-se 128 kg de cianuro no processo, se gerariam 4.000 toneladas de resíduos e escombros que conteriam, finamente molido e muito soluble, 250 kg. de arsênico antes "atrapado" dentro das rochas e pouco soluble. Mas Corcoesto seria só o primeiro de uma série de projetos de megaminería: a mesma multinacional canadense Edgewater quer explodir também a mina das Foxas em Santa Comba e há ao menos outros cinco projetos de explorações mineiras a céu aberto de ouro e de prata em território galego.
2. Uma multinacional sul-africana está realizando tarefas de prospecçom face à abertura de uma mina de coltám e terras raras na Serra do Galinheiro, em Vigo, que teria um enorme impacto ambiental, paisajístico e populacional, já que o espaço projetado da mina afeta diretamente a vários núcleos de população. Em uma mina semelhante localizada em Baotou (Chinesa), as toxinas decorrentes da exploraçom acabaram envenenando a água, os cultivos e aos próprios habitantes, de acordo com um relatório da Agência Reuters do ano 2010.
3. No meio do Parque Natural das Fragas do Eume, um dos locais mais belos e mágicos da Galiza, se planeja a abertura de uma mina de andalucita a tão só 50 metros do limite do Parque Natural, na confluência do rio principal e alguns de suas afluentes.
4. A Xunta de Galicia tem uma "aposta decidida pela busca de jazigos de gás natural não convencional", segundo o Diretor Xeral de Indústria, Enerxía e Minas. Isto é, uma aposta decidida pela fratura hidráulica ("fracking"), uma técnica de extraçom enormemente agressiva e perigosa, que consiste em perfurar e injetar a pressom grandes volumes de água (90%), arena (9,5%) e produtos químicos (0,5%), alguns de grande toxicidade, no subsolo para fraturar as camadas de xistos ou lousa e fazer aflorar à superfície o gás que contêm estas rochas. É impossível recuperar todo o volume de água e produtos químicos poluentes injetados na cada um dos poços, se envenenando assim chãos e acuíferos. Também nom se consegue atrapar todo o gás que se liberta das rochas, pelo que até um 3-8% passa diretamente à atmosfera agravando o efeito invernadeiro.
5. A Xunta de Galicia nom só quer permitir novas exploraçons: por causa do aumento dos preços a nível mundial querem ser reaberto antigas minas de metais por toda Galiza, tanto as que ainda mantêm em vigor os direitos mineiros como aquelas para as que se declarou sua caducidad e que a Xunta quer reativar as sacando a concurso público, como já ocorreu nas províncias da Corunha (ao menos 10 pedidos aprovados ou em trâmite para minas de estaño e wolframio) e Ourense.

A Xunta vende estas atuaçons à populaçom galega como uma "oportunidade de criaçom de postos de trabalho". Mas nom tem interesse algum em divulgar as terríveis conseqüências que esta intensiva atividade mineira pode ter no futuro e, ignorando as muitas vozes na contramão, aprova declarações "exprés" de impacto ambiental pouco rigorosas e sem as devidas salvaguarda (aval bancário e/ou seguro de responsabilidade civil) necessárias para que os contribuintes nom tenhamos que pagar outro possível desastre como o de Aználcollar.

Tanto a minaria a céu aberto como a fratura hidráulica têm amplos efeitos na saúde das pessoas e no médio ambiente, como demonstram numerosas investigaçons de caráter científico e os dados que chegam desde comunidades afetadas em todo mundo. Muitas exploraçons mineiras da Galiza, em marcha ou projetadas, ignoram a área de proteçom necessária para núcleos de populaçom e meios naturais, pelo que é inevitável que estes danos se produzam.

E em definitiva, a Xunta de Galicia nom propóm quais serám os efeitos a nível ambiental e de saúde nas pessoas uma vez estes projetos finalizem sua vida operativa. As empresas se irám, o emprego associado a elas desaparecerá, mas, qual será o alcance do dano para esta geraçom e as futuras? Uns quantos postos de trabalho precários e limitados no tempo nom podem hipotecar o futuro de umha Terra e a saúde de sua gente.

Desenho de Antom Santos

Desde a prisom de Aranjuez chegou a mãos dumha companheira este precioso debuxo de temática montanheira feito polo companheiro Antom Santos. Ainda que dentro do cárcere nom tem acesso a bom material para o debuxo, fai-nos chegar maravilhas como esta. Desde AMAL queremos comparti-lo com tod@s vos.

Antom, vemo-nos no monte! 

Liberdade independentistas!

O L.S. Faíca organiza um roteiro polo rio Jabrinha

O Sábado 16 de Fevereiro as companheiras e companheiros do Faísca botam-se ao monte para conhecer o val do Jabrinha e o seu entorno situado nos montes de Covelo. A riqueza natural e etnográfica que apresenta éste roteiro é das máis importantes da zona polo que paga a pena a súa realizaçom.
Combinara-se as 09:30 no L.S Faísca e é preciso levar roupa para mudarse já que o roteiro percorre o curso do río Jabrinha anegando algún tramo nesta época do ano.

Bota-te ao monte!

O espólio dos metais galegos: Transnacionais procuram lucros através da minaria de metais

As riquezas minerais da Galiza som conhecidas desde antigo. Os Romanos vinhérom e ficárom para explorar o ouro das nossas montanhas. Durante a Segunda Guerra Mundial, o volfrâmio galego foi cobiçado por uns e outros, e boa parte serviu para ajudar a indústria bélica do III Reich. A história da mineraçom é também a história dum espólio. As consequências dumha indústria extractiva agressiva para com o meio, pagamo-las nós. Os benefícios económicos, esses, pouco param por aqui. Várias empresas transnacionais, com a colaboraçom do Governo autónomo, estám a desenvolver dúzias de projetos mineiros na Galiza, com o único objectivo de ganharem mais.

 A Junta da Galiza aumentou perceptivelmente as licenças de investigaçom geológica em território galego, licenças de que empresas transnacionais e fundos de capital de risco estrangeiros som beneficiárias em boa parte. Segundo informaçons publicadas nos últimos meses, até à data fôrom apresentados cerca de 170 pedidos de investigaçom geológica. O jornal La Voz de Galicia (5 de novembro) dedicou um suplemento especial às actividades mineiras, onde se dava conta das investigaçons que a Solid Mines España S.A.U., filial da firma de capital risco canadiana Solid Resources Ltd., está a realizar para extrair coltám, entre outros minerais metálicos. Outros projetos estám em curso. Em Corcoesto há projetos para a explorar ouro; na Serra do Galinheiro, para “terras raras”; em Viana do Bolo, para tantálio. Outros lugares estám a ser prospectados. A lista continua.

O professor de Economia Aplicada da Universidade de Santiago de Compostela, Xoán Doldán, indica que volta a haver interesse nos recursos mineiros galegos, quer na exploraçom de recursos antigos, como o ouro ou o volfrámio, quer de novos recursos, como o tantálio. No caso das antigas exloraçons mineiras, Doldán diz que essas exploraçons “fôrom a dada altura abandonadas porque deixaram de ser rendíveis, mas agora essa riqueza de mineral poderia ser interessante na situaçom do mercado dos metais a nível mundial”. Quanto ao tantálio (ou coltám, que é como se conhece quando vem associado com outros minerais), é especialmente interessante nestes momentos pola sua ligaçom à indústria eletrónica”. Doldán salienta que está a acontecer a nível global algo semelhante ao que acontece com o petróleo e que já se poderia falar dum “pico dos metais”. “Precisamente por essa escassez, jazigos minerais que noutros momentos nom teriam demasiado interesse comercial agora passam a tê-lo”, expom Doldám, “porque o preço desses minerais é o suficientemente alto para que certas exploraçons, ainda que poidam ter um rendimento baixo em termos físicos, fique compensado polos preços que tenhem no mercado".

 Residuos da minária no Maçizo de Trevinca. Foto de roteiro de AMAL

Ouro e cianeto em Corcoesto
O projeto para abrir umha exploraçom de ouro em Corcoesto está a suscitar forte oposiçom entre a vizinhança e é talvez o projeto de mineraçom de metais que está a ser mais falado no País. Meli Souto, da Plataforma na Defensa de Corcoesto, explica que já na época romana se conhecia dos jazigos de ouro nesta zona. Nos anos 90 a Rio Narcea Gold Mines adquiriu os direitos de exploraçom e iniciou as atividades de pesquisa e tramitaçom do projeto. Em 2010 a canadiana Edgewater Exploration Ltd. adquiriu 100% da RNGM, e com isso os direitos do projeto de Corcoesto, com a finalidade de pô-lo em marcha logo que possível. “Os antecedentes som múltiplos, mas a viabilidade do projeto por causa da sua 'rendibilidade' tivo de esperar por umha situaçom económica global favorável, como a que estamos a viver na atualidade”, diz Meli Souto. E acrescenta que “houvo impedimentos para se aceder ao projeto na fase de exposiçom pública, e isso porque a Administraçom considera o projeto como Industrial Estratégico, de modo que dispugemos apenas dum mês para apresentar as alegaçons técnicas e jurídicas, juntamente com o Projeto de Exploraçom, o Estudo de Impacto Ambiental e o Plano de Restauraçom”.

Os movimentos ambientalistas mostram-se mui críticos com que se esteja a tramitar simultaneamente a declaraçom desta mina como Projeto Industrial Estratégico. Nela Aguiño, da Verdegaia, explica que “a recente ‘Lei Industrial de Galicia’ (13/2011) permite acelerar todos os trámites dos projetos considerados estratégicos e a avaliaçom ambiental fai-se polo método abreviado. Parece feita por medida para dar via livre a todas as desfeitas”. A “nom sujeiçom a licença urbanística municipal” ou “a declaraçom de prevalência sobre outras utilidades públicas” som algumas das vantagens que estabelece o artigo 42º desta lei para favorecer os projetos declarados estratégicos. Umhas das condiçons da legislaçom para que um projeto seja considerado estratégico é que este produza 250 postos de trabalho. No mês de junho, o presidente da Xunta afirmava que a nova exploraçom da mina de ouro em Corcoesto geraria 1.371 postos de trabalho. O professor Doldán diz-nos que essas cifras som falsas, pois que “em nengum documento a empresa fornece tais cifras e dá outras, das quais se deduz que nom vam chegar a esses 250, possivelmente nem se chegue aos 100 postos”.

Por outro lado, som múltiplos os efeitos prejudiciais que a mineraçom do ouro tem sobre o ambiente. As águas, sobretodo as subterrâneas, podem ser contaminadas por cianeto (substância empregada para separar o ouro), os cursos dos rios sofrerem alteraçons, as nascentes podem secar e aumentarám as emissons de rádon. Segundo expom Nela Aguiño, “as verqueduras de materiais pesados (níquel, arsénico ou chumbo) ultrapassam os limites legais. Estes metais som arrastados polas águas de escoamento e vam parar ao rio Anlhons”.

Serra do Galinheiro
O de Corcoesto é um exemplo da cobiça que está a despertar a riqueza mineira no nosso país. Mas nom é o único. A Plataforma pola Defesa da Serra do Galinheiro acaba de apresentar alegaçons ao projeto de investigaçom do potencial mineiro em terras raras que neste espaço pretende realizar a sociedade de investidores sulafricanos Umbono Capital. Segundo a Plataforma, de cada tonelada de mineral extraído e tratado obtenhem-se entre 50 e 500 gramas de óxidos de terras raras. Serám usados produtos tóxicos, alguns contendo elementos radiativos, que poderiam acabar por filtrar para o subsolo. No caso da Penouta, em Viana do Bolo, é a canadiana Pacific Strategic Mineral a interessada em extrair tantálio dumha mina que fechou nos anos 80. Aqui foi a Sociedade Galega de História Natural que saiu nos meios de comunicaçom (os meios espanhóis chegárom a mencionar este lugar como “o Congo espanhol”) para denunciar que a exploraçom mineira estava situada num lugar protegido.

Serra do Galinheiro. Foto de roteiro de AMAL

Mineraçom sustentável?
Por definiçom, a atividade mineira é agressiva para com o meio. Perguntado pola possibilidade dumha minaria sustentável, o professor Xoán Doldán afirma que “a única mineraçom sustentável seria aquela em que, umha vez que som extraídos os minerais, o emprego destes se prolongasse o máximo possível”. Deste jeito, Doldán crê que há que “pensar umha mineraçom diferente, umha mineraçom do lixo. Pensar nessas outras jazidas de materiais que som os aterros ou as instalaçons de tratamento do lixo, pois acontece muitas vezes que se queima o lixo sem se aproveitarem esses materiais”.

Texto de A.L. publicado no xornal Novas da Galiza número 121 (02/02/2013).

CRÓNICA DA 34ª MARCHA DA AMAL: SAM MAMEDE

O Sábado 19 de Janeiro partiu a 34ª Marcha da AMAL para trilhar, mais umha vez, os caminhos do Maciço galego. As duras condiçoes meteorológicas previstas nom conseguirom achantar às montanheiras, que começarom o caminho na boca do rio Queixa na barragem de Chandreja de Queixa, com a certeza de que ia ser necessário mudar o percurso previsto por causa dos rios nom terem cabimento nas suas bácias. A rota original planejava fazer noite na aldeia da Edreira, para o que cumpria atravessar o corgo da Boqueira, afluente do Edreira que, tras várias achegas fai o rio Queixa. A possibilidade de isto nom ser factível e mesmo de que o refúgio da Edreira nom estivesse em boas condiçoes para fazer a noite, animou-nos a mudar a rota para meter-lhe o dente ao cúmio  de Sam Mamede (1.616 m).

Começou o caminho polo vale do Queixa: regueiros de penas descem agudos polas abas lambidas dos glaciares que noutrora ocuparom estas terras; o rio impetuoso lavra um dos vales mais fundos do Maciço, e acompanhou-nos bruando até a aldeia da Ferreiria onde começamos a subir polo caminho que transcorre paralelo à corga de Torneiros, um ascenso por umha fraga belida de alvos bidueiros, avondosos acivros e liques viçosos que vestem os carvalhos. A meio caminho a chuva persistente mudou em silandeira neve e, em cousa de umha hora, o branco engalanou o bidueiral, de jeito que ao chegar a aldeia abandonada de Teixedo todo era áuga aos nossos pes.

Por caminhos anegados continuamos a rota que, por riba dos 1.300 metros bordeia a fraga por pistas cobertas de neve, onde perdemos o aconchego do vento que nos presenteava a floresta. Acompanhará-nos desde entom um frio intenso que nom tiraremos dos nossos corpos até bem andado o descenso. As montanheiras demos fé das prediçoes metereológicas de alertas máximas e ciclogéneses explosivas, e comprovamos nos próprios corpos a dureza da montanha. No cúmio de Sam Mamede um forte vento carregado de neve gélida impedia-nos enxergar ao nosso redor; com dificuldade podiamos erguer as nossas cabeças para olhar-nos no caminho. Impossível nestas condiçoes tirar a foto de equipa no cúmio: malia que procuramos faze-lo na capela do Santo, o vento louco que semelhava aparecer desde todas as direçoes nom no-lo ia permitir.

Nestas condiçoes procuramos o refúgio que se atopa nas imediaçoes da capela, que encontramos em melhor estado que na rota de Janeiro de 2012. Ali pudemos petiscar algo, mas o intenso frio empurrou-nos a reanudar rapidamente a marcha, percorrendo durante aproximadamente 2 Km a crista de Sam Mamede até o Alto da Fornosinha, onde começamos o belido caminho de descenso que nos levaria de novo a aldeia da Ferreria, bulindo para espilir o frio por um caminho de neve, enquanto aos poucos nos foi acolhendo nas suas saias a montanha.

Rematou assim mais umha marcha da Agrupaçom, na que pudemos viver de perto a afouteça da montanha, que nos tinha preparada umha dura rota por causa do clima. Como sempre, o convívio ledo que nos procuram estas nossas aventuras e a nossa paixom polos cúmios desta Nossa Terra, fizeram deste roteiro umha belida marcha, animando-nos sem dúbida a repetir o Maciço, que percorreremos na próxima Marcha pola Serra de Queixa e o Samiom, para o próximo mês de Março, aguardando que, desta vez sim, as condiçons nom no-lo impidam.